စှကႜးမၢး ဂြံဗႜးႏူေသၠံတဲသၾတဳ

စှကႜးမၢး ေသၢာံတိတ္ဗႜး ႏူေသၠံတဲသႝသၾတဳေရာင္မၢးဂွ္ ပသာ္မဒွ္ပႜန္ေရာ။ ပႛဲကုဪတၝဲ ( 25, December, 2007 ) ေတံ အဲ ခ်ဴပတုိန္ ထ႟းဏာကုဪမြဲပ႐ူတုဲရ။ လၞဳဟ္ တႝဟ္နသၞိက္ပခုိင္ဗဗုိန္ကုဪ ဂလာန္ဗ်တၱိစှကႜးဂွ္တုဲ ထပ္လၜထ႟းကုဪုအဂုီမြဲပႜန္။ ေပႝာ၀္စှဒစိတ္သာ္တံဂွ္ ဗႝတ္စှမြဲမြဲ ေသၢာံပတႜမၢး ပူဂုဪဂွ္ ဒွ္တႜပညာမြဲကုီေရာင္ အၥာသႜပတ္ဗ်တၱိဒစိတ္သာ္ (စှဒစိတ္သာ္) မဟုီတြံလ၀္ရ။ ဇႝတ္မဂြံပတႜ ဗ်တၱိစှကႜးမြဲဓ၀္ေလ၀္ ေသၢာံဒွ္တႜပညာမြဲေဍာတ္ကုီေရာင္ မိက္ဂး။ စှကႜး၀ြံ သၵးဟုီ ဗတ္ဘာသာေအင္ကလိတ္မၢး Cleverness ရသၵဟ္။ မေ၀ါဟာရစှကႜး၀ြံ ဇၞာပ္ေကာန္မန္တံ ဟုီဂးျဗဳဒၞံင္ စၞဟ္တၝဲတုဲ အဓိပၸဲါေဍံမမိက္သၢးဂွ္ တီကႜဳိဟ္ေကတ္ဒၞံင္ဖအုိတ္ရ။ ဂး..ဂး..ပုံအဂုဪမြဲ စှကႜးတုဲမဂြံတိတ္ဗႜးႏူေသၠံတဲသၾတဳဂွ္ သၞိက္တီမၢး ဆက္ဗွ္ပႜန္ညိ။

ဣ၀ြံ စှကႜးတုဲမဂြံတိတ္ဗႜးႏူေသၠံတဲသၾတဳဂွ္ ႏြံမြဲဂလာန္ကုီရ။ ပႛဲကာလမတုဲေတံ ေဗာဓိသတ္ပုဦ မဒွ္ကၾကင္ သုီျပ၀ါ ၅၀၀ ပဒတၜ ပႛဲၾကဳင္မြဲမႝဳံကု၀င္။ အေဒ၀ဒတ္ေလ၀္ ႏြံဖၜျပ၀ါကၾကင္ ၅၀၀ ပႛဲ၀င္ဂွ္ကုီရ။ ဒဒွ္ပ႐ုိက္မကႜဳင္စုိပ္ဇကုဂွ္ ေဗာဓိသတ္ကၾကင္ တီေကတ္ရ။ ပသာ္မတီေကတ္ဂွ္ေရာ။ စိင္ျဒင္မြဲ ငၝှစတၜ ဇေရင္ၾသင္ၾကဳင္ဂွ္ကုီ။ ဇေရင္၀င္ဂွ္ ေဍံကႜဳင္သၱိက္တၜလၞဳိန္ေဟင္။ ႏြံကာလမြဲတၝဲ ဒကုဲ႓ါ ဒွ္၀ါဒေသြက္ဇုဪတုဲ ထေဍင္ကိတ္တၜရင္သၠံရ။ ေဗာဓိသတ္ ညာတ္တုဲ ဗၥာရဏာတၜရ။ ဒဒွ္ပ႐ုိက္မကႜဳင္စုိပ္ဇကုဂွ္ တီေကတ္တုဲ သာ္၀ြံ မဟုီပတီျပ၀ါဂမႜဳိင္ရ။ ယြံမႝးတံ ပုဦဒၞံင္ ပုဦသၵဟ္ပ႐ုိက္အုိတ္ရ။ ျပ၀ါကၾကင္ဂမႜဳိင္ မိင္လဟုီကၾကင္ေဗာဓိသတ္တုဲ ဇက္ေကႜာံအာ၀င္သအာင္တုဲ ပဒတၜရ။

ကၾကင္အေဒ၀ဒတ္တုန္ေလ၀္ ဟြံပေတွ္တၜ ဂလာန္ေဗာဓိသတ္တုဲ ဒၞံင္တၜပႛဲ၀င္ဂွ္ေဟင္ရ။ ႀကၜ၀ြံ ဒကုဲ႓ါမထေဍင္ကိတ္ရင္သၠံဂွ္ ဒကုဲမြဲ က်အာတုဲေျဒပ္ဒၜအာရ။ ဒကုဲမက်ဂွ္ ေျဒပ္ဒၜဟြံဗႜးတုဲ ညာတ္စိင္မြဲမသၱိက္ဒၞံင္၊ ပႛဲေထၞာင္ဒပွ္စိင္ဂွ္ ေဍံေျဒပ္လုပ္အာရ။ စိင္တုန္ေလ၀္ လကုိတ္ငၝဳဟ္ ဒလုိက္ကၱဳဪ၊ လယွ္တသုိဟ္ပၱိတ္ ဟြံမာန္တုဲ တက္ဒပွ္ ဆင္ေစွ္ပႛဲ၀င္ၾကဳင္ဂွ္တုဲ ဖူထအူသဓုဪဂေစာတ္ သုီကုဪဒဒုိက္ေဟင္။ ဇႝတ္မဖူကႜဳင္ ဖူအာဂႜဳိင္ ဍာ္၀င္မသၨဳင္ဂွ္ ကႜဳိက္ကႜိအာရ။ ကၾကင္အေဒ၀ဒတ္ကုီ သုီညးမဒၞံင္ကေရာံေဒ၀ဒတ္ဂွ္ အာစုိပ္ဂမၥဳိတ္ေဟင္။

ေဗာဓိသတ္ကၾကင္ ဟုိတ္မႝဳံပညာ ညာတ္ေကတ္တုဲမျဂင္တီဟုိတ္ဖုဪ၊ လလၜဇကုသုီျပ၀ါဂမႜဳိင္ ဆညးမေပၱဟ္ဂလာန္ေဗာဓိသတ္ တံဂွ္ ဟြံဒြံဒဒုိက္ေဟင္ မိက္ဂး။ ဣ၀ြံ ဓ၀္သတိမမင္မြဲဓ၀္မစှကႜး၊ ဟုိတ္ႏူမစှကႜးတုဲ မဂြံတိတ္ဗႜးႏူေသၠံတဲသၾတဳရ။

ဟုိတ္ႏူမစှကႜး မဂြံညာတ္လ၀္ႏူဇေမၝာဲ ႓ုိန္လုပ္တၜ ပႛဲေသၠံတဲသၾတဳတုဲေလ၀္ မဂြံတိတ္ဗႜးႏူဒဒုိက္ေလ၀္ ႏြံကုီ။ ညးမဒွ္သာ္ဂွ္ေရာ။ လက္ထက္ေဗာဓိသတ္ပုဦ မဒွ္မင္ဗႜာဲအညတရမြဲ အာကတ္ကြတ္ ဍဳင္တကၠသုဪ၊ ကတ္ကြတ္တၝေလပ္တုဲ ကာလမကေလင္စၜ ဆုဪဒးကေလာ္မြဲ အလုံဇကုေဍံ ဒွ္ဒၞံင္ဇ႓ုိတ္ေဟင္။ ေဍံညာတ္ေဗာဓိသတ္ ေဍံေျဒပ္ႀသဲကႜဳင္ကုဪေဗာဓိသတ္ရ။

ပႛဲဂွ္ ေဗာဓိသတ္ ဗလးဏာတၝ၊ တၝၾကပ္အာ။ နတဲေဗာဓိသတ္ တက္ေဍံ၊ တဲေဗာဓိသတ္ ၾကပ္အာ။ နဇုိင္ ထႏွိက္ေဍံ၊ ဇုိင္ေဗာဓိသတ္ ၾကပ္အာ။ နကႛဳိပ္ ဒိေဍံ၊ ကႛဳိပ္ေဗာဓိသတ္ ၾကပ္အာတုဲ ေဗာဓိသတ္ တိတ္ဟြံဗႜးႏူေဍံတုဲ သာ္၀ြံ ေဗာဓိသတ္ ဂးကုေဍံရ။ ဟာဲကေလာ္အဇ႓ုိတ္ ဇကုအဲ၀ြံ ဗတ္ဇဗတ္ေရာင္။ ဖ်ဳန္အဲကုီလ၀္ ဆီအဲကုီလ၀္ ယာံေဗွ္သၥ မသၱန္ဒၞံင္ ပႛဲဂႝၜေဗွ္မၢး လၸသေလွ္ရ၊ ႏူပါင္ေဗွ္၀ြံ ဒုဪပတ္ျဒ တသာတ္တိတ္အာရ။ ေဗွ္ ဟြံဒးပကာဂစုိတ္ရဟာ။ ကေလာ္မိင္တုဲ ေဍံခ်ပ္ရ။ ေပႝာ၀္ညးသအာင္ အဲ ရပ္စကႜဳင္၀ြံ ေဍံ၀ြံမြဲ လဟုီတႝဟ္။ ေဍံ၀ြံ အဲ သၥတုဲ အဲ ဟဂြံဂ်ဳိင္လမ်ဳီေကြံရသၵဟ္၊ ေဍံဂးတုဲ ေဍံဗလးေကႜံရ။

ဣ၀ြံ ဓ၀္မစှကႜး မၢးေရာင္။ ဟုိတ္ဓ၀္မစှကႜးရ မဂြံဗႜးႏူေသၠံတဲကေလာ္ဇ႓ုိတ္ေရာင္ ဟြံေသင္ဟာ။

ဗ်တၱိစှကႜး

ပႛဲဗ်တၱိဒစိတ္သာ္တံဂွ္ ဗ်တၱိစှခႜ ကုဪဗ်တၱိစှေရင္ ႓ါသာ္ဂွ္ အဲ ခ်ဴပတုိန္ထ႟းဏာလ၀္ကုဪတုဲရ။ အဓိပၸဲါစှခႜ အဓိပၸဲါစှေရင္ မမိက္ဂြံဂးဂွ္ေလ၀္ မိတ္သဟာဲတံ တီကႜဳိဟ္ခႜင္ေကတ္ကုီရ။ ဗ်တၱိစှခႜဂွ္ အဲ ကႜာဲေစႜာံဏာလ၀္ ဗတ္ဘာသာေအင္ကလိတ္ Educational Strategy ရဂး။ ဗ်တၱိစှေရင္ပႜန္တုန္ ပသာ္ေသၢာံကႜာဲေစႜာံဏာ ဗတ္ဘာသာေအင္ကလိတ္ဂွ္ေရာ။ ဒၞါႏူဇကု ဒွ္ေကာန္ေအင္ကလိတ္မြဲ ဟြံေသင္တုဲ ဗႝတ္မေလပ္လ၀္ညိညဓ၀္ဂွ္ ကႜာဲေစႜာံဏာဗတ္ဘာသာေဍံ ဟြံေလာဲသြာ။ ပႛဲေ၀ါဟာရေအင္ကလိတ္ ဇကုမဂြံကတ္လၝတ္တီေကတ္လ၀္ ဗႝတ္ညိညသၨဳိင္သာဂွ္ ဂႜဲါျဂင္လဖွ္ပတိတ္ ႏူတမ္ဒုဪေကႝာတ္တုဲ စံက္ဂးေ၀ါဟာ၀ြံ ဗဗြဲေရာင္ မဒွ္ပႛဲစုိတ္ေတံတုဲ ကႜာဲေစႜာံဏာလ၀္ သာ္၀ြံ။ Arrangement ေရာင္ဂး။ ဒြးကုီ မုတ္ကုီဂွ္ တႜပညာမန္မတီေ၀ါဟာရေအင္ကလိတ္တံ သၢဳတ္သြာတ္ေကတ္ရ။

လၞဳဟ္ စုိပ္ကႜဳင္အလန္ဗ်တၱိစှကႜး မရႏုက္ကုဪပိရ။
၃။ စှကႜးမၢးဂွ္ ပသာ္မဒွ္ဂွ္ေရာ။ စှကႜး၀ြံ တႜပညာသႜပတ္ဗ်တၱိဒစိတ္သာ္ မကုဪလ၀္ဥပမာေဍံ ညံင္ရၜဍာ္ဗၵာရ။ သဘၜဍာ္ဗၵာမၢးဂွ္ ေကာံကေလာံဒၞံင္ ညံင္ကုဪမ႓ုိတ္ရပ္ေကတ္ဂြံကုီ။ ဆမ႓ုိတ္ရပ္ေကတ္ဂြံဂွ္ လ၀္ကုဪရ၊ ဆလပုဟ္တဲညိကုီဂွ္ ဟဂြံေတႛက္။ ဣ၀ြံ သဘၜဍာ္ဗၵာေရာင္။

ပၞာညံင္ရၜသာ္ဂွ္ကုီရ၊ ႀယၜပူဂုဪမြဲ တႝဟ္နညးသၞိက္ဖႛဳိန္ေကႜံ ႀတှဇွ္ဒယွ္တွ္ဇကုကုီလ၀္၊ တႝဟ္နညးသၞိက္ဖုတ္ေကႜံ ဒတုဲျမေမာ၀္ဇကု ကုီလ၀္၊ တႝဟ္နညးမေသၠတ္ဇမႝးကုဪဇကုကုီလ၀္၊ တႝဟ္နညးမေသၠတ္ လမ်ဳီဇကုကုီလ၀္၊ နကုဪေလြဟ္ဥပၸဲါစႝာဲ မဂႜဳိင္ ညးပႝဳက္ေဒပ္တုဲ နဓ၀္သတိမေလပ္စီေပႜပ္ လဗုိန္လ၀္ ပႛဲသႏၳာန္ညးတုဲ နဂလာန္၀ါစာသဂၤဟ မေလပ္စှကႜး နရွ္ရမ်ာင္ မတုပ္တၜ ညံင္ရၜျဒ၀္သၞိင္ဥဒုိန္ မဖ်ဳင္လ၀္သာဲေကၱာ၀္ညးတုဲ၊ န၀တၳဳကာမ မတြံဂးထ၀္ၾသန္ေၾသာံသၝဳ ညံင္ညးမေထာံလ၀္ ဇေကာက္ေဂါက္၊ ညံင္ေဒႝင္ပသဲေသႝာန္ မစင္လ၀္ပရန္တုဲ မေထာံလ၀္ ပႛဲဍာ္တုဲ သတ္ဍာ္သမႜဳီ ဟုိတ္ဟဂြံတီေကတ္တုဲ ေသႜဟ္ဂးစႝ မသၸအဟာဇကုရဂးတုဲ က႟ိပ္ငၝိတ္ေဖ်ံဏာတုဲ သတ္ဍာ္တံဂွ္ ဒးသႛိင္ေဒႝင္ပသဲဇေမၠက္တုဲ ဒးလုပ္အာေသၠံတဲသၾတဳရ။ ပူဂုဪမႝဳံကုညာဏ္ပညာမစှကႜး မတီအကၡရ နေလြဟ္ဥပဲါညးသာ္၀ြံတုဲ ႏူဇေမၝာဲ မဂြံဗလးဇကုေရာင္ မိဂၢး။

ဟုိတ္မႝဳံကုညာဏ္ပညာမစှကႜးတုဲ ညးမဂြံဗလးဇကု ႏူဘဲညးမပလုီပလာ္တံဂွ္ ညးဂွ္မဂပ္၀္ထ႟းေရာ။ ညံင္မွဳဟ္သဓ မႝဳံပညာမစှကႜး ႓ုိန္အစာပန္ မွတ္ပလုီတၜကုီ ဟုိတ္မႝဳံကုညာဏ္ပညာမစှကႜး မသွ္ပၱၜလ၀္ဓ၀္သတိတုဲ ဇၞာပ္ပ္ကာလလၞဳိန္ အစာပန္ ပလုီတၜကုီ ပလုီဟြံမာန္ေဟင္။ ႀယၜပူဂုဪမြဲ မႝဳံကုညာဏ္စမှကႜး မသွ္ပၱၜလ၀္ဓ၀္သတိ ဇၞာပ္ပ္ကာလ မဂြံဗႜးႏူစၞိန္ျပမာန္သၾတ တၞာမွဳဟ္သဓ ဟြံမြဲရ။ အေစာံမဒွ္ညာဏ္ေဗာဓိသတ္ မဂြံတိတ္ဗႜးႏူေသၠံတဲသၞိင္ေစာရဏိေရာင္။

မႝိဟ္လ၀္ကုဪဒွ္ကႜာရ၊ တိရစၧာန္တံကုီေလ၀္ ဟုိတ္မႝဳံညာန္မစှကႜး မဟဂြံ၀ိုတ္ဓ၀္သတိတုဲ မဂြံတိတ္ဗႜး ႏူေသၠံတဲသၾတဳကုီ။ ညးမဒွ္သာ္ဂွ္ေရာ။ လက္ထက္ေဗာဓိသတ္ပုဦမဒွ္တ႟ဳိင္ သုီျပ၀ါဂမႜဳိင္ ၅၀၀ ဂွ္ ဆုခ်မြဲတႝံဂွ္ ဒးဒးကာလသတ္တုဲ ေဗာဓိသတ္သုီျပ၀ါ ၅၀၀ ဂမႜဳိင္ ကႜဳင္စတၜသတ္ခ်လၞဳိန္ေဟင္။ ႏြံကာလမြဲတၝဲ လၞမြဲ ေဂၝင္ကႜဳင္၊ ေဍံကႜဳင္ညာတ္ ဒမံင္တ႟ဳိင္မလုပ္စ သၞ၀္တႝံဆုခ်ဂွ္တုဲ သာ္၀ြံ ေဍံခ်ပ္ရ။ လတူတႝံခ်၀ြံ အဲ ဗၵန္လ၀္ဇကုအဲတုဲ တ႟ဳိင္၀ြံ သလုပ္ေသၠံတဲအဲရ။ ေဍံဂးတုဲ လတူတႝံဆုဂွ္ ေဍံဗၵန္လ၀္ဇကု သုီကုဪလြဟ္တၝရ။

ေဗာဓိသတ္ သုီျပ၀ါသၠံဂမႜဳိင္ ဒးကာလ ေဂၝင္ကႜဳင္ကုဪတႝံဆုခ်ဂွ္ရ။ ႏူကႜာဟဂြံလုပ္ ႏူတႝံဆုခ်ဂွ္ ေဗာဓိသတ္ ညာတ္ဟုိတ္တုဲ ဗၥာရဏာတၜရ။ ပႛဲဇေရင္တႝံဆုခ်၀ြံ ႐ုိဟ္ပယတ္ပုဦမကႜဳင္ေတံ ဂေစံေသႝံၿပိပ္ယန္တံဂွ္ ေဍံကႜဳင္စတၜသြံ။ ပႛဲတၝဲလၞဳဟ္၀ြံ ၿပိပ္ယန္ဂေစံေသႝံတံ ဟြံမြဲ၊ ေဍံ သၝိတ္ျဇဒၞံင္။ ဟုိတ္ေဍံသႏြံရ သာ္၀ြံ ေဗာဓိသတ္ ခ်ပ္ဗၥာရဏာတၜရ။ ပႛဲဇေရင္တႝံဆုခ်၀ြံ ႐ုိဟ္ပယတ္ပုဦမကႜဳင္ေတံ ဂေစံေသႝံၿပိပ္ယန္တံဂွ္ ေဍံကႜဳင္စတၜသြံ။ ပႛဲတၝဲလၞဳဟ္၀ြံ ဂေစံေသႝံၿပိပ္ယန္ဟြံမြဲ ေဍံသၝိတ္ျဇဒၞံင္၊ ဟုိတ္ေဍံသႝဳံရ။ သာ္၀ြံ ေဗာဓိသတ္ဂးတုဲ ဗဒုိအ္လ၀္ျပ၀ါဂမႜဳိင္ရ။

ႏူဇေမၝာဲ ရၜ၀ြံ ေဗာဓိသတ္ေကာ္ဂး၊ ယြံေဒ၀တၜတႝံခ် မတုဲေတံ ႐ုိဟ္တၝဲပုဦမကႜဳင္ မႝး၀ါင္ဒုင္တႜဳင္သစၧဳ မႝးဗုိတ္ပၱိတ္တၜကုဪကႜာ။ လၞဳဟ္၀ြံ မူဟုိတ္ေရာ။ မႝး ဟြံဗုိတ္ပၱိတ္တၜကုဪပုဦသက္သက္သြံ။ လၞ မိင္တုဲ ရၜ၀ြံေဍံခ်ပ္ရ။ ေဒ၀တၜ၀ြံ မာတ္အဲမတုိန္ဒၞံင္ ညးေတံဒညတုဲ ဟဂံင္ဗုိတ္ပၱိတ္ေရာင္သၵဟ္ ေဍံဂးတုဲ ေဍံ႓ွ္ပလွ္ေကတ္ သတ္ခ်တုဲ ဗုိတ္ဏာဂတမုက္သၞိင္တ႟ဳိင္ရ။ သၞိင္တ႟ဳိင္ ညာတ္ေကတ္ဒဒွ္သၾတမႏြံတုဲ ပတီျပ၀ါဂမႜဳိင္တုဲ ကရၜအာဂႜဲါစသတ္ဆုေတၞင္ရ။ ေဗာဓိသတ္ မႝဳံပညာမေဒပ္လ၀္ဓ၀္သတိ မေလပ္စှကႜး မေလပ္ဗၥာရဏာဟုိတ္ဖုဪ မဂြံတိတ္ဗႜး ႏူေသၠံတဲသၾတဳေရာင္မိဂၢး။

စှေရင္ဒး ဂြံဇႝးသၾတဳ ( ဗ်တၱိစှေရင္ )

နကုဪေယာဂပန္သာ္မတြံဂးေယာဂသိရိ ေယာဂဗလ ေယာဂေသနဂၤ ေယာဂယာၾတာဂွ္ စှေရင္ဒး ဟဂြံဟုိတ္မာဲတုဲ မဂြံဇႝးေကတ္ သႝသၾတဳေရာင္ သႜပတ္ဗ်တၱိဒစိတ္ မဟုီတြံလ၀္။ အဓိပၸဲါေယာဂပန္သာ္ဂွ္ ပႛဲကုဪတၝဲၿဗၜဗတိ ၀၉၊ ၂၂၊ ၂၀၀၇ ေတံ အဲ ခ်ဴပတုိန္ထ႟းလ၀္ကုဪတုဲရ။ ဗ်တၱိစှေရင္၀ြံ စှေရင္ဒး စှေရင္ေလပ္ ယ၀္သဒွ္ မႝိဟ္ လ၀္ကုဪဒွ္ကႜာရ၊ ႓ုိန္သတ္တိရစၧာန္တံေလ၀္ မဂြံဇႝးေကတ္ သႝသၾတဳဏီ။ ဗုီေလၞင္ဒဒွ္တိရစၧာန္ စှေရင္ဒး စှေရင္ေလပ္တုဲ မဂြံဇႝးေကတ္ သႝသၾတဳဂွ္ အဲ ခ်ဴပတုိန္ထ႟းဏာ တာံသႜပတ္ဗ်တၱိဒစိတ္သာ္ေတံရ။

ေလၞင္ဒဒွ္ဂွ္ ပသာ္တုန္ေရာ... ပႛဲအတိက္ေတံ ႏြံကုဪစ႓ုဲမုဟ္ၿဂဳိပ္မြဲ မညန္ကုဪဍဳင္ဗရာန္နသှ။ ပႛဲထာန္စ႓ုဲမုဟ္ၿဂဳိပ္ဂွ္ ကႜိက္ၿဂဳိပ္ပ၀ါ ၅၀၀ ပဒတၜရ။ ႏြံကာလမြဲတၝဲ ကႜေျမာမြဲ ႀကဳိင္ဂနိင္ကႜဳင္စုိပ္ ကႜိက္ၿဂဳိပ္ပ၀ါ ၅၀၀ ဂမႜဳိင္တုဲ ရၜ၀ြံ ေဍံခ်ပ္ရ။ ပႛဲထာန္၀ြံ အဲ နိႀသဲေကတ္တုဲ ကႜိက္တံ၀ြံ သၵဟ္စႝအဲရ ေဍံဂးတုဲ ေဍံဒၞံင္တၜရ။ ႐ုိဟ္ဒဒွ္တၝဲ ကႜိက္မြဲမြဲ ေဍံရပ္စတၜရ။ ဇႝတ္မလံကာဖာတုဲ ေဍံဂြံအ၀ုဪတုဲ ရာဒႝဲါမေၾကာံမေကႜင္ဂွ္ ေဍံ႐ုဲစတၜရ။ ကႜိက္ဂမႜဳိင္ သုီကုဪေလၞာင္စုိတ္ေဟင္ မေအင္ဒုင္တၜ။

ႀကၜ၀ြံ ပႛဲဍဳင္ဗရာန္နသှ ႏြံေကာန္ကႜိက္မြဲ အစာဒဇဲ လပွ္လ၀္။ ႐ုိဟ္႐ုိဟ္ဒဒွ္တၝဲ ေကာန္ကႜိက္ဂွ္ အစာဒဇဲ ဗစတၜေဟင္။ ႀကၜ၀ြံ အစာဒဇဲ စၜအာဘ၀ပလုိက္ရ။ ေကာန္ကႜိက္အစာဒဇဲဂွ္ ႀကဳိင္ဂနိင္တိတ္အာၿဂဳိပ္၊ အာစုိပ္ ကႜိက္ၿဂဳိပ္ပ၀ါ ၅၀၀ ေတံရ။ ကႜိက္ၿဂဳိပ္ပ၀ါ ၅၀၀ ဂမႜဳိင္ ညာတ္ကႜိက္ေကာန္ဒဇဲတုဲ ေဍံတံ သၞာန္သၞဳက္ဒမံင္တၜရ။ ကတုဪဒဒွ္အဲ ကတုဪဒဒွ္ညး ဟုီပႜန္ဂတးတၜေကုာံရင္သၠံရ။ ပႛဲဂွ္ ပ႐ုိင္ဒဒွ္ကႜမရပ္စတၜဂွ္ ကႜိက္ေကာန္ဒဇဲ မတီေကတ္ သကၠဳေသၞဟ္တုဲ ရၜ၀ြံ သၢးရ။ ယြံမႝးတံဂမႜဳိင္ ႏြံတၜပ႐ုိက္ဘဲ၀ြံ မႝးတံ ေဆ၀္ဒ၀္ေဍံ ဟြံမာန္ဟာ။ ယြံနာဲပုဦ တႝဟ္နမသၠဳဪေဆ၀္ဒ၀္ သၾတဳ၀ြံ သၞဟ္ရထ ဟြံမာန္သက္က္ရ။ ရၜဂွ္ ကႜိက္ဂမႜဳိင္ ဟုီတၜရ။

ကႜိက္ေကာန္ဒဇဲဂွ္ ဂြံမိင္ေကတ္တုဲ ရၜ၀ြံ စှေရင္တၜရ။ ပႛဲဇေရင္ဒဂုဪဆု၀ိ ပြှပြဴပန္ဒုိဟ္ဂွ္ တ၀္ပၱိတ္ ဆညး ၅၀၀ မဒၞံင္ဂြံဂွ္ တ၀္ေကတ္တုဲ ဖန္ကုဪအတာ ဒၢဴမုက္အဲ ဒၢဴမုက္ညးရ။ ေဍံတံညးဂမႜဳိင္ နမုဟ္စမၜ မတုပ္တၜရၜကြဳဪတယံင္ဂွ္ သုီကုဪညး ၅၀၀ တုက္ပၱဳိန္တိ ခႝံဗဒွ္ထ႓ုိင္ကၞာင္ရ။ ပႛဲထ႓ုိင္ဂွ္တုန္ ဇၞာပ္ဇၞာပ္အတာ ေဍံတံ ကုဪထ႓နင္ဍာ္တုဲ သၠဳိဟ္စုတ္ ပႛဲထ႓ုိင္၊ ဗဒွ္သ႐ုီဗေဗင္လွဳိက္အုိတ္တုဲ ႐ုဲေကတ္ ရာညးမျမက္စာ မသႛာံလြဟ္ေဂႝဟ္ကႛင္ ကုဪမင္တရင္ပန္ဒိုဟ္။ မြဲမြဲတရင္ ညးပန္ ခါန္လ၀္ကုဪမံင္ရ။ လတူကၞာင္တုန္ ရာညးမျမက္စာ ေစာံပါ သႛာံလြဟ္ေဂႝဟ္တံဂွ္ တေရင္ေကာံဒၞံင္ကၞာင္မၝး သုီပန္ဒုိဟ္တုဲ သုီကုဪမသႝးလ၀္ လြဟ္ေဂႝဟ္ သက္ကုဪဇမုိက္ ကုဪဍဳိက္ဒၞံင္အတာအုိတ္ရ။ ရာညးမဍဳိန္ျဒဟတ္တံဂွ္ ကုဪေစန္စေလာံလ၀္ ကၞာင္ပန္ဒိုဟ္၊ ကုဪတေရင္ေကႜာံဒၞံင္ ကၞာင္ပန္ဒုိဟ္တုဲ သုီကုဪမသႝးလ၀္ လြဟ္ေဂႝဟ္ သက္ကုဪဇမုုိက္ ကုဪဍဳိက္ဒၞံင္အတာအုိတ္ရ။

ရာညးမဍဳိန္ျဒဟတ္ဒေစွ္ဂွ္ ကုဪေစန္စေလာံလ၀္ ကၞာင္ပန္ဒုိဟ္။ ရာညးမေအာန္ျဒဟတ္သြတ္တံဂွ္ ပႛဲကၞာင္ဒေစွ္ပန္ဒုိဟ္ကုီ ကုဪေရင္စေလာံလ၀္ရ။ ရာညးဗ်ဳေလာန္တံဂွ္ ပႛဲေဒါ၀္တ၀ုိင္ဂွ္ ေလာပ္စြံလ၀္အုိတ္တုဲ အစှအေရင္သာ္၀ြံ စှေရင္လ၀္အုိတ္တုဲ၊ ေဗာဓိသတ္ကႜိက္ေကာန္ဒဇဲဂွ္တုန္ ညံင္ဇာဒိသုိင္ကုီ သုီကုဪသုရဘၜ ရၜမသႛဳိက္ဒၞံင္ပါင္တရင္ဂုိဟ္တၞံထ၀္ကုီ လတူဒဂုဪဆု၀ိ ဂဇုန္ဇာဒိသုိင္ သႛဳိက္ဒၞံင္တုဲ ပၱဳိန္ဒရံင္ သေကက္ေဂႝဟ္ ကုဪရမ်ာင္ဇႝးတုဲ ေကာ္ဆၜလၜ ဣတံညးဂမႜဳိင္၊ ယြံမႝးတံ လဂူမုက္အဲ အဲလဗုိန္၊ လဂူမုက္ညး ညးလဗုိန္၊ လၸေဖက္ လၸဒည လၸသမၝာတ္ဒၿမၜ လၸဆုတ္ဒၜကရၜ၊ သာ္၀ြံ ေကာ္ဟုီတၜ ကုဪျဒဟတ္ကုဪညးဂမႜဳိင္ရ။ ညးဂမႜဳိင္တုန္ ညာတ္အစှအေရင္ထ႓ုိင္ကၞာင္ မၿဂဳီေျဂာပ္ဒၞံင္ သုီကုဪဗုဪလဗးဂမႜဳိင္ မဍဳိက္ဒၞံင္ ကၞာင္အပႛဲမၝးဂွ္ ညာတ္ေကတ္တုဲ မသက္ကုဪဗေဟက္ဂွ္ဒွ္တုဲ သုီကုဪမေရွာဲဒၞံင္ ဂႜံင္ဍာန္ ေဍံတံ ဍဳိက္ဒၞံင္အတာ ဇၞာပ္ဇၞာပ္အတာတုဲ စၞှတၜ သၾတဳအုိတ္ရ။

ကႜတုန္ေလ၀္ ပႛဲကာလတၝဲသၞ၀္ ဒလုိက္ကၱဳဪႏူသၱိက္တုဲ အေကင္မဂြံစတၜ ညံင္၀တ္႐ုိဟ္တၝဲဂွ္ သုီကုဪမၾသာဲဒၞံင္ဂႜံင္ဍာန္ ေဍံျပာပ္ကႜဳင္ကုဪကႜိက္ဂမႜဳိင္ရ။ ခါေဍံ မညာတ္အစှအေရင္ မေတၞင္ႏူပကၠတိေႀတံေတံ ေဍံညာတ္ေကတ္တုဲ မၝးဇုိင္ထ႓ုိင္ပန္ဒုိဟ္ ေဍံတြာ္ငၝှတၜရ။ ကႜိက္ဂမႜဳိင္တုန္ ကႜမေရတ္တၜဇုိင္ထ႓ုိင္ဂွ္ ညာတ္ေကတ္တုဲ သုီကုဪမသႝးလ၀္လြဟ္ေဂႝဟ္ ပၱဳိန္ဒရံင္တုဲ ဒဥႀကဳီဂအုတ္တၜရ။ ကႜတုန္ေလ၀္ ခါမဟဂြံစႝတုဲ ဓာတ္ပၞတ္ဂႝၜ စံင္တၜဟဒယ ေအင္ဟြံမာန္တုဲ သုီကုဪဓ၀္ေဒါသမေလာန္ မုဟ္ဗတ လြိင္ပတုိန္လ၀္လတူစးတုဲ သႝးလ၀္လြဟ္ေဂႝဟ္တုဲ စႛဳိတ္တုိန္ကုဪရမ်ာင္ဇမႝး စလာ္ေကႜာံထ႓ုိင္ရ။ ခါမစုိပ္ကၞာင္ တိမသၵဳင္ဇုိင္ မေသၢာံစလာ္တုိန္လတူကၞာင္ဂွ္ ဟြံသၞဟ္ရထတုဲ ကႜိက္ဂမႜဳိင္ ဟုပ္ဗုိင္ သ၀ိုက္ကုဪမုဟ္ေဂႝဟ္၊ ကႜ တသုိတ္ဒတုံေစွ္ ပႛဲထ႓ုိင္သ႐ုီရ။ ယာံဒတုံေစွ္သ႐ုီတုဲ ဇကုသၹဳိင္၊ တိမသၵဳင္ဒစာန္ဂွ္ေလ၀္ ဟြံမြဲ၊ စလာ္တုိန္ ဟြံမာန္တုဲ သုီကုဪဒဒုိက္ ဒးပကာဂစိုတ္ေဟင္ရ။

ကႜ အာစုိပ္ဂမၥဳိတ္တုဲ ကႜိက္ဂမႜဳိင္ ရၜ၀ြံ သၢးရ၊ ဂုန္နာဲပုဦ၀ြံ ပုဦညးဂမႜဳိင္ ဂြံဗႜးဒဒုိက္ေရာင္၊ နာဲပုဦ၀ြံ မဒွ္နာဲပုဦရ။ ေဍံတံညးဂမႜဳိင္ ဂးတုဲ ဇကုေဗာဓိသတ္ ေဍံ ပတုိန္လ၀္ လတူဒဂုဪဆု၀ိတုဲ ေဍံတံညးဂမႜဳိင္ ေဖ်ံကႛဳိပ္သှကႜှတၜ ႐ုိဟ္႐ုိဟ္တၝဲ။ ပတြဳဪႏူဂွ္ ဂလာန္ေဗာဓိသတ္ ေဍံတံ မဟြံဒစး ဒုင္တၜေဒႜါံဗေတာန္ေဗာဓိသတ္ေဟင္ရ။

လဟုီသာ္၀ြံ မူသၞိက္ဂးေရာ။ ႓ုိန္သတ္တိရစၧာန္ကုီေလ၀္ ဟုိတ္မႝဳံညာန္မေလပ္စှေရင္ မဂြံဇႝးကုဪသၾတဳ မဂြံမင္မြဲလမ်ဳီညးေရာင္ မိက္ဂး။ ဣ၀ြံ ဗ်တၱိစှေရင္ မၢးရ။

ဗ်တၱိစှေရင္

ဗ်တၱိစှခႜ ပႛဲကုဪဂိတုအံက္တ၀္ဗာ၊ ၂၁၊ ၂၇၊ ၂၀၀၇ ေတံဂွ္ ခ်ဴပတုိန္ထ႟းဏာလ၀္ကုဪတုဲ ပႛဲတၝဲ၀ြံ သၞိက္ဂြံဆက္ခ်ဴပတုိန္ထ႟းကုဪ ပ႐ူဗ်တၱိစှေရင္ပႜန္။ ပညာစှခႜတုဲ သၵးစှေရင္ေလပ္ေရာင္ တႜပညာသႜပတ္ဗ်တၱိဒစိတ္သာ္ မိက္ဂး။ မေ၀ါဟာရ`စှေရင္´ဏံ ဟုီဂးစဒၞံင္ ၾကပ္အ႐ုိဟ္တၝဲရ။ သိက္လုဪေသၢာံစှေရင္ေရာ။ စှေရင္ေလပ္မၢး ေသၢာံဒွ္ဗယိညး ဟြံမြဲ။ ဂး ဂး... ဗုီလုဪတႜပညာသႜပတ္ဗ်တၱိဒစိတ္သာ္ မပံက္လ၀္ျပ၀ံက္`စှေရင္´ဂွ္ ဆက္ဗွ္အာ ပုိဒ္သၞ၀္ေတံပႜန္ညိ။

၂။ စှေရင္မၢးဂွ္ ပသာ္မဒွ္ဂွ္ေရာ။ စှေရင္မၢးဂွ္ မတုပ္ပၞာေဍံ ညံင္ရၜသာဲကုီရ။ သဘၜသာဲတုန္... ပႛဲဆုသမႜဳင္ တၞံသမႜဳင္ မဗႜးႏူပ႐ုိက္ၿဗဲတၝဲဂွ္ ခႝံဗဒွ္သၝိဒမံင္ ခႝံဗဒွ္ဇရာံဖလူကမႜဳိင္ကၞာတုဲ ေဇြာံေဇြာ၀္ဗြဲမဂႜဳိင္ေဟင္ စုတ္ဗေပင္လ၀္ သြက္ေကာန္တံတုဲ ၀ုတ္ဒုိဟ္ပြှပြဴသၝိဇကုဂွ္ ဗြဲေလၞင္င္ မပၱံကုဪလြဟ္ကံဂ်ိ ေဍံတံ သရပ္သတပ္လ၀္တုဲ ရၜေဍံမမင္မြဲတၜဂယုိင္လမ်ဳီကုီ။ ညံင္ရၜသာ္ဂွ္ကုီရ ႀယၜပူဂုဪမြဲ မႝဳံကုဪပညာမေလပ္စှေရင္ သုီကုဪေယာဂပန္သာ္ ဟဂြံဟုိတ္မာဲဂွ္ ဒွ္မမင္မြဲဂယုိင္လမ်ဳီရ။

ေယာဂပန္သာ္မၢးဂွ္ ပသာ္ေရာ...

• ေယာဂသိရိမြဲ
• ေယာဂဗလမြဲ
• ေယာဂေသနဂၤမြဲ
• ေယာဂယာၾတာမြဲ... ဣ၀ြံ မဒွ္ေယာဂပန္သာ္ရ။

ဆညးပန္မဒွ္အဓိပၸတိဖုဪဂွ္ သဟုီဏာကႜာရ။ ၁။ ေယာဂသိရိမၢးဂွ္ ပသာ္ေရာ။ ႀယၜသၞိင္မြဲ မမင္မြဲလ၀္ ကၞိန္ဍဳင္ကႛဳိင္ဗတာင္ မစၞိန္ျပမာန္ သတၱံဂမႜဳိင္ ျပ၀မပတုိန္ ႀတှဇွ္အႏုဘၜဍဳင္ဇကု၊ ျပ၀မငၝးတး ဍာန္သဗာန္၊ ျပ၀မခႝံေဗာဓိေစတှ ဘုတ္ျဇပ္အရပ္အရာ၊ ျပ၀မခႝံဥဒ်ာန္ ကၞာလစ၊ ျပ၀မခႝံသၝိကႜတ္ နန္ျပာသာဒ္ အိန္ဆံင္ တာန္ဆံင္၊ ပႛဲကႝိပ္ကႛဳိပ္နက္က်တ္ ျပ၀မဗႜဳိပ္ဟုံ လွာဲ႓းဂၛိဂၛာတ္၊ ျပ၀မစုတ္ဆုတ္ဇဟန္၊ ျပ၀မစံင္ဗဂုဪ လ်းပႝာင္သႛၜ၊ ျပ၀မဗလိဂပ၀္ ေဒ၀တၜပၞင္လုိက္မပၱံေဒတၜေသာတာပန္ မဟိဒၶိကာ ေဗသာခ၊ ျပ၀မကုဪဒါန္ဗစဲပန္ ကုအရိယသင္၊ ျပ၀မခႝံ သဘင္ေပဲါ ကႝိပ္ကႛဳိပ္နက္က်တ္ေကုာံတြိင္တြဳိက္... ျပ၀မဖွ္သာ္၀ြံဂမႜဳိင္ လၞဳိန္ကာလ ဟဂြံဟုိတ္မာဲမၢး ဒွ္ျပ၀မပတုိန္က်ာ္ႀသှဍဳင္လၞဳိန္ရ။ ၀ြံမၢးေယာဂသိရိရ။

၂။ ေယာဂဗလတုန္ေရာ။ မပၱံအမာတ္ဒၜဗညာေသနာပတိ ဒကုိပ္ပႝာန္ဇေမႝာ္သၞတ္ ညးေလြဟ္သၨင္စိင္ေခ်ံ အေခါန္အဒါန္ ေသထှသေမၝဟ္သဂံင္သဂၜ ဂႝၜဍဳင္ဒုိဟ္ ေပဲါရာလြာအရပ္အရာ ေရသူစရက္ ၀ၯကှ ဗှသၠ၀္ တႜကြတ္လၝတ္ သၞာတြိင္တြဳိက္ ဒေယွ္ေလွ္ ညးမတၜပႛဲစၞိန္ျပမာန္ဇကု မေသၝာဲမညန္ကႛဳိပ္ဍဳင္မုဟ္ရး အုိတ္သုီဗုဪလဗး ညးဂမႜဳိင္၀ြံ အဇၨၽာသယမႀကဳိက္ကုဪဂုန္ညးတံဂွ္ စံသပ္တုဲ မႀကဳိက္ကုဪဍဳင္ဒုိဟ္ ငၝာင္စာ ေကႜ၀္ပလွာ ေကႜပ္ထ၀္ ဗာန္ထ၀္ သႜဳိင္ထ၀္ သႜဳိင္ၾသန္ ထမွိ္င္ေဖင္ယာတ္ အ၀ိုက္ ေဇြာံေဇြာ၀္ ျပ၀မႏွာံဗ်ာပ္ သုီကုဪလာပ္သဒင္ျဂာ န၀ါစာသဂၤဟ၊ ရွ္ရမ်ာင္မတုပ္တၜ ရၜျဒ၀္သၞိင္ဥဒုိန္ မေျဂန္လ၀္ ကေတာ၀္စိင္ ဂမႜဳိင္ကုီ ႏွာံဗ်ာပ္ေျဂန္လ၀္ စုိတ္ညးရးနိဂုီဗုဪလဗးဂမႜဳိင္ဂွ္ ဒွ္မဆာန္ဗုဪလဗးရ။ ၀ြံမၢးေယာဂဗလရ။

၃။ ေယာဂေသနဂၤတုန္၊ ျပ၀မတုဪျမဳထ႓ုိင္ ဒပ္ကမာင္ ခႝံဗင္ဗြဲသၝိဇြာျပေယန္ျပယံက္ ကမေလာကဂရး ဂၛိဂၛာတ္လ၀္ဥေရတ္အလာံရာဲတံင္ေခါန္ သရာဲစိင္သရာဲေခ်ံ သရာဲေဒါန္ သရာဲအမႜံက္ေသနာတ္ သရာဲကံတၝျမတ႟ဴ အုိတ္သရာဲဂမႜဳိင္ ေစန္လ၀္တုဲ ျပ၀မစြံလ၀္သၞိင္ဗုဪနာဲဒပ္ ေစတ္ေကာပ္ ေစတ္ကာဲ အဆ၀္အ၀ံက္ ကင္ပၞင္ မေသၝာဲမညန္ မပတန္လ၀္ကႛဳိပ္ဍဳင္မုဟ္ရးပန္ဒုိဟ္ ဒစာံဒုိဟ္ မစှေရင္လ၀္ ၿမၜသာ္၀ြံဂွ္ ေယာဂေသနဂၤမၢးရ။

၄။ ေယာဂယာၾတာတုန္၊ ႀယၜသၞိင္မြဲ သၸယာၾတာမၢး ပနိတ္ပဆာဲေဟာရာဗမႝး ျပ၀မသင္သုိန္ သၞာန္သၞဳက္ မဂႜဲါငၝှဂိတုတၝဲဒိတၳှ နတ္က်တ္ ေလၞင္ယာယှနာဂုဪ လက္ပယာံအခါ နာဍှစေဍာန္မခုိဟ္ ႐ုဲေကတ္တုဲ ျပ၀မေရွ္ေသွ္အဲပရဲ ရတ္ပိ မိမ အစာဥပၸဇ်ာဲ၊ ျပ၀မဗဇၜေဗာဓိေစတှ ဂမွှဗမႝး၊ ျပ၀မဗလိ ေဒ၀တၜဍဳင္မၝးဍဳင္၊ ျပ၀မဗစသရာဲအခက္ ဗုဪလဗးဂမႜဳိင္ကုီ၊ ျပ၀မကုဪတးငၝး ဍာန္သဗာန္တုဲ မဂၛိဂၛိာတ္လ၀္ အလာံရာဲတံင္ေခါန္၊ ျပ၀မဗလုိပ္စိင္ေခ်ဟ္ ဗုဪလဗးတုဲ အုိတ္ေလၞင္ေလၞင္ သၨင္ဗၵင္သၱဳံဇြိ ဂတႀကၜ ကုဪမဂၛိဂၛာတ္ေကတ္ မွဳက္ထုဪသႜဳဲသႜာ္ တဍဳတ္ျမာ္စာင္ကႜဳိက္ သနးလ၀္တုဲ အေယာႚကရာတ္သၞိင္ ဂၛိဂၛာတ္ေကတ္တုဲ နယာန္ပန္သာ္္ မတြံဂး ယာန္စိင္ ယာန္ေခ်ံ ယာန္ကြှ ယာန္၀၀္သေရင္ ဍဳိက္ေကတ္တုဲ သုီကုဪမျပာင္လ၀္ ကႛဳိင္ဗတာင္ ကနက္ကဒန္ ဗ႐ုတြိင္တြဳိက္ဖံမံင္ ဂပုဪခရာတမၝဴခရာတမၝံက္ သေဍ၀္ဆာင္ သရာဲသၱဳံဇြိဂတႀကၜ သုီကုဪမဂၛိဂၛာတ္ေကတ္ မွဳက္ထုဪ သႜဳဲသႜာ္ ဍဳတ္ျမာ္စာင္ကႜဳိက္ အေယာမတႝဟ္ဟ္သာ္၊ သုီကုဪမသနးေကတ္ လြဟ္တႝဟ္ဟ္သာ္ တြှဗြဳိင္ေကတ္တုဲ သၠဳိဟ္ဍာ္သႜဳိင္ထ၀္ ပအဒိထာန္ ကုဪေဒ၀တၜပၞင္ကႛဳိင္ဗတာင္ ႐ုိက္ဖံဇမႝး လြိင္ဏာအလာံဇမႝး ေထာံမတ္ပန္ဒုိဟ္ မညန္မေသၝာဲတုဲ ဂပ္၀္ယာၾတာရ။ ၀ြံမၢး ေယာဂယာၾတာရ။

ႀယၜသၞိင္မြဲ ပႛဲေယာဂပန္သာ္၀ြံ ယ၀္ရ သၵးဟုိတ္မာဲမၢး ကၞိန္ဍဳင္ကႛဳိင္ဗတာင္ သၵဟ္တ၀ုဪသၾတဳရ။ သၾတဳ ယာံဂြံတ၀ုဪတုဲ ညးရးနိဂုီဂမႜဳိင္ ဥပါတ္ကၱဳဪဒွ္ရ။ ယာံရသၵဟ္ဣငၝဳဟ္တုဲ လဟုတ္ပုိန္ဟာန္ လဟုတ္အယုက္သၞိင္တံဂွ္ ကၱဳဪဒွ္ရ။ ဟုိတ္ဒွ္ဣငၝဳဟ္ရ ေယာဂပန္သာ္၀ြံ ေဍံဒမမင္မြဲကုဪပုိန္အယုက္ေရာင္ မိက္ဂး။

ေယာဂပန္သာ္၀ြံ သၞိင္ႚကရာဇ္မြဲကုီ ဟေသင္၊ ဇၞာပ္သတၱံသုီဖအုိတ္ အမာတ္ဒကုိပ္ပႝာန္ ဒၜဗညာ ေသထှသေမၝဟ္ ဇၞိက္ဗႝိက္ ဂမွှဗမႝး ညးဒုိက္ ညးဂမွိဟ္ သုီဖအုိတ္ ပႛဲေယာဂပန္သာ္ ယ၀္ရဟုိတ္မာဲအာမၢး လဟုတ္ဍိက္ျဒပ္အယုက္ ပူေဓက္တရၜအခတ္ရ။ မႝိဟ္မၢးဂွ္ လ၀္ကုဪဒွ္္ကႜာရ ဒုဪသတ္တိရစၧာန္ကုီေလ၀္ နေယာဂပန္သာ္ဂွ္ စှေရင္ေလပ္ ဟဂြံဟိုတ္မာဲတုဲ ဂြံေကတ္ဇမႝး ကုဪသၾတဳတံ ကုီ။

(ပ႐ူတ၀ွ္စလာဲ ဗုီတိရစၧာန္ နေယာဂပန္သာ္ဂွ္ စှေရင္ဒး ဟဂြံဟိုတ္မာဲတုဲ မဂြံဇႝးေကတ္ သႝသၾတဳဂွ္ သခ်ဴပႜန္ရ။ လၞဳဟ္ တန္ဆ၀ြံကႜာရ။)

အဲ၊ ၿဗၜအဲ၊ ႀတဳံအဲ၊ ေကာန္အဲ၊ စၜအဲ၊ ေစက္အဲ၊ စးအဲ

အဲေကာန္မန္ေဇတ္တ္၊ စုိတ္ဓာတ္မဆာန္ဂကူ သၠာတ္ျမဟ္၊ ေရင္တႜဳင္ဒတုဲျမေမာ၀္သြက္ဂကူ ဍဳိက္က္ေပင္င္။ ဒၞါႏူကေလာန္အဲ မေကႜာန္သြက္ဂကူတုဲ ေကာန္ဂကူမန္တအ္ ဂြံဒုင္စသုိင္ဖုဪေဍံ ဗႝတ္မဂႜဳိင္။ ဗုီအဲ မဆာန္မန္၊ ဗုီအဲ မႝဳံစုိတ္ဓာတ္သၠာတ္ျမဟ္၊ ဗုီအဲ မေကႜာန္ဒၞံင္သြက္ဂကူဂွ္ သၞိက္ကုဪဂကူမန္တအ္ ဒွ္ဗုီအဲကုီ။ ဣဏံဂွ္ စံက္ဂး ဒွ္ဂလာန္ကၿမဳီအဲမေကႜာန္ဒၞံင္သြက္ဂကူေရာင္ယး။ ကေလာန္အဲဂွ္ ဒွ္အထုိင္အသးမွာဇန္မန္တံ ေကြံေကြံ။ ဆဂး ဟုိတ္ႏူအဲတုဲ ဂကူမန္ ေသၢာံတန္တၜ အဓာန္ဂတ ဗႝတ္လလံလုဪေရာဂွ္ အဲ ေတာ္ဆစင္ျခင္ရံင္စမ္။

ဟုိတ္ႏူအဲမြဲတုဲ ကႝာင္ဗာင္ေဍံ ျပးဂမၥာဲတိတ္ဒွ္အာတႝဟ္ဟ္ရ။ ကႝာင္ဗာင္မကၞ၀္တိတ္ကႜဳင္ႏူအဲဂွ္ ဒွ္ကႝာင္ဗာင္ဗုီအဲ သုီဖအုိတ္ရဟာဂွ္ သၞိက္ကုဪဒွ္ဓ၀္ဒ၀ိင္ညိကုီရ။ ညးမဒွ္မိတ္ပြံင္အဲ မြဲလအိတ္အယုက္ဂွ္ သမၻာအဲ/ႀတဳံတႜသၝိအဲရ။ ပပၱံႏူအခိင္မဂြံဒွ္ဘ၀သၝိကၞိန္အိန္ထံင္ဏံတုဲ ဗုီအဲမဒွ္မန္၊ ဗုီအဲမႝဳံစုိတ္ဓာတ္မဆာန္ဂကူသၠာတ္ျမဟ္၊ ဗုီအဲမေကႜာန္ဒၞံင္ဒတုဲျမေမာ၀္ဂကူဂွ္ ေတႝာ၀္ဒေတာ၀္အဲ ဒွ္ဗုီအဲ သုီဖအုိတ္ရဟာ။ ဂး... ေတာ္စမ္ရံင္။

ေတႝာ၀္အဲ(၁)... အဲ ဒွ္မန္ေဇတ္တ္ ဆာန္ဂကူ ေကႜာန္သြက္ဂကူေပင္င္၊ ၿဗၜအဲ/ႀတဳံအဲ ဒွ္မန္ေဇတ္တ္၊ ေကာန္အဲ ဒွ္မန္ေဇတ္တ္၊ ေကာန္စၜ ေစက္ စး အဆက္ေတႝာ၀္အဲ ဒုဪကုဪက၀္တူေတံ ဒွ္မန္ ဗုီအဲ သုီဖအုိတ္။

ေတႝာ၀္အဲ(၂)... အဲ ဒွ္မန္ေဇတ္တ္ ဆာန္ဂကူ ေကႜာန္သြက္ဂကူေပင္င္၊ ၿဗၜအဲ/ႀတဳံအဲ ဒွ္မန္ေဇတ္တ္၊ ေကာန္အဲ ဒွ္မန္ေဇတ္တ္၊ ေကာန္စၜ ေစက္ စးအဲ ဒွ္မန္ေဇတ္တ္။ (ဆဂး အဆက္ေတႝာ၀္ဒေတာ၀္အဲ ဂတဂွ္ ဟြံဒွ္မန္ဗုီအဲ။)

ေတႝာ၀္အဲ(၃)... အဲ ဒွ္မန္ေဇတ္တ္ ဆာန္ဂကူ ေကႜာန္သြက္ဂကူေပင္င္၊ ၿဗၜအဲ/ႀတဳံအဲ ဒွ္မန္ေဇတ္တ္၊ ေကာန္အဲ ဒွ္မန္ေဇတ္တ္။ (ဆဂး ေကာန္စၜ ေစက္ စး အဆက္ေတႝာ၀္ဒေတာ၀္အဲ အဓာန္ဂတဂွ္ ဟြံဒွ္မန္ဗုီအဲ။)

ေတႝာ၀္အဲ(၄)... အဲ ဒွ္မန္ေဇတ္တ္ ဆာန္ဂကူ ေကႜာန္သြက္ဂကူေပင္င္၊ ၿဗၜအဲ/ႀတဳံအဲ ဒွ္မန္ေဇတ္တ္၊ ေကာန္အဲ ကႜဳိဟ္ဒၞံင္အေရ၀္မန္၊ ဆဂး ေဍံတံ ဟုီဟြံဂြံ။ (ေကာန္စၜ၊ ေစက္၊ စး အဆက္ေတႝာ၀္ဒေတာ၀္အဲ အဓာန္ဂတဂွ္ ဟြံဒွ္မန္ဗုီအဲ။)

ေတႝာ၀္အဲ(၅)... အဲ ဒွ္မန္ေဇတ္တ္ ဆာန္ဂကူ ေကႜာန္သြက္ဂကူေပင္င္၊ ၿဗၜအဲ/ႀတဳံအဲ ဒွ္မန္ေဇတ္တ္၊ (ေကာန္အဲ အေရ၀္မန္ေလ၀္ ဟြံကႜဳိဟ္၊ ဟုီဂးေလ၀္ ဟြံဂြံဗုီအဲ။ ေကာန္စၜ ေစက္ စး အဆက္ေတႝာ၀္ဒေတာ၀္အဲ အဓာန္ဂတဂွ္ ညိဓ၀္ရ ဟြံဒွ္ကႜဳင္ဗုီအဲ။)

ေတႝာ၀္အဲ(၆)... အဲ ဒွ္မန္ေဇတ္တ္ ဆာန္ဂကူ ေကႜာန္သြက္ဂကူေပင္င္၊ ၿဗၜအဲ/ႀတဳံအဲ ဒွ္မန္ေဇတ္တ္၊ ဆဂး ေဍံဟြံမိက္ဟုီဂးစအေရ၀္မန္။ (ေကာန္အဲ၊ ေကာန္စၜ ေစက္ စးအဲ အဆက္ေတႝာ၀္ဒေတာ၀္အဲ အဓာန္ဂတဂွ္ ဟြံဒွ္ကႜဳင္ဗုီအဲ။)

ေတႝာ၀္အဲ(၇)... အဲ ဒွ္မန္ေဇတ္တ္ ဆာန္ဂကူ ေကႜာန္သြက္ဂကူေပင္င္၊ ၿဗၜအဲ/ႀတဳံအဲ ဒွ္မန္ေဇတ္တ္၊ အေရ၀္မန္ဂွ္ ကႜဳိဟ္ဒၞံင္ကုီရ၊ ဆဂး ဟုီဟြံေလပ္ရ။ (ေကာန္အဲ ေကာန္စၜ ေစက္ စးအဲ အဆက္ေတႝာ၀္ဒေတာ၀္အဲ အဓာန္ဂတဂွ္ ဟြံဒွ္ဗုီအဲ။)

ေတႝာ၀္အဲ(ဂ)... အဲ ဒွ္မန္ေဇတ္တ္ ဆာန္ဂကူ ေကႜာန္သြက္ဂကူေပင္င္၊ (ဆဂး ၿဗၜအဲ/ႀတဳံအဲ မိမေဍံ ေတႝာ၀္ဒေတာ၀္မန္ရေလ၀္။ ေကာန္အဲ ေကာန္စၜ ေစက္ စးအဲ အဆက္ေတႝာ၀္ဒေတာ၀္အဲ အဓာန္ဂတဂွ္ ဟြံဒွ္ဗုီအဲ။)

ေတႝာ၀္အဲ(၉)... အဲ ဒွ္မန္ေဇတ္တ္ ဆာန္ဂကူ ေကႜာန္သြက္ဂကူေပင္င္။ (ဆဂး ၿဗၜအဲ/ႀတဳံအဲဂွ္ ဂကူတႝဟ္၊ ေကာန္အဲ စၜအဲ ေစက္ စးအဲ အဆက္ေတႝာ၀္ဒေတာ၀္အဲ အဓာန္ဂတဂွ္ ဟြံဒွ္ကႜဳင္ဗုီအဲ။)

ဟုိတ္ႏူေတႝာ၀္အဲတုဲ ကႝာင္ဗာင္ေဍံ ကၞ၀္တိတ္ကႜဳင္ ဗႝတ္(၉)ကႝာင္ကုီရ။ ေပႝာ၀္ေတႝာ၀္အဲဒစိတ္ဒေတာ၀္ဂွ္ အဲမဒွ္ေကာန္မန္ေဇတ္တ္ မဒွ္ရဲဆာန္ဂကူ မေကႜာန္သြက္ဂကူ မုေတႝာ၀္မြဲ မဒွ္ေရာ။ အဲ ယ၀္သၵဟ္ေတႝာ၀္အဲမုက္ဂႝန္(၁)ဂွ္မၢး ခုိဟ္လအိတ္ စုိပ္သိဒၶိ။ ေတႝာ၀္သာ္ဂွ္ အဲ ယ၀္သၵဟ္မၢး ဂကူမန္ ဆလံေလ၀္ ဟြံကႜက္ ဟြံေကႜံ ဟြံဗဒန္ ဟြံဗႜဳိက္ ဟြံတႝီအာ ပႛဲလုိက္ဏံ၊ ဂကူမန္ ေသၢာံတန္အာ ဒုဪတြဳဪက၀္ေတံေရာင္။ အဲ ယ၀္သၵဟ္ ေတႝာ၀္မေသွ္ေသၞဟ္ဒၞံင္တံဂွ္မၢး ပသာ္လုဪ ဂကူမန္ ေသၢာံတန္တၜအာ ဒုဪတြဳဪက၀္မာန္ေရာ။

အဲ မဒွ္ေကာန္မန္ေဇတ္တ္ မႝဳံစုိတ္ဓာတ္ဆာန္ဂကူ သၠာတ္ျမဟ္ မေကႜာန္ဒၞံင္ သြက္ဂကူမန္ေဟင္တုဲ ကႝာင္ဗာင္ မကၞ၀္တိတ္ကႜဳင္ ႏူအဲတံ ဟြံဒွ္ကႜဳင္ဗုီအဲ၊ ဟြံဗက္မဗှဇအဲဂွ္ ဂိဓေဇာတ္ဒၞံင္ ပႛဲစုိတ္ေတံေကြံေကြံ။ အုဪ...အဒါတ္ဗက္ဂ်၊ ေကာန္ဗက္မိမ...သၞိက္ကုဪဒွ္သာ္ဏံရေလ၀္။ အဒါတ္ဟြံဗက္ဂ်၊ ေကာန္ဟြံဗက္မိမ ယ၀္သၵဟ္ အဲဏံ မုအဲေရာ။ အဲ ကမႜက္ဂကူဟာ။ ဟြံေသင္...ဟြံေသင္ပုဟ္။ အဲဏံ ဒွ္အဲ မဒွ္ေကာန္မန္၊ ဒွ္အဲ မဆာန္ဂကူမန္တုဲ ညံင္အဒါတ္ဗက္ဂ်ဂွ္ကုီ ေကာန္အဲ ညံင္ေသၢာံဗက္အဲဂွ္ အဲ သၵးပ၊ သၵးေကႜာန္၊ သၵးဗေတာန္ေဖ်ာန္ေရာင္။ အဲ သာသၸံ ပႛဲအရာေတႝာ၀္ဒေတာ၀္အဲမၢး အဲ ေကႜာန္ဒၞံင္ သြက္ဂကူလၞဳဟ္၊ အဲ မင္မြဲဒၞံင္ ဂကူလၞဳဟ္ဏံဂွ္ ဒွ္ဒၞံင္သြက္ဂကူရဟာ...ဒွ္ဒၞံင္ပၞင္ပၞဲဂကူရဟာ...အဲ သၵးေတာ္ခ်ပ္အာေကြံေကြံ။

ေတႝာ၀္ဒေတာ၀္အဲ ညံင္ေသၢာံဒွ္ဗုီအဲဂွ္ အဲ မွတ္ပလြှ ညံင္ေသၢာံဒွ္ေတႝာ၀္အဲမုက္ဂႝန္(၁) အတုိင္မဟုီလ၀္လတူေတံရ။ ဟုိတ္ဂွ္ရ အဲမဒွ္ဂကူမန္ မႝဳံဒၞံင္ပႛဲဍဳင္မန္ကုီ ပႛဲဍဳင္ေသံကီု ပႛဲဍဳင္တႝဟ္ဟ္တံဂွ္တံဂွ္ကုီ ယ၀္သဒွ္ေတႝာ၀္အဲမုက္ဂႝန္(၁)ဂွ္စၞတ္မၢး အဲဂွ္ ဒွ္အဲမဆာန္ဂကူမန္ေဇတ္တ္မြဲ၊ အဲဂွ္ ဒွ္အဲ မေကႜာန္ဒၞံင္သြက္ဂကူမန္ေဇတ္တ္မြဲ၊ အဲဂွ္ ဒွ္အဲ မမင္မြဲဒၞံင္ဂကူမန္ေဇတ္တ္မြဲရ။ ေတႝာ၀္အဲမုက္ဂႝန္(၁)ဂွ္ ဂႜဳိင္ကႛင္မၢး ခုိဟ္ကႛင္ရ။ ေတႝာ၀္အဲ ညံင္ေသၢာံဒွ္မဖွ္သာ္ဂွ္ေလ၀္ အဲ တုဪကလုတ္၊ အဲ လြှပရာ၊ အဲ ကုဪဍာ္ ဗ၀္၀ဲါ မင္မြဲအာေရာင္။

အဓိပၸဲါကမ္နိရာဲ

ေ၀ါဟာရမန္မတြံဂး ကမ္နိရာဲ ၀ြံ ၿဇဳိင္မိင္ ဟုီဂး ခ်ဴေကွ္ ေလာန္သန္။ မေ၀ါဟာရ၀ြံ ဒၞါႏူဟြံႀကဳိက္သၞဟ္ကုဪေခတ္တုဲ ညးမန္တံ ဟြံဟုီဂး ဟြံခ်ဴေကွ္စဂွ္ ဟြံေသင္၊ ေကာန္မန္ဗြဲႀကၜ စၜမန္ဗြဲဂတတံ ဟြံတီေကတ္အဓိပၸဲါေဍံတုဲ ဟုီဂး ခ်ဴေကွ္စ ေအာန္အာ၊ ဂွ္ေရာင္ မဒွ္ဟုိတ္တႝံမေ၀ါဟာရမန္ဂမႜဳိင္ မၵးဗႜဳိက္တႝီအာ အၾကာဇြဳိန္လပွ္ေခတ္လၞဳဟ္ဏံရ။ မေ၀ါဟာရမန္ဂမႜဳိင္ ေဍံဟြံဂတာပ္ေခတ္ ဟြံမြဲ၊ ဂတာပ္ဒၞံင္ေခတ္ ဒုဪတြဳဪက၀္ရ။

ပုဦတံရ ဟြံဂတာပ္ေခတ္ပႛဲေ၀ါဟာရဇကုဇကုတုဲ ေ၀ါဟာရမန္တံဂွ္ ဒွ္အဇဟြံဂတာပ္ေခတ္၊ အျခင္ရ လုဪမာဲဇကု ဟြံဂတာပ္ေခတ္ ပႛဲကြတ္ပညာ ဘာသာေ၀ါဟာရဇကုဂွ္ ဟြံတီ ဟြံေတာ္ဆတုဲ အုဪ...မေ၀ါဟာတံဏံ ပႛဲသႜ႐ုိတ္သႜတာရ ညးေကွ္ခ်ဴစ၊ ေခတ္လၞဳဟ္ ညးမြဲ ဟြံကႜဳိဟ္...ဂးသာ္၀ြံတုဲ ပတုိန္ဒုဟ္ ကုမေ၀ါဟာရဇကု၊ မုတ္ဇကု ဇကုဟြံတီတုဲ ကႜတ္အီတၜ ပႛဲဂႜံစုိတ္ေတံ။ ပႛဲဂွ္ အဲေလ၀္ ပါလုပ္ကုီရ။ ဇႝတ္လိက္ဂတုဪေဇႝာ္ ဗွ္ဒး ခ်ဴမာန္တုဲ ပႛဲစုိတ္ေတံ ေလပ္ရ လိက္မန္၊ လိက္မန္ဏံ ေလာဲ။ ဗြဟ္ဂစိုတ္စွ္အုိတ္တုဲ မေလပ္လိက္မန္ဂွ္ ေဍံ ဟြံတုပ္သၞဟ္ကုဪ ပြမကႜဳိဟ္ခႜင္ေ၀ါဟာရမန္တုဲ မေလပ္လိက္မန္။ လိက္ဂစိုတ္စွ္ရ ေကာန္ငၝာ္သၞတ္တံ ကတ္ ဗႝတ္မြဲဂိတု အိုတ္တး၊ ေလပ္ရဟာ သၞာန္မၢး ဟေအွ္...ဒွ္သြဟ္ေဍံ။

ပုဦေလ၀္ ေဇႝာ္တုိန္ကႜဳင္ညိညိရ။ ေလပ္လ၀္ဆဗႝတ္လိက္ဂတုဪေဇႝာ္ ဗွ္ဒး ခ်ဴဒးဂွ္ ႐ုံဂပ္ရ လိက္မန္...ဂးတုဲ ဟြံလၝတ္မြဲသာ္ ဒုင္စအာ အတုိင္လိက္ဂစုိတ္စွ္ဂွ္တုဲ မံင္ ႓ုိဟ္။ ျပ၀သာ္ဂွ္ဂွ္ ဟြံေထက္ကုဪဒွ္ပႜန္ရ သဟာဲတံ။ ၾသ...အဲ ဟုီဒၞံင္ မုပ႐ူ၊ ခ်ပ္၀ုိတ္အာ ပ႐ူမေ၀ါဟာရမန္ ကမ္နိရာဲ။ ဂး...ဂး... ကေလင္ဆက္ အေရ၀္ ကမ္နိရာဲဂွ္ပႜန္။ ကမ္နိရာဲ ဂလာန္၀ြံ ကုိပ္ကႜာေတံ အဲေလ၀္ ဟြံတီကုီ၊ ဗုီအဲ ဟုီလ၀္လတူဂွ္ရ အုဪ...ဂလာန္မန္ပႛဲသႜ႐ုိတ္သႜတာ...ဂး။ ကႜာႏူဟြံပံက္ထ႟းကုဪအဓိပၸဲါေဍံဂွ္ ယ၀္သၵးဟုီဏာ ဗတ္ဘာသာညးတႝဟ္ေတွ္ ကႜဳိဟ္ ဓ၀ဲါဂွ္ရ။ ဂး...အဂၤလိက္တံ ဟုီ Arrow ဂွ္ တီဟာ။ တီတြဳဪရဒွ္ မမှေဏန္ ေလာဲေလာဲရဂး။ Bow ဂွ္ မုပႜန္ေရာ။ ဣဂွ္ေလ၀္ အဲတီ၊ မမှေဏန္ေလာဲေလာဲရ၊ ႓တ္ေဆပ္မံင္ဂး။ ဣလုဪ ဒွ္ Arrow ဣလုဪ ဒွ္ Bow ဂွ္ ဟြံဒးပၚထ႟းကုဪရဏး။ ဂး...ကေလင္အာကုဪမေ၀ါဟာရကမ္နိရာဲဂွ္စမ္၊ ဗုီလုဪေရာၟာဲ။ Arrow ဂွ္ ကမ္နိရာဲရ။ ဣ၀ြံမဒွ္လၜ
Bow ဂွ္ ဒွ္လြဟ္သြက္ပန္ပတိတ္ဏာ Arrow ဂွ္တုဲ မန္ေကာ္စ လၜ၊ လၜဂွ္ ဒွ္ေၟာံလြဟ္တုဲ ေသၢာံပန္ဂြံဂွ္ ဒးေကတ္မကမ္ေဍံရ။ မကမ္လၜဂွ္ရ မန္တံ ေကာ္စ ကမ္နိရာဲ။ ေသာင္ကႜးစုိတ္ရဟာ။ ေခတ္လၞဳဟ္ဂွ္ Arrow ဂွ္ေလ၀္ လၜရ၊ Bow ဂွ္ေလ၀္ လၜရ။ ေဍံ ဂြံေတၞင္ညိ ဂးတုဲ ဂတလၜဂွ္ စုတ္ေထာံမေ၀ါဟာမြဲမ...တႝဳင္လၜ...ဂး။ ရံင္စမ္ ႓ုိတ္လုဪ ပုဦဂတာပ္ကႜဳင္ေခတ္၊ ေ၀ါဟာမန္ေဇတ္တ္ဂွ္ ကႜဟ္ေထာံ ကႜဟ္ေထာံ။ ေ၀ါဟာမန္တၞိတၞိဂွ္ ဇန္ေကတ္ဇန္ေကတ္၊ ေလာဲေလာဲရ။

ဣ၀ြံမဒွ္ကမ္နိရာဲ
လၜ ဂွ္ ဒွ္ေၟာံလြဟ္၊ နိရာဲ ဂွ္ ဒွ္မကမ္ သြက္ဂြံပန္ဗလးဏာ နကုဪလၜဂွ္၊ တုဲ ညးေကာ္စ ကမ္နိရာဲ။ တၝ ေလ၀္ သာ္ဂွ္ကုီရ။ တၝဂွ္ ဒွ္ေၟာံလြဟ္တုဲ မကမ္ေဍံဂွ္ ညးေကာ္စ နိရာဲ၊ ကမ္နိရာဲ ကုီဂွ္ စၞတ္သမၱီလ၀္ညိအၜ ကေလာမန္တံ။ ေ၀ါဟာရ၀ြံ လေဆာ၀္ ညးခ်ဴ သာ္ဏံ... နိရာဲ၊ နှရာဲ၊ ကမ္နိရာဲ၊ ကမ္နှရာဲ ... ၊ တုပ္ပ္ရ။ ဂႝပ္ဇကု မၵးစုိတ္ဂွ္ ခ်ဴ ဟုီဂြံရ။

ဂြိင္

အဲ ဂြံလ၀္မိတ္ေပြင္မြဲကုီ။ ယၞဳေဍံ လၸလၜရေလ၀္။ ေက်၀္...ဟုီဂွ္ သၹက္ေပၱာံ႓တ္ ဟြံမြဲရရဲ။ ပႛဲကုဪမတ္အဲေလ၀္။ မတ္ညးတႝဟ္ဂွ္ အဲ ဟြံတီ။ ဂလုိင္ေဍံေက်၀္ဂွ္ ဒွ္ဂလုိင္အဲ မဒွ္ဒ၀ိင္ကုဪေဍံ။ ရဲတံ ဗုီလုဪဂွ္ အဲ ေကတ္ဟြံဒးရေလ၀္။ အဲမြဲ မံင္စံင္ ဟြံဒး။ မုဒွ္အာ ဗုီလုဪေရာဂွ္ ဟြံတီ။ ဗုီအဲမဒွ္ဒ၀ိင္ဂွ္ ဆန္ထ႟းဏာကုဪ ဒြက္ကယ်ဟ္လကၤာမြဲပုိဒ္ရ။

ဂြိင္ကုဪနာဲမြဲ	ဂြိင္မံင္ပႛဲစုိတ္	ဂြိင္ဂႜဳိင္၀ိုတ္အာ၊
ဂြိင္မႝိဟ္အၾကာ	ဂြိင္မႝိဟ္အာဟုီ	ပလုီစုိတ္နာဲ၊
ဂြိင္ညးပလုီ	ဂြိင္ညးဟုီဖ်ဳတ္	ဂြိင္ကုဪ၀ုတ္ဗႜာဲ၊
ဂြိင္ဆစိုတ္နာဲ	ဂြိင္ေဖက္သာဲေသၝာဲ	အဲကုဪေဒံၿဗၜ။
ပႛဲစုိတ္ဂုဪဍာဲ	ဂုန္နာဲၿမိျမန္	စုိတ္ဟြံတန္ညိ၊
ဒၞါႏူမိမြဲ	တူယဲကင္ဇတ္	ရမတ္ဖိဖိ၊
တီဟာနာဲသၝိ	ဂုန္မိထ၀္ရဲ	တၝဲဏံဒးသာဲ၊
မိကႜဳီပၝာ	ေကာကႜဳီပၝာ	ရာင္အၾကာဇုိင္ကြိက္၊
ယ၀္ရဂြံအဇိက္	ဒးေတာမ္ပုင္ကႜိက္	ခႝိက္ေပင္ကႛဳိပ္ရ ေဒံအုဦ

ဇၞန္လကၤာလတူ၀ြံ ကံက္ႏူျပကုိဟ္ကဗ်အလကၤာမန္ဂမႜဳိင္ေရာင္။

ေကာန္ဗႜံက္အွ္အွ္ ပေလ၀္ဒၞံင္ဟဂွ္

ယြံမိတ္သဟာဲတအ္ညးဂမႜဳိင္ အဲ ဂြံလ၀္ေကာန္ဗႜံက္အွ္အွ္မြဲတုဲ ပေလ၀္ဒၞံင္ဟဂွ္။ မြဲတဲ ဟြံဂြံဇူ။ မုအဲ ဆက္တက္အာမလိက္ပႜန္ေရာဂွ္ ဗွ္ပုိဒ္သၞ၀္၀ြံညိ။

အဆက္ႏူပုိဒ္လတူဂွ္ရ ရဲဆာန္ေယ်။ မုေလ၀္ ဟြံေသင္။ မး မး... စမ္ေ၀င္ကႜးကႜးရ။
မုဂြံခ်ဴဂွ္ေလ၀္ ေကတ္ဟြံဒးတုဲ စုတ္ဏာ႐ုပ္က်ာ္ေစတှလဂုင္မြဲတႝးရ။ ဗုဪဖဲဖဲညိ။

ဗ်တၱိစှခႜ

ပႛဲကုဪတၝဲအဒုိတ္ ဂိတုအံက္တ၀္ဗာ ၂၁၊ ၂၀၀၇ ေတံဂွ္ အဲ စပတုိန္ထ႟းဏာလ၀္ ပ႐ူ`စှခႜ´မကႜဳင္ႏူဗ်တၱိဒစိတ္သာ္ (၀ါ) စှဒစိတ္သာ္တုဲရ။ ဟုီဗတ္ဘာသာအင္ဂလိက္မၢး Nine Strategies ရဂး ( အဲ ဟုီကႜာဲဏာဗတ္ဘာသာအင္ဂလိက္သာ္၀ြံဂွ္ ေဗႜတ္အာ၊ ဟြံဒးမၢး လၸေကတ္စဒုဟ္တင္ညးသၠံညိ။ ေလပ္အေရ၀္အင္ဂလိက္တုဲ ကႜာဲဏာဟြံေသင္၊ အေရ၀္မန္`စှဒစိတ္သာ္´၀ြံ သၵးဟုီဗတ္ဘာသာအင္ဂလိက္ေတွ္ Nine Strategies ဟာ မေထင္ခယ်ေကတ္ပႛဲစုိတ္တုဲ အဲ ကႜာဲဏာသာ္ဂွ္ရ။)

ဗ်တၱိဒစိတ္သာ္၀ြံ ဒွ္နဲျပယာဲအေရဍဳင္ကြာန္ရ။ (ဟး မႝိဟ္ဏံမြဲ ဟုီစုတ္အေရ၀္ဗၞာပႜန္ရ၊ `အေရဍဳင္ကြာန္´ဂလာန္ဏံဂွ္ နိႆဲကုဪဂလာန္ဗၞာ`နဳိင္ငံေရး´တုဲ ဟုီကႜာဲဗဒွ္ေကတ္မအေရ၀္မန္ အနိင္ဟာ။ ေအ...ဒွ္ေလ၀္ဒွ္မာန္ ဂလာန္မန္ဗုီဗုီဂွ္။ ဆဂး ပႛဲကုဪျပကုိဟ္ ဥပၸႏၷဟံသာ၀တှရာဇာ၀ံသကထာ..ဂလာန္ကၱဳဪဗၵဟ္ေတႝာ၀္ဒေတာ၀္သၞီဍဳင္ဟံသာ..ေတံေလ၀္..အဲ ဂြံဆုဪေကတ္ မဂလာန္`အေရ´မြဲမကုီ ညးခ်ဴေကွ္လ၀္ပႛဲလိက္ဂွ္။ ဒဒွ္ေဍံဂွ္ သာ္ဏံေလ၀္။ သၞီ၀ါေရ၀္ေရာ၀္...ယၞဳသၞီဏံ ေကင္မိင္ဒၞံင္သုီဖအုိတ္ရေထင္။ သၞီ...အ၀္.. အ၀္.. လၸခ်ဴအခ၀္`သၞီ´သာ္ဂွ္၊ ခ်ဴ အခ၀္သ ကၞက္မ ခရိကႛဳိပ္ ဂစုိတ္ကင္..င္..သၞိင္ သာ္ဏံ မုဒွ္ေရာ။ ခ်ဴသၞီ ဗုီဂွ္ ဗွ္ဟြံဒး၊ ထုဲေကြံေကြံ၊ ဗွ္သမိမ္ဟာ ဗွ္သမိင္ဟာ ဒးေတာ္ဒၞံင္တၞာလံဏီ။ ေအ..ေအ.. အဲခ်ဴ`သၞိင္´ရ၊ ဗွ္ဒးရေသင္။ ေအ..သၞိင္ဂွ္ ဟြံမြဲတုဲ ေဒံသၞိင္ဂွ္ မကဒူ ဒုင္ယၞဳခုန္လၜဂွ္ ပသၞိင္မန္ ဒႝဲါေကာဇကုရ။ လက္ကရၜဏံ သၞိင္သုေခါဒါယ တီဒဒွ္ေဒံဗညာ၀ါေရ၀္ေရာ၀္တုဲ ညးေတံ ခုတ္ကုဪယၞဳတၞိ `စၜရာံျပကုိတ္´ဂး။ အခိင္ညးေတံ ပသၞိင္ဍဳင္မန္ဂွ္ ေသံဇင္မွာဲေတံ ဇက္ေစွ္တၝဳီဗတုိက္ဍဳင္မန္။ ဗုီလုဪေသၢာံတ၀္ေစႝဟ္ကုပႝာန္ေသံဇင္မွာဲဂွ္ ညးေတံ ဟြံတီတုဲ ေကာယၜညးေတံ ႀတဳံတႜဏင္ဥ႐ုိန္၊ သၞိင္မံင္မလတံ သာ္၀ြံမခ်ပ္၊ ခုုန္လၜဏံ ပသၞိင္တုဲ လႝဳဟ္ကႛင္သန္၊ အေရဍဳင္ဒုိဟ္ပႝာန္ဓမႜေလ၀္ စှေရင္ဟြံဒး၊ ေဍံ၀ြံ ညံင္ဆုဟြံမြဲကုသတ္၊ ညံင္ပၠၜဟြံမြဲကုဪျမေမာ၀္ကုီ ဆပႝာန္ေသံ ဍိက္ညးမဇက္ေစွ္ညိကုီဂွ္ ဒ၀ိင္လႝီလႝာ္ဂလုိင္ဏံ မဒွ္။ တၝဲရ ပႝာန္ေဇႝာ္ကုဪျဒဟတ္ မသၥဳိပ္ကႜဳင္ေတွ္ ကၞိန္ဍဳင္လုံဇႝးပုိတ္ သၵဟ္ဂႜဳဲညးအုိတ္ရသြံ။ သာ္ဂွ္ခ်ပ္တုဲ ရပ္စပ္နဲ`စှေပႜပ္´ ႏူစှဒစိတ္သာ္တုဲ ရပ္ဂြံစၜရာံျပကုိတ္တုဲ ဂစုိတ္ေကႜံရဂး....။ ရံင္စမ္ မအေရ၀္ညးခ်ဴလ၀္`အေရ´လတူဂွ္ ဆုဪဟာ။ ေအ..အဲ ညာတ္မအေရ၀္ဂွ္ရ အဲဟုီ`အေရ´ကုီ။ ဗၞာဟုီ`နဳိင္ငံေရး´ဂွ္ေတွ္ မန္တံဟုီစ`အေရဍဳင္ကြာန္´ရ။ ဣ၀ြံ ပၞိက္အဲေရာင္ သဟာဲတံ။ ဆဂး အေရ၀္ဗုီဗုီဏံ မြဲအယုက္အဲ မြဲေလွ္ေလ၀္ဟြံေကင္မိင္ ဗုီမိတ္သဟာဲတံကုီရ။ ဟိ..ဟိ..အေရဍဳင္ကြာန္၊ ေတၞင္ေကြံေကြံ ဂလာန္ဏံ။ ေအ...မုပ႐ူအဲဟုီႏူတမ္ေတံ၊ ဂး ကေလင္ဆက္ အေရ၀္ဂွ္ပႜန္။) ဗ်တၱိဒစိတ္သာ္ဂွ္ ဒွ္နဲကဲျပယာဲအေရဍဳင္ကြာန္ရ။ ကေလာန္မြဲမြဲ သၞိက္ပတုဲမၢး ခါရဟြံဍဳိဟ္ေကက္ တီေကတ္ ဗ်တၱိဒစိတ္သာ္ဏံ ယ၀္သဒွ္ ကေလာန္ဂွ္ ေဍံ ဟြံအာစုိပ္ဒတုဲေရာင္ တႜပညာညးမခ်ဴခႝံ လိက္သႜပတ္ဗ်တၱိဂွ္ဟုီ။ အဲ ဟုီဟြံေသင္ပုဟ္။

ေပႝာ၀္ဗ်တၱိဒစိတ္သာ္ စှဒစိတ္သာ္တံဂွ္ လၞဳဟ္ ဟုီဒၞံင္ပ႐ူ`စှခႜ´မြဲမဓ၀္ရ။ စှခႜ...ဂလာန္ဏံ ယ၀္သၵးကႜာဲဗတ္ေ၀ါဟာအင္ဂလိက္မၢး Educational Strategy ။ ဟလုဪဒွ္ ကႜာဲလ၀္ဒးဒၞံင္ရဟာ။ လၸၿဂဳိင္စညးသၠံဏး၊ အဲ ဂြေလပ္ဒၞံင္ေဏာင္၊ ဇကု ကႜာဲလ၀္ေဍံဟြံခ်ဳိတ္ပႜဳိတ္ေတွ္။ ဂး..ဂး..ဆက္ဟုီအာပ႐ူစှခႜဂွ္ပႜန္။ နဲကဲစှခႜဏံ ပႛဲေကာန္မန္ပုဦ ေခတ္လၞဳဟ္ဏံ ႏြံပၞိက္တၜ တၞာဂလုိင္ေရာင္။ ဟုီအေရ၀္မန္လၞဳဟ္ေတွ္ ပေရင္ပညာ၊ ပေရင္ပညာ.......။

ဆက္စၞှဗွ္အာပႜန္ညိ...........

အႀကဳီကေမ်၀္ကေ၀င္အဲ

မိလဂၢန္ၿပဲ ကေ၀င္အဲဂွ္၊
႐ုပ္သာ္႓တ္ႀသၜ ရၜပကၜဒကွ္၊
မုက္ညံင္ဂိတု အႏုခ်ဴဗၵဟ္၊
ေသာ္လမၥံက္သမၝဟ္ သၞဟ္ညံင္ေသႝင္ထုိင္၊
ေဂႝင္မတ္႓ါ၀ုိင္ ကုိင္ဖဍဟ္စ၀္၊
ညံင္ဒမင္ဍာ္ ဗပၚတၞံထ၀္၊
မတ္တုပ္ေကာန္ျဒာဲ စရာဲညးသြ၀္၊
သၞန္ပါင္ပဍဳီ ဗုီညးခ်ဴလ၀္၊
ဇာင္ငၝဳအငၝ၀္ ကေတာ၀္ကႝဳသင္၊
ေငၝက္တုပ္ညံင္ျမဳ လ်းတသုခႜင္၊
ကံႏုင္အဖႜဴ ၿဗၜဇၞဴမွာတင္၊
ပိတန္ေရတ္ဆင္ ကႝင္ကံဇုဪနာဲ၊
ႀသဳိဟ္ဂတုဪပး ေဇႝာ္ကႜးစရာဲ၊
သပါတဲသၞဟ္ လပွ္စိင္ဗႜာဲ၊
ေသႝံသိန္လွာ ဇုိင္႓ါေဂါ၀္ဆာဲ၊
ေဇႝာ္သန္စရာဲ ဂႜဲါဟုီဟြံမာန္၊
ထၞိက္မသုန္ ဂုန္တရၜထာန္၊
ဍဳိက္ေပင္တၜရ ၿဗၜတလဒါန္၊
မိေက်၀္ေဂါ၀္ရ နာမေကြံၾကာန္၊
ခုတ္ယၞဳအၜ ေဒံၿဗၜဆာန္လာန္၊
ညာတ္ဗုဪဟြံဖဲ ဒွ္ပၬဲစိတၱာန္၊
အႀကဳီေဒံၿဗၜ ရၜၿဗၜသြ၀္ယာန္၊
ဟုီအိုတ္ဟြံမာန္ မိတ္ဒါန္အဲေရာင္။

သတၱိေကုာံဗ်တၱိ

ပဇေမႝာ္ညးမၢး သၵးဍဳိက္ေပင္ကုဪသတၱိဗ်တၱိ၊ သတၱိဗ်တၱိဟြံမြဲမၢး ေကႜာန္ကေလာန္ ဟြံအာစုိပ္ဒတုဲရဂး။ ဍာံမံင္၊ သတၱိဗ်တၱိဟုီဂွ္ မုေရာ။ ဂလာန္မၢး`သတၱိ ဗ်တၱိ´၀ြံ ဇၞာပ္ေကာန္မန္တံ ဟြံ႐ုဲဇေမႝာ္သၞတ္ ကလိတ္ကေလာတ္တၜ ပၬဲတႝဳင္သၞန္ပါင္ရ။ သတၱိဂွ္ ညးတီအဲတီ။ `ဂံင္သၠာ´ဂွ္ ညးမဟုီစသတၱိရ။ ဗ်တၱိဂွ္ေရာ။ `ဍဳိဟ္ေကက္စှကႜး´ဂွ္ ဗ်တၱိရဂး။ အရာမဍဳိဟ္ေကက္စှကႜးတံဂွ္ မုမြဲမဒွ္ဂွ္ေရာ ထပ္သၞာန္ဏာပႜန္မၢး သြဟ္ေဍံ မံက္တိတ္ကႜဳင္ရ။

အတုိင္တြဟ္တႜပညာမန္တံမဟုီဂွ္ ဒွ္သာ္၀ြံရ။ ဗ်တၱိမၢးဂွ္ တုပ္ပၞာညံင္ပၞတ္ဖၜ။ သတၱိမၢးဂွ္ တုပ္ပၞာညံင္ေျဂာ၀္။ ကိစၥေကင္ကာအုိႆုီဂွ္ တုပ္ပၞာညံင္အမာဲေဘာဇုိန္၊ သာ္ဂွ္ တႜပညာမန္တံမဟုီလ၀္။ သဘၜပၞတ္ဖၜ ေျဂာ၀္ဟြံမင္မြဲမၢး ရၜေဍံဟဂြံဂုဪဂႜိတၜကုီ။ ပၞတ္ဖၜ ယာံေဍံဟြံဂုဪဂႜိမၢး သဗၺအမာဲေဘာဇုိန္တံဂွ္ ရၜေဍံဟြံစိန္၀ုန္ကုီ။ ပၞာညံင္သာ္ဂွ္ရ ဓ၀္သတၱိမၢးဂွ္ ဟဂြံၾသဟ္ပၱၜလ၀္ဓ၀္ဗ်တၱိတုဲ ရာပၞိက္စုိတ္အုိႆုီမသၞိက္ဂြံဂွ္ ရာမဟကလိဂြံကုဪပူဂုဪတံဂွ္ကုီ။ ဟုိတ္ဂွ္ရ ဓ၀္သတၱိမြဲ မမင္မြဲလ၀္ဓ၀္ဗ်တၱိမၢးရ။

ေ၀ါဟာမန္မၢးဗ်တၱိ၀ြံ ဒွ္ေ၀ါဟာပါဠိလုီ၊ မန္တံ မပလ၀္ေ၀ါဟာမန္။ အေရ၀္မန္ေဇတ္တ္မၢး `စှ´ညးမဟုီစရ။ မုစှေရာ။ စပ္ကုဪေ၀ါဟာ`စှ´၀ြံတုဲ အဓိပဲါေဍံ ႏြံတၜတႝဟ္ဟ္ရ။ ပၬဲဒႝဲါ၀ြံ `စှ´ႏြံတၜဒစိတ္သာ္ရ။ ဣဂွ္ ဒွ္လဟုီသႜပတ္ဗ်တၱိဒစိတ္သာ္ရ။ ညးမၢး`စှ´ဒစိတ္သာ္ဂွ္ေရာ။

၁။ စှခႜ
၂။ စှေရင္
၃။ စှကႜး
၄။ စှေဖာ၀္
၅။ စှစုီ
၆။ စှစပ္
၇။ စှေခန္
ဂ။ စှေစာန္
၉။ စီေပႜပ္ ----- ဣငၝဳဟ္ `စှ´ဒစိတ္သာ္ တႜပညာမန္ပုဦမဟုီဂးလ၀္ရ။

တႝဟ္နေသၢာံတီအဓိပဲါေ၀ါဟာ`စှ´ဒစိတ္မ၀ြံတုဲ တႜပညာမန္ပုဦ ဟုီထမံက္ထ႟းလ၀္ကုဪဥပမာေဍံ သာ္၀ြံရ။
(၁) စှခႜမၢးဂွ္ တုပ္ပၞာညံင္ထုိင္။ (၂) စှေရင္မၢးဂွ္ တုပ္ပၞာညံင္သာဲ။ (၃) စှကႜးမၢးဂွ္ တုပ္ပၞာညံင္ဍာ္ဗဒါ။ (၄) စှေဖာ၀္မၢးဂွ္ တုပ္ပၞာညံင္ေကာန္ဒေကာတ္။ (၅) စှစုီမၢးဂွ္ တုပ္ပၞာညံင္အမာဲပအုဪ။ (၆) စှစပ္မၢးဂွ္ တုပ္ပၞာညံင္ဇ႓ုိတ္ၾသာန္။ (၇) စှေခန္မၢးဂွ္ တုပ္ပၞာညံင္စၞျဒဳန္။ (ဂ) စှေစာန္မၢးဂွ္ တုပ္ပၞာညံင္အကာသ၊ ညံင္ေဍာင္ပၠၜလစဆဒၵန္။ (၉) စှေပႜပ္မၢးဂွ္ တုပ္ပၞာညံင္သၞးဗတာဲ။ သာ္ဂွ္ တႜပညာမန္ပုဦ မခ်ဴလ၀္ပၬဲသႜပတ္ဗ်တၱိဒစိတ္သာ္ရ။
္
၁။ စှခႜ မတုပ္ပၞာညံင္ထုိင္မၢးဂွ္ သိက္လုဪမဒွ္ဂွ္ေရာ။ သဘၜသၞိင္ထုိင္မာ ပၬဲဗတင္ဂုိဟ္ထ၀္ေ၀ဠဳ သၞဳက္စၞှဒၞံင္တြဳိန္အ႐ွဳိန္ ဒတုိန္စက္ကြှသၞိင္တၝဲတုဲ ယာံသၞိင္တၝဲ ဂံါတုိန္လုိန္ကၬဳိပ္တၞံယုဂၢႏၶ၀္မၢး ႏူေထၞာင္ဂုိဟ္တင္ဒုန္ ဂံါတိတ္တုဲ ဍဳိက္ေကတ္ယာန္ေသႝင္႓ါ ပ၀္ေလွာင္အာ အရွာံၿဂဳိပ္ပၠၜမႝဳံကုဪျမေမာ၀္တႝဟ္ဟ္သာ္ နျဒ၀္ေသႝင္မတုပ္တၜရၜတြိင္ဒိပ္ဂွ္ တိင္သှသၬဳိက္မႜဳိက္တၜေဍာင္ပၠၜတုဲ သုီမဍဳိန္ေဍာတ္ေလာတ္သ၀္ ပ၀္ေရတ္သႝက္ပဒက္သုိန္ကုဪေဍာင္ပၠၜတုဲ ဒၝှျပာပ္ကႜဳင္ ကႝိပ္ေဖ်ံဖ်ံလ၀္ကုဪဂသ၀္ပၠၜတုဲ နက၀ုဪေသႝင္႓ါဒုိဟ္ ပုိဟ္ဗဗုိဟ္လ၀္ကုဪထုိက္ပၠၜတုဲ ရၜမစၜအာစြံလ၀္ ပၬဲဗတင္ဂုိဟ္တင္ဒုန္ေတံကုီ။

ညံင္သာ္ဂွ္ကုီရ ႀယၜပူဂုဪမြဲ ပတႜပညာမစှခႜ ဓ၀္ပမာဒမတြံဂးဒမႜဳဂွ္ ကလိေကႜံတုဲ ပ၀မဂႜဲါဒတုဲျမေမာ၀္ ပၬဲလုိက္ပၬဲပလုိက္ ယ၀္သၵဟ္၊ သၞိက္တီမုတ္ဒြးဂွ္ တီေကတ္တုဲ ေပႜင္ေကႜံဓ၀္မာန္တုဲ ပ၀မတၝံဂႜဲါငၝှျပကုိဟ္ကႝပ္ကုီလ၀္၊ ပ၀မတၝံသှကႜှကုဂမွှဗမႝးကုီလ၀္၊ ပ၀မသှကႜှကုညးမႝဳံဣိႆာရတႜအ၀ုီအသှကုီလ၀္၊ ပ၀မဒ႐ုီသၞာန္သၞဳက္ေကုာံတႜပညာကုီလ၀္၊ ပ၀မေလပ္ဖ်၀္ဇကု ပၬဲမိကုဪမကုီလ၀္၊ ပ၀မေလပ္သၞးသကုီ ပၬဲျပကုိဟ္ဓမၼ၀တ္ ရာဇာ၀တ္ ေလာက၀တ္ကုီလ၀္၊ ပ၀မသၞးသကုီ ပၬဲတြိင္တြဳိက္ဂၛိဂညာတ္ကုီလ၀္၊ ပ၀မသၞးသကုီ ပၬဲဂယုိင္လမ်ဳီသုီဖအိုတ္ကုီလ၀္၊ ပ၀မပေတွ္ဒါန္သှလဘာ၀နာကုီလ၀္၊ ပူဂုဪမဖွ္သာ္၀ြံ မွတ္ဂႜဲါဒတုဲျမေမာ၀္ ပၬဲလုိက္ပၬဲပလုိက္ ညံင္သၞာေလင္ကုီေရာင္ဂး။ သဘၜသၞာေလင္မၢးတုန္ တိဒၞိဟ္မႏွၜတၜေကုာံေၾတဟ္ကေ၀က္ဂွ္ စုတ္ဗေပင္လ၀္ပၬဲဂတုဪေလင္တုဲ လတူစႝိန္ဍာ္လမ်ဳင္ လြိင္ေထ၀္ လြိင္ဗေဂတ္ လြိင္ပတိတ္ေၾတဟ္ကေ၀က္တုဲ ဆမဒွ္အနက္ဂွ္ သီသန္ၿမီျမန္ေကတ္လ၀္ရ။ ပူဂုဪတႜပညာ ညံင္သၞာေလင္မဂႜဲါငၝှတိဍာ္ဂွ္ကုီ မဒွ္ဗဟူသုတ ဗဟူသဒၵ ဗဟူသိပၸ ဗဟူသိကၡ ဟုိတ္မဂႜဳိင္မိင္ မဂႜဳိင္ညာတ္ မဂႜဳိင္ကြတ္ မဂႜဳိင္လၝတ္တုဲ ပူဂုဪမဖွ္သာ္၀ြံ မတုပ္တၜရၜသၞိင္ထုိင္ မဂႜဲါငၝှဂသ၀္ပၠၜကုီ၊ ရၜသၞာေလင္မဂႜဲါငၝှတိဍာ္ထ၀္ဂွ္ကုီ ဟိုတ္မဒွ္စိ `စှခႜ´ညးမၢးေရာင္။ ။

(ဗြဲေလြင္င္ အဲ သခ်ဴထ႟းကုဪပ႐ူဗ်တၱိဒစိတ္သာ္ တာံသႜပတ္ဗ်တၱိဒစိတ္သာ္ေတံရ။ မင္စၞှဗွ္ညိ။)
ႜ

ေစတှက်ာ္မုဟ္တၜ ေကုာံ၀င္နန္မန္ေႀတံ ပၬဲဍဳင္ဗေဂါ

ေစတှက်ာ္မုဟ္တၜ ေကုာံ၀င္နန္မန္ေႀတံ ပၬဲဍဳင္ဗေဂါ

ဂႜံင္တရၜတႜအ၀ုဪတံမေဖ်ံလ၀္ Road Map

တႜအ၀ုဪပႝာန္မဓဇန္ႀကံၾက ဿဍဳင္ဗၞာေတံ ဟုီဂလာန္တမုန္ ကုညးဂႜးတိတံ သာ္၀ြံရ။ ဍဳင္ဗၞာ ညံင္ေသၢာံဒွ္ဍဳင္ဒိေမာကေရသှဂွ္ ပုဦေဖ်ံလ၀္ Road Map တုဲဒၞံင္ရ။ ေဒၢတ္ဗက္အာ အတုိင္ေလၞင္ Road Map ဂွ္မၢး ဍဳင္ဗၞာ သၵဟ္ဍဳင္ဒိေမာကေရသှမြဲေရာင္။ သာ္ဂွ္ သၞိင္အယုတ္တံ လီဒၞံင္ညးဍဳင္ကြာန္တံ ညးဂႜးတိတံ တၞံတၝဲရ။ Road Map သၞိင္ဗၞာတံဂွ္ ရံင္ေကတ္႐ုပ္ပေယ်ာ၀္လတူဂွ္ညိ၊ တၝံက္တၜ ေလာန္ႏူက၀းၿဇဳံဏီ။ ႏူကုဪဟုီ`တၝံက္´ဂွ္ ေဍံဟြံလဂူတပ္ရ။ ေဍံဟြံလဂူတပ္ဒၞံင္ဂွ္ သုီမတီတၜေဟင္တုဲ ပုဦကြာ္ဗက္အာဂႜံင္တရၜေဍံတံဂွ္ မိက္ဂြံထ႟းစစရာဲဂုဏ္ဇကု ကုညးဂႜးတိတံဟာ။ မန္တံ ပေတွ္ဒၞံင္ဏီေတွ္ ပေတွ္ေကတ္အဂွ္ရ။ ေဍံလီဒၞံင္ဖုိဟ္ မန္တံပေတွ္ဒၞံင္ဖုိဟ္။ ဒးဒၞံင္အလီေဍံတံ ႐ုိဟ္လၞိဟ္ဟြံဒးရဂွ္ ပေတွ္ဒၞံင္ဖုိဟ္ေတွ္ ညးလုဪ ဒွ္ညးမဍဳိဟ္ေကက္ေရာ။ ဗစာေကတ္ရ မန္တံ။ ယ၀္ကြာ္ဗက္အာRoad Mapေဍံတံမၢး လအိတ္ဂႜံင္ေဍံဂွ္ ျဇဟ္ဂမ်ဳိဟ္ေရာင္။ စုိပ္ျဇဟ္ဂမ်ဳိဟ္ဂွ္တုဲ တရၜကေလင္ဟြံမြဲဲ၊ ဆက္အာမၢး ဒတုံေရာင္။ သုီမတီတၜသာ္ဂွ္ ညးမကြာ္ဗက္အာဂႜံင္ေဍံတံဂွ္ မႝိဟ္သမၬဳိဟ္ ဟုီစဂြံဟာ။

ဟုဲဟာဲဒက္မိတ္ကုတႜပညာညိ

ႀယၜပူဂုဪမြဲမဒက္မိတ္မဟုဲဟာဲေကုာံပူဂုဪသမႜဳီဂွ္ မူတုပ္ပၞာေရာ။ ညံင္ႚကရာဇ္မတုဲေတံမပမိတ္ကုဪကႝဳဲဂွ္ကုီရ။ ပသၞးေရာ၊ ႚကရာဇ္မြဲဂွ္ခ်ပ္၊ မႝိဟ္သၞတ္ အဲဟြံပမိတ္ျပ၀ါအဲရ၊ ကႝဳဲေဟင္ အဲပမိတ္ျပ၀ါအဲရ၊ သာ္၀ြံခ်ပ္တုဲ ဒေဒွ္ပေကင္ပကတ္လ၀္ကႝဳဲမြဲတုဲ ကႝဳဲဂွ္ေဟင္ မကုဪမင္မြဲဇကု ဗၱံတၝဲရ။ ႏြံကာလမြဲတၝဲ ဿကာလဗၱံ သၞိင္စှလ၀္ပႝာင္သၬၜတုဲ ကုဪကႝဳဲမြဲ မင္ဒၞံင္ရ။ သၞိင္တိက္လွိင္အာ။ ကာလဂွ္ ဂစက္မြဲ ဗမာတုိန္ဿဇကုသၞိင္ ႏူဇုိင္ဒုဪကံသၞိင္ဂွ္ရ။ ကႝဳဲဂွ္ ညာတ္ဂစက္ဂွ္တုဲ ေဍံမရပ္ေကတ္သႝာ္သၞိင္မစြံလ၀္ဂွ္တုဲ အဲသၺာ္ကံဂစက္၀ြံညိ ကႝဳဲဂွ္ခ်ပ္တုဲ ကႝဳဲဂွ္ ပင္သႝာ္ဗ်ာံဒၞံင္သႝာ္ဗာ္ဂစက္ဂွ္ရ။ ဿကာလဂွ္ မႝိဟ္မြဲ တုိန္ကႜတ္စျဒပ္သၞိင္ဂွ္ ေဍံညာတ္ကႝဳဲဂွ္ ဒယုီဒၞံင္သႝာ္ဂွ္တုဲ အဲေကတ္ျဒပ္သၞိင္ဂွ္ အဲဂြံရ၊ သၞိင္ဒးခ်ဳိတ္ေရာင္သြံ၊ သၞိင္ဂ်ဳိင္တၜဂွ္ ေသၢာံမင္မြဲသတၱံဂမႜဳိင္ေရာင္သြံ ဂးတုဲ မႝိဟ္ဂွ္ ရပ္ပႜံင္ေကတ္သႝာ္ဿတဲကႝဳဲဂွ္ရ။ ဿမပႜံင္ေကတ္သႝာ္ဂွ္ သၞိင္လကုိတ္ငၝဳဟ္အာ၊ ညာတ္မင္ဗႜာဲမပႜံင္ေကတ္သႝာ္ဂွ္တုဲ သၞိင္ဂးရ။ မူပမင္ဗႜာဲမပႜံင္ေကတ္သႝာ္ဂွ္ေရာ သၞိင္ဂး။ ယြံတႜညး ကႝဳဲဂွ္ ေဍံရပ္သႝာ္တႜညးစြံလ၀္ဂွ္ ေဍံဗာ္တႜညးပႜန္ အဲဍိက္ညာတ္တုဲ ေဍံဗာ္တႜညးခ်ဳိတ္ရ ဂးတုဲ အဲဍိက္ပႜံင္ေကတ္သႝာ္ဿတဲကႝဳဲ၀ြံေရာင္အၜ၊ မႝိဟ္ဂွ္ဂး။ မူမကႜဳင္ပဒႝဲါ၀ြံေရာ တႜညးသၞာန္ရ။ အဲဍိက္ တုိန္ဂႜဲါကႜတ္စရ၊ အဲဍိက္ ညာတ္ပြကႝဳဲ၀ြံတုဲ ျဒပ္တႜညးဂွ္ အဲဍိက္ဟြံေကတ္ရ၊ အဲဍိက္ ျပာ္ဂုိင္လ၀္လမ်ဳီတႜညးညိတုဲ အဲဍိက္ပႜံင္ေကတ္သႝာ္ဿတဲကႝဳဲ၀ြံေရာင္အၜ မင္ဗႜာဲဂး။ သၞိင္မိင္တုဲ သၞိင္ခ်ပ္ရ။ အဲ သၸမိတ္ျပ၀ါကုဪကႝဳဲ၀ြံဂွ္ ဒွ္လေလင္ေဇႝာ္ေရာင္သြံ ဂးတုဲ ပတြဳဪႏူဂွ္ သၞိင္ဟြံပမိတ္ျပ၀ါကုဪကႝဳဲဂွ္ပႜန္ရ။ ကုဪမႝိဟ္သၞတ္ဂွ္ သၞိင္ပမိတ္ျပ၀ါပႜန္ရ။

ပမာညံင္သာ္ဂွ္ကုီရ မၵးဟုဲဟာဲပမိတ္ျပ၀ါကုသမႜဳီဂွ္ ညံင္သၞိင္မၵးပမိတ္ျပ၀ါကုဪကႝဳဲဂွ္ရ။ ပူဂုဪသမႜဳီညးမဒက္မိတ္ဟုဲဟာဲကုဪေဍံတုဲဂွ္ ဿလုိက္၀ြံ ေဍံဇုိန္ကုဪဒဒုိက္ကုဪညးေရာင္။ ဿပလုိက္ေလ၀္ ေဍံဇုိန္ကုဪဒဒုိက္ကုညးေရာင္။ ဟုိတ္ဂွ္ရ ပူဂုဪသမႜဳီ လၸဟုဲဟာဲညိ။ တႜပညာမတုပ္တၜညံင္ရၜမႝိက္ဂွ္ မွတ္ဟုဲဟာဲဒက္မိတ္ညိ။ ေသၢာံဒက္မိတ္ကုဪတႜပညာဂွ္တုဲ ဿလုိက္ေလ၀္ ဂြံတသုိက္ရ။ ဿပလုိက္ေလ၀္ ဂြံတသုိက္ရ။ ဟုိတ္ဂွ္ရ အာေသ၀နာစ ဗာလာနံ ပ႑ိတာနၪၥ ေသ၀နာ၊ ကုဪမွတ္ေစွ္ေ၀င္သမႜဳီညိ၊ ကုဪဟုဲဓ႐ုီတႜပညာဂွ္မဂြံဒွ္မၝဳဪမၿပဲရ။

ဗုီဂလာန္မန္ဂမႜဳိင္

စပုင္မြဲဇၞိက္ ပဍိက္မြဲအယုက္
စလၸခပပ္ ဟုီအေရ၀္လၸခလပ္
ခုိဟ္ေတွ္အုိတ္တဲ ပေရံေတွ္ညးဟြံတုပ္မြဲ
ခုိဟ္ ဟြံခုိဟ္ဂွ္ ဒွ္ကုဪစုိတ္ရ
ျဂအ္မန္ စံင္မန္
ၿဂိပ္ေတွ္ကႜဳဪထေဍင္ ကေလင္ေတွ္ကႜဳဪဗတး
ဆာန္လၸကုဪဒွ္ဒုဟ္ ကၬဳဟ္လၸကုဪဒွ္သႝ
ဆုဪပုင္ကေလာံသၞး ဟြံညာတ္ေလံဒုက္
ဇကုမြဲဂြံဒွ္တသုိက္ ဗက္ဍဳဪဍဳိက္ညးဂမႜဳိင္
ညှသၞဟ္ဒွ္ဂုဏ္ ႐ုန္မုဪဒွ္သႝ။ ။

ဗုီသၞိင္ဗၞာတံမဓဇန္ဂွ္ မန္တံ ညာတ္အုိတ္ရဟာ

သၞိင္ဗၞာအယုတ္တံ ဓဇန္လတူညးဂႝၜဍဳင္ကြာန္၊ ပမာန္ဍဳဪဍဳိက္ညးဂႝၜဍဳင္ကြာန္။ ထိၿမိဒးကုဪအ၀ုဪအဏာေဍံတံမၢး က်ာ္ ဓ၀္ သင္ မိ မ အစာ ေဍံတံဟြံတီ၊ ရပ္ဂြံကုဪဂြဳဪဂြဳိက္ ႓ုင္တက္ ဟုီေက႟ဟ္လက္။ သင္ဂွ္ လၸဟုီညိဏီရ၊ က်ာ္ႀတဲ ယ၀္ခါရ ေစွ္စးကုဪေဍံတံမၢး က်ာ္ႀတဲေလ၀္ ေဍံတံရပ္ဂွ္ရ။ မႝိဟ္ေဍံေတွ္ ကႜဳဪဇုိင္ေခံေခံေလ၀္ ေဍံ၀ှ၀တ္တၜေပင္င္။ မႝိဟ္ေဍံဟြံေသင္ေတွ္ ေကာန္၀ုတ္ေဒ၀တၜေလ၀္ ေဍံရပ္စုတ္ထံင္ဂွ္ရ။

ကၱဳဪဒဒွ္ဿဍဳင္ဗၞာ ဂိတုမတုဲေတံဂွ္ ဗုီလုဪသၞိင္ဗၞာအယုတ္တံ စြံဓ၀္က႐ုဏာလတူညးဂႝၜဍဳင္ကြာန္ဂွ္ ညးဂႜးတိတံ ဂြံမိင္ဂြံတီဂြံညာတ္ ေကတ္လ၀္အုိတ္ရ။ လတူဂကူေဍံ ေဍံဓဇန္ဗႝတ္ဏံမာန္ဂွ္ ဂကူေဍံဟြံေသင္တံဂွ္ မုသၨက္ဒးဟုီႏြံတၜဏီေရာ။ ဗုီသၞိင္ဗၞာအယုတ္ တံမဓဇန္ဂွ္ မန္တံ ညာတ္အုိတ္ရဟာ။ ဗွ္ကုဪဗုီအံင္ေဇယ် မဂစုိတ္လ၀္ဂမွှသင္မန္ဗႝတ္ပိလၝီဇကုဂွ္တုဲ ဂိစုိတ္ေကြံရၟာဲ။ မန္တံဟြံ႐ုဲ ဇေမႝာ္သၞတ္ ေထက္ကုဪသၵးတီလ၀္၀င္အတိက္ဗုီအံင္ေဇယ်မဂစိုတ္လ၀္ဂမွှသင္မန္ဂွ္ကုီ၀င္ဒိ႒ဂတမတ္ ဗုီသၞိင္ဗမာအယုတ္တံ မဓဇန္ႀကံၾကလတူညးဂႝၜဍဳင္ကြာန္လၞဳဟ္၀ြံကုီတုဲ ဗဂိစစုိတ္ညိ။ ပသၠံကုဪစုိတ္ဂမ်ိဂွ္တုဲ မန္တံ တ၀္ေစႝဟ္ကုဪသၞိင္ အယုတ္တံဂွ္ညိ။

ဗႜံက္မန္ ဂႜဳိင္တုိန္ဒၞံင္ စၞဟ္တၝဲ

လၞဳဟ္ဏံ ဗႜံက္ေကာန္မန္ပုဦတံ ဂႜဳိင္တုိန္ဒၞံင္ စၞဟ္ဟ္တၝဲရ။ သြက္ဂကူမန္ပုဦတံ ဒွ္လက္သန္ခုိဟ္မြဲရ။ ေကာန္မန္ညးမတန္တၜဒၞံင္ ဿဍဳင္သအာင္တံ ထ႟းအေစာံစရာဲလိက္ပတ္မန္ပုဦ ဿစက္ဂတာပ္ေခတ္ညိ။ ဇႝတ္ကြတ္စက္မဂတာပ္ေခတ္ဂွ္ ေကာန္မန္ပုဦ ကုဪဂြံဗက္ေခတ္ဂွ္ ဂတာပ္ညိ။ ညံင္ဗႜံက္ဗၞာတံ မပရးပ႐ုိင္ဒဒွ္ဍဳင္ေဍံ အလုံဂႜးတိဂွ္ကုီ မန္ပုဦေလ၀္ ေထက္ကုဪသၵးထၞံက္ထ႟း ပ႐ူဒဒွ္ဂကူပုဦ ကုညးဂႜးတိတံ ဂႜဳိင္င္။ သာ္ဂွ္ေရာင္ ညးဂႜးတိတံ ေသၢာံတီေကတ္ပုဦ။ လၸသၝှအာ အတုိင္ဏံညိ။

သာသနာက်ာ္ဒးကပ္

တႜအ၀ုဪပႝာန္ဗၞာတံ ကႜဟ္ေထာံေကြတ္ဗုဒၶဘာသာတုဲ ပန္ဂစုိတ္ေထာံခမှသင္တံ ဗြဲမဓဇန္သအုဪသအာ္ မသကၠဳညႇာတာရ။ က်ာ္ေစတှ ဘုတ္ ဘာေလ၀္ ေဍံတံ ပေထာံဗဒုိပ္ဇူဒုီေဍံအုိတ္ရ။ ဇၞာပ္ဗတံ ဗြဲအနိင္အထက္ ေဍံတံ တသုိင္လုပ္ဘာ ဗက္ရပ္႓ုင္တက္ ခမှသင္တံအိုတ္ရ။ ေဍံတံ ဟြံကုဪအေခါင္ကုခမှသင္ ေစွ္ပိ႑ပါတ္၊ ဒါယကာတံ ပလံင္ပိ႑ပါတ္ဘာေလ၀္ ေဍံတံ ဟြံကုဪအေခါင္။ ေဍံတံ စုဪဗုိင္လ၀္ဘာေဂတ္ေကႜာံ။ မင္ဒၞံင္ကင္ ကႜဳိဟ္တၝဲဗတံ။ သာသနာက်ာ္ ဿဍဳင္ဗၞာ ဒးဘဲကပ္ဘဲပ႐ုိက္သၞိင္အယုတ္ရ။

The Bloody Sabbath Day

တၝဲသှဆီပၚဍာ္ေဇြာ၀္

သကၠရာဇ္ဍဳင္ ၁၃၆၉၊ ဂိတုဘတ္ေပင္ ၁၅ မံက္၊ တၝဲဗုဒၶ၀ါ ( September, 26, 2007 )။ ဿတၝဲ၀ြံ ဒွ္တၝဲဆီပၚဍာ္ေဇြာ၀္မြဲတၝဲရ။ ခမှသင္ဂမႜဳိင္ ဟုိတ္ႏူဟြံဒးဂႝပ္ကုဪတႜအ၀ုဪပႝာန္မစၞိန္ျပမာန္လ၀္ဍဳင္ ဗြဲမဓဇန္သအုဪသအာ္ေလာန္ဂွ္ရ ညးတံထ႟းတၜဆႏၵ ႓ုိဟ္ဟ္ႀသဳိဟ္ဟ္ရ။ ေကာန္ပႝာန္တႜအ၀ုဪတံဂွ္ ပန္စုတ္ ခမှသင္တံဂွ္ရ။ ခမှမြဲဇကုဂွ္ ဟုိတ္ႏူဒးပြန္ေကာန္ပႝာန္တႜအ၀ုီဂွ္တုဲ ဒးပကာဂစိုတ္အာ ဿတၝဲဂွ္ရ။ တၝဲခမှဏံ မစုတိစၜအာဘ၀ပလုိက္ဂွ္ ဒွ္တၝဲသှဗေပင္ဂိတုဘတ္ရ။ တၝဲသှဟုီမၢးဂွ္ သြက္ေကာန္ဂကူဗုဒၶဘာသာတံ ဒွ္တၝဲပရဲမြဲတၝဲရ။ ဿဍဳင္ဗုဒၶဘာသာတႝဟ္ဟ္တံ ဒွ္တၝဲညးတံ မတိတ္ဘာ ဒၢဳိန္သှ ကလင္ပင္မွိင္ဓ၀္။ ဆဂး ဿဍဳင္ဗမာဏံ

ဒွ္တၝဲဆီမေလင္ေဇြာ၀္ ။

MY NEW BLOG

ဟုဦကေလာမန္တအ္ ယၞဳအဲ ကမ္နိရာဲရဂွ္ ဟြံေသင္ေလ၀္။ ယၞဳဂွ္ ဒွ္ယၞဳကၬဳိပ္ဗလံက္အဲ။ ယၞဳအဲေဇတ္တ္ဂွ္ အဲဟြံလၜထ႟းကုဪရ။ ယၞဳဇကု ပေရံမံင္ေတွ္ ညးတႝဟ္တီစုတ္အာေတွ္ ဂြရဒွ္။ အဲ ဂြစေလပ္မံင္။ အဲေကႜာန္လ၀္ မုက္ဗလံက္ဏံဂွ္ မုမြဲေလ၀္ ဟြံရန္တၞံလ၀္ရ။ ညာတ္ညးတႝဟ္ေကႜာန္ေတွ္ မိက္ဂြံေကႜာန္ကုီ၊ ဆ႓ုိတ္ဂွ္ဓ၀္ရ ကေလာ မန္အုဦ။

ဿဍဳင္ဗမာေတံ ေလံက်ာ္တံ ထ႟းဒၞံင္ဆႏၵေလ၀္။ ရဲပုဦတံ မုပဒၞံင္ေရာ။ အခိင္ေဍံထုဲဓ႐ုဲဒၞံင္ သၵးေကႜာန္ဖန္ဖက္ သြက္ဇကုကုီေလ၀္။ အေဃာေဍံယွဳက္ ပႝဳက္ေကတ္ျဒပ္ေဍံ။ ေလံက်ာ္ဿတြဳဪရးဍဳင္မန္ေတံ မုဟြံမိင္ပရုိင္ပုဟ္။ ေကတ္ဍဳင္မန္ေလ၀္ဂး။ အဲဂွ္ လၸဟုီေလ၀္၊ ေကတ္ဒၞံင္ဍဳင္မန္နကုဪပါင္ဂွ္ တၞာလံရ။ လၞဳဟ္ ဟဂြံဏီ၊ ေဍာင္ေကြံ။ ဟး ဟး ဟး ....... လၸေကတ္စဒုဟ္ညိ၊ ခဍဳတ္ေ၀င္ေဏာင္ၟာဲ။