ၾကကၠဒိန္မည္ ႏူမုက္လိက္ဇၞန္ရတ္

Code ၾကကၠဒိန္မည္ မခ်ဴထ႓းလ၀္ ပႛဲမုက္လိက္ကမ္နိရာဲ မေလာန္ကႜဳင္တုဲေတံဂွ္ ေဍံ ဟြံေကႜာန္ကေလာန္ ဗြဲမခ်ိဳတ္ပႜိဳတ္တုဲရ။ ဟိုတ္ဂွ္ရ Code ၾကကၠဒိန္မည္ ႏူမုက္လိက္(ဇၞန္ရတ္)ဂွ္ သုင္ေစာဲညိ၊ မိက္ဂြံဗတိုက္ဖေအာ၀္ဏာ ကုညးမသုင္ေစာဲဒၞံင္ၾကကၠဒိန္မည္တံရ။

ၾကကၠဒိန္မည္ ႏူမုက္လိက္ကမ္နိရာဲဏံ [ ] ၾကကၠဒိန္၀ြံ ေဗႜတ္ဒၞံင္။

ၾကကၠဒိန္မည္ နူမုက္လိက္ဇၞန္ရတ္ [ ] ၾကကၠဒိန္၀ြံ ဒး၊ ဟိုတ္ဂွ္ရ သုင္ေစာဲၾကကၠဒိန္မည္ ဇၞန္ရတ္ညိ။

ဗီုျပင္ၾကကၠဒိန္ . . .

ေကတ္ Code ေဍံ သၞ၀္ဏံညိ။

<script src="http://jamonrott.googlecode.com/files/monCalendar.js" type="text/javascript"></script>

သီုေမတၱာေဟင္ တင္ဂုန္ ကုဇၞန္ရတ္ ဗြဲမေလာန္။

ၾကကၠဒိန္မည္

ၾကကၠဒိန္မည္ သြက္ဂြံကယ်ိဳင္စုတ္ ပႛဲမုက္လိက္ဗလံက္မည္ဂွ္ မိတ္သဟာဲအဲ မိက္ဂြံေကတ္ကီုဟာ။ သၞိက္ဂြံမၢး Code JavaScript သၞ၀္ဏံ ခ်ဴေစႜာံေကတ္ညိ။ ဒႝဲါမိတ္သဟာဲအဲ ဒးဂႝပ္စိုတ္ဂွ္ အာစုတ္ညိ။ အဲဂွ္ စုတ္လ၀္ ပႛဲSidebarကမ္နိရာဲဏံရ။ ၾကကၠဒိန္မည္ဏံဂွ္ အလဪုဇကုအဲ ေကႜာန္ဗဒွ္လ၀္ ဟြံေသင္။ နဲကဲေဍံဂွ္ အဲ ေကတ္နင္ ႏူဗလံက္ http://kowunnako.blogspot.com ေတံ။ ညးမေကႜာန္ဗဒွ္ၾကကၠဒိန္ဗၞာဂွ္ေလ၀္ ညးေတံ ကဪုအေခါင္ကဪုအဲဂွ္ရ ႏူဘာသာဗၞာဂွ္ အဲ ဆ႓ိုတ္ကႜာဲေစႜာံေထာံဘာသာမည္ညိဓ၀္ရ။

ဗီုျပင္ၾကကၠဒိန္မည္ . . .

ေကတ္ Code ေဍံ သၞ၀္ဏံညိ။

<script src="http://kamnirai.googlecode.com/files/krakkadinmon.js" type="text/javascript"></script>

Code JavaSrcipt လတူဂွ္ မိတ္သဟာဲအဲ ေစႜာံဏာမုက္လိက္ဗလံက္မိတ္သဟာဲ ဒႝဲါ Sidebar ပႛဲ HTML/Javscript ေတံညိ။ တုဲမၢး Save။ ေလာဲေကြံေကြံ၊ အာပံက္ဗဪုစမ္မြဲတဲညိၟာဲ။ ၾကကၠဒိန္မည္ဂွ္ ေဍံေကႜာန္ဒၞံင္ကေလာန္ေဍံရမၢး မိတ္သဟာဲ ထပ္လၜစကဪုရဲမိတ္သဟာဲတႝဟ္သအာင္ပႜန္ညိ။ ေဍံ ဟြံေကႜာန္ကေလာန္မၢး လၜထ႓းစကဪုကမ္နိရာဲဏံပႜန္ညိဂွ္ မိက္ဂြံဆ၀္ပၝဳဟ္ဏာရအၜ။

တၝဲဏံ မုတၝဲေရာ

တၝဲဏံ မုတၝဲေရာ ... သၞိက္ဂြံတီဟာ၊၊ သၞိက္ဂြံကယ်ိဳင္စုတ္ ပႛဲ Sidebar မုက္လိက္ဗလံက္ဇကုဟာ၊၊ အတိုင္နဲ JavaSript Date Object မကႜဳင္ႏူေ၀ပ္သိုက္ w3schools.com အဲ ခ်ဴထ႓းဏာကဪု နဲသေကၤတ Code ေဍံရ၊၊ ေလၞင္တၝဲထပွ္ဂွ္ ခ်တ္စုတ္မအကၡ၀္ဗတ္ဘာသာမန္မၢး ေဍံမံက္ဗတ္မန္ရ၊၊ ရံင္ခ်ိဳတ္တ္ပႜိဳတ္တ္ညိဏး ...

<script type="text/javascript">var d=new Date();var weekday=new Array(7);weekday[0]="တၝဲအဒိုတ္";weekday[1]="တၝဲစန္";weekday[2]="တၝဲအငၝာ";weekday[3]="တၝဲဗုဒၶ၀ါ";weekday[4]="တၝဲၿဗၜဗတိ";weekday[5]="တၝဲသိုက္";weekday[6]="တၝဲသၝိသ၀္";document.write("တၝဲဏံ " + weekday[d.getDay()]);</script>

အတိုင္ Code JavaScript လတူဂွ္ ေစႜာံစုတ္ ပႛဲ Sidebar ဒႝဲါ HTML/Javascript မုက္လိက္ဗလံက္ဇကုေတံညိ၊၊ ဂး ... အာေက်ာ၀္ရံင္မုက္လိက္ဗလံက္ဇကုညိ၊၊ ယၞဳတၝဲ ဗတ္ဘာသာမန္ မံက္ဒၞံင္ ပႛဲမုက္လိက္ဗလံက္ဇကုဂွ္ ဂြံညာတ္ေကတ္၊၊ တၝဲအဒိုတ္မၢး ေဍံ ထမံက္ထ႓းကဪု (တၝဲဏံ တၝဲအဒိုတ္)၊၊ တၝဲစန္မၢး (တၝဲဏံ တၝဲစန္)၊၊ ဇကု ဟြံဒးပေလ၀္၊ လဪုမာဲဇကုေဍံ ေဍံ မံက္တိုန္ေကတ္တ္ရ၊၊ သၢာတၝဲ ၁၂ နာဍှေလာန္အာမၢး တၝဲၿပံင္အာကီုရ၊၊ အဲေလ၀္ စုတ္လ၀္ ပႛဲမုက္လိက္ဗလံက္ကမ္နိရာဲဏံကီုရ၊၊ ဂႜဲါေက်ာ၀္ရံင္စမ္ ...

မၝဳဪရအၜ ကေလာမည္ပုဦ

ဗႜံက္ကမ္နိရာဲ ဟဂြံပန္ေပွာ္ တၞာလအ္ရေလ၀္၊၊ တၝဲဏံ ကေလင္ပံက္ရံင္ဗႜံက္မြဲတဲ၊ မုေလ၀္ဟြံဆဪု၊ ပဲါႏူမကမ္ေႀတံေႀတံေတံတုဲ၊၊ လြဟ္လၜဂွ္ ႏြံမံင္တႝဟ္၊ ကမ္နိရာဲဂွ္ ခ်တ္စုတ္လ၀္ အၾကာဗဒင္တုဲ ဂႜဲါစင္ဟြံဆဪုေလ၀္၊၊ ဂႜဲါစမ္မြဲတဲေလ၀္ဂးတုဲ ခုိဟ္ပိက္၊ အာဆဪုစုတ္ဟဂွ္၊၊ ခါရအာဆဪုဂွ္ ဆဪုအၾကာဗဒင္ဂွ္ဟြံေသင္၊၊ ႏြံဒၞံင္ပႛဲမုက္လိက္ဗႜံက္ကမ္နိရာဲဏံရ၊၊ အ၀္ပး တၞာေလွ္၊ ပလက္ေဇႝာ္ ပလက္ေဍာတ္ တိတ္၊၊ ခါရအိုတ္ေကႝာတ္ဂွ္ မုေရာေသင္... ဟး ဟး ဟး၊၊ လႝဳဟ္ခ်ဴ၊ ဟီုေထာံေသာင္ေသာင္ေတွ္ တုဲရဒွ္၊၊ လႝဳဟ္ခ်ဴေတွ္ ႐ုပ္မႝဳံဒၞံင္ပႛဲဗုင္စက္ေကာမ္ပူေတရ္ေတံ အာဂႜံက္နင္ဗီုညးဂႜံက္ဂတာံတုဲ ကႜဳင္ၿပိဳက္စုတ္ ပႛဲနတိုင္ကမ္နိရာဲဏံ၊၊ ဟြံ၀ါတ္စေကြံေကြံ ကေလာန္ဏံဂွ္၊၊ ႐ုပ္ဂွ္ တႝံတာညံင္ညံင္၊ တႝံသတ္ၿဗၜေကႜင္ညံင္ညံင္၊ တႝံ႐ိုတ္ညံင္ညံင္၊ တႝံျဗာတ္ညံင္ညံင္၊၊ မုညံင္တႝံမုေရာတီေလ၀္...အျခင္ရ ဟြံတီယၞဳေဍံဂွ္ ဟြံဂး၊၊ Fan palm tree, ေအင္ကႜိက္တံဟီုစ၊၊ ဗတ္မည္ဂွ္ ယ၀္သၵးဟီုေတွ္ ... ဟး ဟး၊ ဟြံတီေလ၀္၊၊

ကာလနိယမ

စၞတ္ကာလ အခိင္အခါဂွ္ ကာလနိယမမၢးရ၊၊ နဲစၞတ္ကာလ၀ြံ ဒွ္နဲမည္ပုဦတမႜာ၊၊ ခါရပံက္ဗွ္သႜပတ္မည္ပုဦမၢး မဂြံဆုဪညာတ္မေ၀ါဟာရ မစပ္ကုဪအခိင္ကာလဂွ္တုဲ ေကတ္ဟြံဒး၊ ဟြံတီ၊၊ တႝဟ္နေသၢာံတီမေ၀ါဟာရတံဂွ္တုဲ ခ်ဴထ႓းလ၀္ကုဪ ပႛဲမုက္လိက္ဗလံက္ကမ္နိရာဲဏံရ၊၊ ႏူဟြံတီဂွ္ တီေရာင္ခုိဟ္ ဟြံေသင္ဟာ၊၊

၁	ကႛတ္တဲ	ဒွ္မြဲသၿမိပ္မတ္
၁	သၿမိပ္မတ္	ဒွ္မြဲနရ
၉	နရ	ဒွ္မြဲခဏ
၁၂	ခဏ	ဒွ္မြဲအခ၀္
၁၀	အခ၀္	ဒွ္မြဲျပာန္
၆	ျပာန္	ဒွ္မြဲဗိဇၨနာ၊ (ဗိဇၨနာမၢး၀ြံဂွ္ ဒွ္မြဲသ၀ိင္မႝိဟ္မၢး၊၊)
၁၅	ဗိဇၨနာ	ဒွ္မြဲပါတ္
၄	ပါတ္	ဒွ္မြဲနာဍှ
၆၀	နာဍှ	ဒွ္မြဲဗတံကုဪမြဲတၝဲ
၃၀	တၝဲ	ဒွ္မြဲဂိတု
၁၂	ဂိတု	ဒွ္မြဲသႝာံ

နဲသာ္၀ြံ တႜပညာတံ ဂပ္၀္ဗစာရဏာေကတ္၊၊ ကာလနိယမမစၞတ္ကာလတုဲရ၊၊ နိယမမသုန္သာ္ တုဲဆ၀ြံရ၊၊

အဒၶါနနိယမ

အဲ ဟဂြံခ်ဴထ႓းကုဪပ႐ူနိယမမသုန္သာ္ ဂပ္လံရ၊၊ တၝဲဏံ တမၝအ္ဗတုိက္စုိတ္တုဲ ခ်ဴထ႓းကုဪပ႐ူအဒၶါနနိယမ၊ စၞတ္အဓာန္ဇေမၝာဲ မည္တံဟုီစ၊၊ နဲစၞတ္အဓာန္ဇေမၝာဲတုန္ . . .

၃ ေသာ္ေကၱာ၀္ၿဒာဲ	ဒွ္မြဲမုဟ္ေသာ္
၆ မုဟ္ေသာ္	ဒွ္မြဲဇလိင္ရာဲ
၂ ရာဲ	ဒွ္မြဲလၝၜ
၂ လၝၜ	ဒွ္မြဲယၜ
၄ ယၜ	ဒွ္မြဲလပုဟ္
၂၄ လပုဟ္	ဒွ္မြဲဟတ္ (၂ စု ဒွ္မြဲဟတ္ကုီ၊ ၃ မိဟ္ ဒွ္မြဲဟတ္ကုီ၊၊)
၇ ဟတ္	ဒွ္မြဲမင္လံင္
၂၀ မင္လံင္	ဒွ္မြဲဥႆဘ
၈၀ ဥႆဘ	ဒွ္မြဲဂါ
၄ ဂါ	ဒွ္မြဲေယာဇနာ

မြဲသာ္ပႜန္တုန္... ျပမာႏုမၢးဂွ္ ဒွ္မြဲဗပန္က်ာ ဗပန္တၝဲရ၊၊

၃၆ ျပမာႏု	ဒွ္မြဲအႏု
၃၆ အႏု	ဒွ္မြဲတဇၨနာရှ
၃၆ တဇၨနာရှ	ဒွ္မြဲရထေရႏု (၀ြံ လက္ကႜဳိက္ကုီ မိက္ဂး၊၊)
၃၆ ရထေရႏု	ဒွ္မြဲလိကၡ (မြဲစန႓န္ေကႝဟ္ မိက္ဂး၊၊)
၇ လိကၡ	ဒွ္မြဲ႓ဲ
၇ ႓ဲ	ဒွ္မြဲလပုဟ္
၁၂ လပုဟ္	ဒွ္မြဲစု
၂ စု	ဒွ္မြဲဟတ္
၇ ဟတ္	ဒွ္မြဲမင္လံင္
၂၀ မင္လံင္	ဒွ္မြဲဥႆဘ
၈၀ ဥႆဘ	ဒွ္မြဲဂါ
၄ ဂါ	ဒွ္မြဲေယာဇနာ (ေယာဇနာမၢးဂွ္ ဒွ္ေယက္ရ၊၊)

မြဲသာ္ပႜန္တုန္ ...

၆ ဗတှ	ဒွ္မြဲယၜ ( ၆ ရာဲ ဒွ္မြဲယၜကုီ၊၊ ပၞိက္အၥာသအာင္ - ၁၂ လၝၜ ဒွ္မြဲယၜကုီ၊၊)
၄ ယၜ	ဒွ္မြဲလပုဟ္
၁၅ လပုဟ္	ဒွ္မြဲစေဍာန္
၇ စေဍာန္	ဒွ္မြဲသမႜဳင္မႝိဟ္
၁ သမႜဳင္မႝိဟ္	ဒွ္မြဲတၝ (သမႜဳင္မႝိဟ္ဂွ္ ဒွ္မြဲဖိဟ္၊၊)
၅၀၀ တၝ	ဒွ္မြဲေကာတ္
၄ ေကာတ္	ဒွ္မြဲဂါ
၄ ဂါ	ဒွ္မြဲေယာဇနာ

မြဲသာ္ပႜန္တုန္ ...

၁၉ လပုဟ္	ဒွ္မြဲယၜကုီ
၉ လၝၜတမႜင္ခဲါ	ဒွ္မြဲဇနာတ္
၂ ဇနာတ္	ဒွ္မြဲလအာတ္ (မြဲဟတ္ ၁၅ လပုဟ္ မြဲယၜ ၆ လၝၜ မိက္ဂး၊၊)
၂ လအာတ္	ဒွ္မြဲလလာ္ (၃ ဟတ္ ၆ လပုဟ္ ၃ ယၜ မိက္ဂး၊၊)
၂ လလာ္	ဒွ္မြဲလေလဟ္ ( ၆ ဟတ္ ၁၃ လပုဟ္ ၂ ယၜ မိက္ဂး၊၊)
၂ လေလဟ္	ဒွ္မြဲေလၞဟ္ (၁၃ ဟတ္ကုဪ ၃ လပုဟ္ မိက္ဂး၊၊)
၂ လေမဟ္	ဒွ္မြဲစေရဟ္ ( ၁၆ ဟတ္ကုဪ ၆ လပုဟ္၊၊)
၂ စေရဟ္	ဒွ္မြဲခန္ ( ၇ မင္လံင္ကုဪ ၃ ဟတ္ ၁၂ လပုဟ္ ဒွ္မြဲတမႜင္ခဲါ မိက္ဂး၊၊)
၂ ခန္	ဒွ္မြဲပနိက္ ( ၁၅ မင္လံင္တမႜင္ခဲါ မိက္ဂး၊၊)
၂ ပနိက္	ဒွ္မြဲဗႝင္ ( ၃၀ မင္လံင္တမႜင္ခဲါ မိက္ဂး၊၊)
၁၅ ဗႝင္	ဒွ္မြဲဇုက္ (ဇလိင္ ၁၅ လမႝင္ ၁၅ ဗႝင္ ၁ ဇုက္ မိက္ဂး၊၊)
၃ ဇုက္	ဒွ္မြဲဂါ
၄ ဂါ	ဒွ္မြဲေယာဇနာ

နဲ၀ြံ ဗၥာရဏာေကတ္ရ၊၊ အဒၶါနနိယမ စၞတ္အဓာန္ဇေမၝာဲ တုဲဆ၀ြံရ၊၊

နဲေသၢာံစုတ္မအကၡ၀္သၞ၀္ဗုီ႐ုပ္

ပတၜအလာံ ဂါံအာေထာမ္ေထာမ္၊ ညိဟြံစမုိက္ ပ႐ုိက္သႝေကာမ္၊

နဲမေသၢာံစုတ္မအကၡ၀္သၞ၀္ဗုီ႐ုပ္ဂွ္ သၵးခ်တ္စုတ္ CSS ကုဪ HTML ပႛဲကုဪဗုင္ဗႜံက္ေတံရ၊၊ နဲေဍံဂွ္ ဟြံ၀ါတ္ အၥာဗႜံက္တံဟုီ၊ အဲဟြံေသင္ မဟုီ၊၊ ယ၀္သၞိက္ဂြံတီအၥာဗႜံက္ဂွ္မၢး ပံက္စမ္ရံင္မုက္လိက္ဏံ ၊၊ နဲေဍံဂွ္ ႏြံဒၞံင္ပႛဲမုက္လိက္ဂွ္ရ၊၊ ဆဂး အဲ ေလပ္တုဲေကႜာန္ဟြံေသင္၊ ေရာဟ္ေကႜာန္အာဂွ္ရ နဲကဲႏူကုဪဗႜံက္ေဍံဂွ္ အဲ ကႜာဲေစႜာံဏာ ဘာသာမန္တုဲ အဲ စုတ္ေထာံပႛဲဗႜံက္ကမ္နိရာဲ၊၊ သြက္တႜ၀ါသနာမန္ပုဦ ေသၢာံဗွ္အာ ဗတ္ဘာသာမန္ကုီ၊၊ ပသာ္ဏံဂွ္ ဟြံခုိဟ္ဟာ၊၊ ခုိဟ္တြဳဪရသၵဟ္၊၊

ကႜာႏူဟြံဟုီထ႓းကုဪနဲကဲေဍံဏီဂွ္ ဗုီျပင္ေဍံ ေက်ာ၀္ရံင္စမ္ကႜာ၊၊ ႐ုပ္အလာံ႓ုိပ္ထ၀္ စုတ္လ၀္ဓ႐ုီေဂတ္ေကႜာံ၊၊ သၞ၀္ဓ႐ုီရုပ္အလာံ႓ုိပ္ထ၀္ဂွ္ တက္ခ်ဴမအကၡ၀္ ဗုီဂႝပ္ဇကုမဒးဂႝပ္ဂွ္ရ၊၊ အဲဂွ္ တက္စုတ္လ၀္ သာ္၀ြံ - ပတၜအလာံ ဂါံအာေထာမ္ေထာမ္၊ ညိဟြံစမုိက္ ပ႐ုိက္သႝေကာမ္ - ၊၊ မၝးဂွ္ပႜန္ ထပ္စုတ္ဓ႐ုီေဂတ္ေကႜာံပႜန္၊၊ သာ္လုဪဒွ္ေရာ တႜ၀ါသာနာတံ၊ သၵးစုိတ္ဟာ၊၊ သၵးစုိတ္မၢး ဆက္ဗွ္အာပုိဒ္ဂတေတံညိ၊၊

အတုိင္မဟုီဂးလ၀္လတူေတံဂွ္ရ ဣ၀ြံ CSS ကုဪ HTML =

လဂါံမြဲ = ဂႝန္သေကၤတ CSS သၞ၀္၀ြံ ခ်တ္စုတ္ပႛဲဗုင္ဗႜံက္ ဒႝဲါအခန္<HEAD>ေတံညိ၊၊ နဲခုိဟ္အုိတ္ဂွ္ ဂတသေကၤတ

</head>

သာ္ဏံဂွ္ ခ်တ္စုတ္မၢး ခုိဟ္အုိတ္ရ သြက္ရဲဗႜံက္တံ၊၊

<style type="text/css">
.picture { background-color: #993300;
border: 1px solid #F9F9F9; padding: 3px;
font: 11px/1.4em Uni Mon, Arial, sans-serif; }
.picture img { border: 1px solid #CCCCCC;
vertical-align:middle; margin-bottom: 3px; }
.right { margin: 0.5em 0pt 0.5em 0.8em; float:right; }
.left { margin: 0.5em 0.8em 0.5em 0; float:left; }
</style>

လဂါံ႓ါ = ဂႝန္သေကၤတ HTML သၞ၀္၀ြံ ဒႝဲါမဒးဂႝပ္စုိတ္ဂွ္ ခ်တ္စုတ္ဂြံဖအုိတ္ရ၊၊ ခ်တ္စုတ္ ပႛဲဒႝဲါ Posting ေလ၀္ဂြံ၊ ပႛဲဒႝဲါ Sidebar ေလ၀္ဂြံ၊၊ ဒႝဲါဇကုမဒးစုိတ္ဂွ္ ခ်တ္စုတ္ဂြံဖအုိတ္ မိက္ဂး၊၊

<div class="picture left" style="width:200px;"> <img src="google.gif" width="198" height="170" alt="Google Logo" /> <br />ပတၜအလာံ ဂါံအာေထာမ္ေထာမ္၊ ညိဟြံစမုိက္ ပ႐ုိက္သႝေကာမ္၊ </div>

ပႛဲနဲလဂါံ႓ါ၀ြံ ပုဦစုတ္လ၀္ file google.gif ပညှေဖ်ံလ၀္တႜာ႐ုပ္ဒႝဲါလပၚပဲါ၊ ဗႝတ္ဗ႟တ္႐ုပ္ဂွ္ 198x170 ၊၊ တႜာ႐ုပ္ဂွ္ ယ၀္သၞိက္ဂြံစြံလပၚပုင္မၢး ဒႝဲါ left ဂွ္ သႜာဲစုတ္ right ညိ၊၊
မပၱံကုဪ font name, size, border colors, background, margins, တံဂွ္တံဂွ္ သၞိက္ဂြံသႜာဲ အတုိင္ဂႝပ္စုိတ္ သႜာဲဂြံဖအုိတ္ရ၊ တဲ လၸဒည၊၊ မုဟြံဒွ္သာ္လုဪ၊၊ သေကၤတေဍံ ေဗႜတ္ေတွ္ ေဍံဟြံေကႜာန္ကေလာန္၊ ဆ႓ုိတ္ဏံရ ေတၞင္၊၊

ဘရာနိယမ

ပႛဲမတြံသမိတနိယမ မစၞတ္သႝဴတုဲဂွ္ တြံထ႓းကုဪဘရာနိယမရ၊၊ ဘရာနိယမမၢးဂွ္ စၞတ္လယုိင္ေရာင္၊၊ စၞတ္လယုိင္ (ဘရာနိယမ) ၀ြံ ဟုီဗတ္ေအင္ကလိတ္ Weight Measures ၊၊ နဲမစၞတ္လယိုင္၀ြံ နဲမန္ကုဪနဲေအင္ကလိတ္ ေဍံဟြံတုပ္သၞဟ္ေရင္သၠံရ၊၊ နဲမန္မစၞတ္လယုိင္၀ြံ သၞိက္ဂြံပတီ ကုေကာန္ဂကူမန္တံတုဲ အဲ ခ်ဴထ႓းကုဪရ၊၊ ပႛဲေခတ္ဏံ နဲမန္မစၞတ္လယုိင္မဖွ္သာ္ဂွ္ ညးမြဲေရာ ဟြံပမနသိကာရတုဲ နဲမန္တံဂွ္ ညန္ကုဪဂမၥဳိတ္၊ အုိတ္အာ အၾကာဇြဳိန္လပွ္ေခတ္ရ၊၊ ႓ုိန္ဂွ္ေလ၀္ တၞံကုဪညးမလၝတ္ဘာသာမန္ အေရ၀္မန္စၞတ္မြဲတုဲ နဲတံဂွ္ ခါမပံက္ဗွ္လိက္သႜပတ္မန္မၢး ဂြံဆုဪေကတ္ေဟင္၊၊ တီဂွ္ ခုိဟ္ႏူဟြံတီရ ေသင္ဟာ၊၊

ဘရာနိယမ စၞတ္လယုိင္တုန္ . . .

၃၆ ျပမာႏု	ဒွ္မြဲအဒိႆရ
၂၂ အဒိႆရ	ဒွ္မြဲေမာဟ္ေသာ္
၇ ေမာဟ္ေသာ္	ဒွ္မြဲရာဲ
၃ ရာဲ	ဒွ္မြဲလၝၜ
၄ လၝၜ	ဒွ္မြဲသၝဳ (ဟု)
၄ သၝဳ	ဒွ္မြဲၾကကတ္
၆ ၾကကတ္	ဒွ္မြဲ႓ဲ
၅ ႓ဲ	ဒွ္မြဲမး
၄ မး	ဒွ္မြဲဒေက၀္
၂၅ ဒေက၀္	ဒွ္မြဲနိက္ (မြဲအစိတ္ေလ၀္ဂး)
၄ နိက္	ဒွ္မြဲပသာ
၁၂၀ ပသာ	ဒွ္မြဲဘရာ

မြဲသာ္တုန္ . . .

၄ ေၾသာံ	ဒွ္မြဲၾကကတ္
၂ ၾကကတ္	ဒွ္မြဲ႓ဲ
၅ ႓ဲ	ဒွ္မြဲမး
၈ မး	ဒွ္မြဲဒေက၀္
၅ ဒေက၀္	ဒွ္မြဲသု၀ဏၰ
၅ သု၀ဏၰ	ဒွ္မြဲနိက္

မြဲသာ္တုန္ . . .

၁ ဒေက၀္	ဒွ္မြဲပုဪ
၁၀၀ ပုဪ	ဒွ္မြဲပသာ

ဣ၀ြံ ဘရာနိယမ နဲမစၞတ္လယုိင္တုဲဆ၀ြံရ၊၊

သမိတနိယမ

ပႛဲမသက္သၞိင္သခ်ၤာနိယမတုဲ တြံကုဪသမိတနိယမရ၊၊ သမိတနိယမ၀ြံ ဒွ္နဲေတၞာ္ေႀသာံသၝဳ၊ နဲမသူေႀသာံသၝဳ၊၊ ဟုိတ္ဂွ္ရ နဲမစၞတ္သႝဴဂွ္ သမိတနိယမ တႜပညာမန္ပုဦ မကုဪလ၀္ယၞဳရ၊၊ သႝဴဟုီဂွ္ ျပ၀မသူ အရာမြဲမြဲဂွ္ သႝဴမၢးရ၊၊ ကေလာန္မသူသၝဳ မသူေႀသာံဂွ္ သႝဴသၝဳ သႝဴေႀသာံ မန္တံမဟုီစရ၊၊ ပသာ္ညးမစၞတ္သႝဴမၢးဂွ္ ဗွ္ရံင္ဗြဲသၞ၀္ညိ၊၊

ေႀသာံ ၂၀၀ မ	ဒွ္မြဲဒေကာင္၊ ဒွ္မြဲစမိတ္
၄ စမိတ္	ဒွ္မြဲေေသၠံ
၅ ေသၠံ	ဒွ္မြဲသမိပ္
၂ သမိပ္	ဒွ္မြဲတႜတ္
၂ တႜတ္	ဒွ္မြဲတုံနာလှ
၅ တုံနာလှ	ဒွ္မြဲၿဒဳိန္
၂ ၿဒဳိန္	ဒွ္မြဲပ၀ၚ၊ ဒွ္မြဲေခါတ္
၂ ေခါတ္	ဒွ္မြဲေကႝဟ္

လၞိဟ္မေႀသာံတုန္ ... မြဲစမိပ္ ၂၀၀ မ၊ မြဲေသၠံ ၈၀၀ မ၊ မြဲသမိပ္ ၄၀၀၀ မ၊ မြဲတႜတ္ ၈၀၀၀ မ၊ မြဲတုံနာလှ ၁၆၀၀၀ မ၊ မြဲၿဒဳိန္ ၈၀၀၀၀ မ၊ မြဲပ၀ၚ ၁၆၀၀၀၀ မ၊ မြဲေခါတ္ ၃၂၀၀၀၀ မ၊ မြဲေကႝဟ္ဂွ္ ၆၄၀၀၀၀ မ၊၊ သာ္၀ြံ သၠံဒုဪဇရာံ ပၞ၀္တုိန္အာရ၊၊ သမိတနိယမ စၞတ္သႝဴ တုဲရ၊၊

သခ်ာၤနိယမ၊ မဟာသခ်ာၤ

သုည္ထပွ္မ စပ္ကုဪယၞဳမြဲဂွ္ မဟာသခ်ာၤမၢးရ၊၊ ႏူကုဪေကာတိ မႝဳံသုည္ထပွ္မေတံ ထပ္စုတ္သုည္ထပွ္မပႜန္မၢး ကလိဂြံယၞဳမြဲ ပေကာတိ မၢးရ၊၊ ပေကာတိ၀ြံ ႏြံသုည္စွ္ပန္မေရာင္၊၊ ႏူပေကာတိသုည္စွ္ပန္မ ထပ္စုတ္သုည္ထပွ္မပႜန္မၢး ဒွ္ေကာတိပေကာတိ၊၊ ေကာတိပေကာတိ၀ြံ ႏြံသုည္႓ါေစွာ္မြဲမေရာင္၊၊ နနဲ၀ြံ ထပ္စုတ္သုည္ထပွ္ထပွ္မတုဲ မကလိဂြံယၞဳမြဲမြဲ တုိန္အာဒုဪစုိပ္အသင္ဃဲေတံဂွ္ မဟာသခ်ာၤမၢးေရာင္၊၊
ဣ၀ြံ ဒွ္နဲမထပ္စုတ္လ၀္သုည္ထပွ္မရ၊

ႏူေကာတိ မႝဳံသုည္ထပွ္မေတံ ထပ္စုတ္သုည္မြဲမ ဒွ္ဒသေကာတိ	၁၀၀၀၀၀၀၀ ၀
ႏူဒသေကာတိ ထပ္စုတ္သုည္မြဲမပႜန္ ဒွ္သတေကာတိ	၁၀၀၀၀၀၀၀ ၀၀
ႏူသတေကာတိ ထပ္စုတ္သုည္မြဲမပႜန္ ဒွ္သဟႆေကာတိ	၁၀၀၀၀၀၀၀ ၀၀၀
ႏူသဟႆေကာတိ ထပ္စုတ္သုည္မြဲမပႜန္ ဒွ္ဒသသဟႆေကာတိ	၁၀၀၀၀၀၀၀ ၀၀၀၀
ႏူဒသသဟႆေကာတိ ထပ္စုတ္သုည္မြဲမပႜန္ ဒွ္လကၡဏေကာတိ	၁၀၀၀၀၀၀၀ ၀၀၀၀၀
ႏူဂွ္ ထပ္စုတ္သုည္မြဲမပႜန္ ဒွ္ဒသလကၡဏေကာတိ	၁၀၀၀၀၀၀၀ ၀၀၀၀၀၀
ႏူဂွ္ ထပ္စုတ္သုည္မြဲမပႜန္ ဒွ္ပေကာတိ	၁၀၀၀၀၀၀၀ ၀၀၀၀၀၀၀

ပေကာတိ၀ြံ ႏူကုဪေကာတိ သုည္ထပွ္မေတံ ထပ္စုတ္သုည္တၞိထပွ္မပႜန္တုဲ ေဍံမဂြံယၞဳတၞိမြဲ မိက္ဂး၊၊ ဟုိတ္ဂွ္ရ ပေကာတိမၢး၀ြံ မဟာသခ်ာၤေရာင္၊၊ နဲသာ္၀ြံ ႐ုိဟ္တုိန္အာဒုဪအသင္ဃဲေတံဂွ္ မဟာသခ်ာၤရ၊၊

ႏူမြဲ ဒုဪအသင္ဃဲ သာ္၀ြံ႐ုိဟ္၊

1. ႚက
2. ဒသ
3. သတ
4. သဟႆ
5. ဒသသဟႆ
6. လကၡ
7. ဒသလကၡ
8. ေကာတိ ၊၊ ( သုည္ထပွ္မ )၊၊

1. ဒသေကာတိ
2. သတေကာတိ
3. သဟႆေကာတိ
4. ဒသသဟႆေကာတိ
5. လကၡေကာတိ
6. ဒသလကၡေကာတိ
7. ပေကာတိ ၊၊ ( သုည္စွ္ပန္မ )၊၊

1. ဒသပေကာတိ
2. သတပေကာတိ
3. သဟႆပေကာတိ
4. ဒသသဟႆပေကာတိ
5. လကၡပေကာတိ
6. ဒသလကၡပေကာတိ
7. ေကာတိပေကာတိ ၊၊ ( သုည္ ၂၁ မ )၊၊

1. ဒသေကာတိပေကာတိ
2. သတေကာတိပေကာတိ
3. သဟႆေကာတိပေကာတိ
4. ဒသသဟႆေကာတိပေကာတိ
5. လကၡေကာတိပေကာတိ
6. ဒသလကၡေကာတိပေကာတိ
7. နဟုတၱ ၊၊ ( သုည္ ၂၈ မ )၊၊

1. ဒသနဟုတၱ
2. သတနဟုတၱ
3. သဟႆနဟုတၱ
4. ဒသသဟႆနဟုတၱ
5. လကၡနဟုတၱ
6. ဒသလကၡနဟုတၱ
7. နိဟုတၱ ၊၊ ( သုည္ ၃၅ မ )၊၊

1. ဒသနိဟုတၱ
2. သတနိဟုတၱ
3. သဟႆနိဟုတၱ
4. ဒသသဟႆနိဟုတၱ
5. လကၡနိဟုတၱ
6. ဒသလကၡနိဟုတၱ
7. အေခါဗနှ ၊၊ ( သုည္ ၄၂ မ )၊၊

1. ဒသအေခါဗနှ
2. သတအေခါဗနှ
3. သဟႆအေခါဗနှ
4. ဒသသဟႆအေခါဗနှ
5. လကၡအေခါဗနှ
6. ဒသလကၡအေခါဗနှ
7. ဗိႏၵဳ ၊၊ ( သုည္ ၄၉ မ )၊၊

1. ဒသဗိႏၵဳ
2. သတဗိႏၵဳ
3. သဟႆဗိႏၵဳ
4. ဒသသဟႆဗိႏၵဳ
5. လကၡဗိႏၵဳ
6. ဒသလကၡဗိႏၵဳ
7. အမၺဳဒၶ ၊၊ ( သုည္ ၅၆ မ )၊၊

1. ဒသအမၺဳဒၶ
2. သတအမၺဳဒၶ
3. သဟႆအမၺဳဒၶ
4. ဒသသဟႆအမၺဳဒၶ
5. လကၡအမၺဳဒၶ
6. ဒသလကၡအမၺဳဒၶ
7. နိရမၺဳဒၶ ၊၊ ( သုည္ ၆၃ မ )၊၊

1. ဒသနိရမၺဳဒၶ
2. သတနိရမၺဳဒၶ
3. သဟႆနိရမၺဳဒၶ
4. ဒသသဟႆနိရမၺဳဒၶ
5. လကၡနိရမၺဳဒၶ
6. ဒသလကၡနိရမၺဳဒၶ
7. အဟဟ ၊၊ ( သုည္ ၇၀ မ )၊၊

1. ဒသအဟဟ
2. သတအဟဟ
3. သဟႆအဟဟ
4. ဒသသဟႆအဟဟ
5. လကၡအဟဟ
6. ဒသလကၡအဟဟ
7. အဗဗ ၊၊ ( သုည္ ၇၇ မ )၊၊

1. ဒသအဗဗ
2. သတအဗဗ
3. သဟႆအဗဗ
4. ဒသသဟႆအဗဗ
5. လကၡအဗဗ
6. ဒသလကၡအဗဗ
7. အတတ ၊၊ ( သုည္ ၈၄ မ )၊၊

1. ဒသအတတ
2. သတအတတ
3. သဟႆအတတ
4. ဒသသဟႆအတတ
5. လကၡအတတ
6. ဒသလကၡအတတ
7. ေသာဂႏၶိ ၊၊ ( သုည္ ၉၁ မ )၊၊

1. ဒသေသာဂႏၶိ
2. သတေသာဂႏၶိ
3. သဟႆေသာဂႏၶိ
4. ဒသသဟႆေသာဂႏၶိ
5. လကၡေသာဂႏၶိ
6. ဒသလကၡေသာဂႏၶိ
7. ဥပလ ၊၊ ( သုည္ ၉၈ မ )၊၊

1. ဒသဥပလ
2. သတဥပလ
3. သဟႆဥပလ
4. ဒသသဟႆဥပလ
5. လကၡဥပလ
6. ဒသလကၡဥပလ
7. ကုမုဒ ၊၊ ( သုည္ ၁၀၅ မ )၊၊

1. ဒသကုမုဒ
2. သတကုမုဒ
3. သဟႆကုမုဒ
4. ဒသသဟႆကုမုဒ
5. လကၡကုမုဒ
6. ဒသလကၡကုမုဒ
7. ပု႑ရိက ၊၊ ( သုည္ ၁၁၂ မ )၊၊

1. ဒသပု႑ရိက
2. သတပု႑ရိက
3. သဟႆပု႑ရိက
4. ဒသသဟႆပု႑ရိက
5. လကၡပု႑ရိက
6. ဒသလကၡပု႑ရိက
7. ပဒုမ ၊၊ ( သုည္ ၁၁၉ မ )၊၊

1. ဒသပဒုမ
2. သတပဒုမ
3. သဟႆပဒုမ
4. ဒသသဟႆပဒုမ
5. လကၡပဒုမ
6. ဒသလကၡပဒုမ
7. ကထာန ၊၊ ( သုည္ ၁၂၆ မ )၊၊

1. ဒသကထာန
2. သတကထာန
3. သဟႆကထာန
4. ဒသသဟႆကထာန
5. လကၡကထာန
6. ဒသလကၡကထာန
7. မဟာကထာန ၊၊ ( သုည္ ၁၃၃ မ )၊၊

1. ဒသမဟာကထာန
2. သတမဟာကထာန
3. သဟႆမဟာကထာန
4. ဒသသဟႆမဟာကထာန
5. လကၡမဟာကထာန
6. ဒသလကၡမဟာကထာန
7. အသေဃၤယ် ၊၊ ( သုည္ ၁၄၀ မ )၊၊

ႏူမြဲ ဒုဪအသင္ဃဲ သုည္ႏြံ ၁၄၀ ၊၊ ဂတအသင္ဃဲဂွ္ ထပ္စုတ္သုည္ထပွ္မပႜန္ ဒွ္သုည္ ၁၄၇ သာ္၀ြံ ႐ုိဟ္ဂြံေဟင္၊၊ ႐ုိဟ္မၢးမာ ...
ဒသအသင္ဃဲယ်ံ
သတအသင္ဃဲယ်ံ
သဟႆအသင္ဃဲယ်ံ
ဒသသဟႆအသင္ဃဲယ်ံ
လကၡအသင္ဃဲယ်ံ
ဒသလကၡအသင္ဃဲယ်ံ သာ္၀ြံ ႐ုိဟ္ဂြံေဟင္၊၊ သုည္ထပွ္ စပ္ကုဪယၞဳမြဲ၊၊ ႏူကုိတ္မသၥဳိပ္အသင္ဃဲ၀ြံဂွ္ မဟာသခ်ာၤမၢးရ၊၊

ပၞိက္အစာအပေရ၊ စွ္စွ္မၢးဂွ္ အပၸကသခ်ာၤမၢး၊၊ ကႜံကႜံမၢးဂွ္ မဇၨ်ိမသခ်ာၤမၢး၊၊ လၝီလၝီမၢးဂွ္ မဟာသခ်ာၤမၢး၊၊ (ဒြိဂွ္ တြံ႓ါ ၊ ပဥၥဂွ္ တြံမသုန္ ၊ ၀ိညာဏဂွ္ တြံ၀ိညာဏ္စုိတ္၊၊ မသုန္တန္လ၀္ ပၞ၀္ကုဪ႓ါ ဂြံစွ္၊၊ ဟုိတ္ဂွ္ရ ဒြိပဥၥ၀ိညာဏာနိ မကႜဳင္ပႛဲပါဠိဂွ္ ဒြိပဥၥ၀ိညာဏ္စုိတ္ စွ္ မၢးရ၊၊ နဲသာ္၀ြံ မဟာသခ်ာၤမၢး၊၊

ပၞိက္ပိတကတ္ သခ်ာၤ႓ါကုီ၊ ဂုဏိတသခ်ာၤ မိႆကသခ်ာၤ ဂြံ႓ါရ၊၊ ဂုဏိတသခ်ာၤမၢးဂွ္ သခ်ာၤညးမပၞ၀္ ညံင္ဒြိပဥၥ၀ိညာဏာနိမၢးဂွ္၊၊ ဒြိဂွ္ တြံ႓ါ၊ ပဥၥဂွ္ တြံမသုန္၊ ၀ိညာဏဂွ္ တြံ၀ိညာဏ္စုိတ္၊၊ မသုန္တန္လ၀္ ပၞ၀္ကုဪ႓ါ ဂြံစွ္၊ ဒြိပဥၥ၀ိညာဏာနိ - ဒြိပဥၥ၀ိညာဏ္စုိတ္စွ္ မၢးရ၊၊ နဲသာ္၀ြံ သခ်ာၤမပၞ၀္ဂွ္ ဂုဏိတသခ်ာၤမိဂၢးရ၊၊ မိႆကသခ်ာၤမၢးဂွ္ ညးမႏွၜလ၀္ ညံင္အသှတိဒသႚေကာစဂွ္ရ၊၊ အသှတိဂွ္ ၈၀၊ ဒသဂွ္ ၁၀၊ ႚေကာဂွ္ ၁၊ သုီပိဂွ္ ႏွၜတုဲ ဂြံ ၉၁၊၊ သခ်ာၤမႏွၜသာ္၀ြံ မိႆကသခ်ာၤမိဂၢးရ၊၊

သခ်ာၤနိယမ မစၞတ္သခ်ာၤဂွ္ တုဲဆ၀ြံရ၊၊

သခ်ာၤနိယမ

နိယမမသုန္သာ္ ဗြဲကမႝန္ အဲ ခ်ဴလ၀္ကုဪတုဲရ၊၊ လၞဳဟ္ ဗြဲတရးဂွ္ သၞိက္ဂြံပျပာကတ္ကုဪပႜန္၊၊ သခ်ာၤနိယမ၊ သမိတနိယမ၊ ဘာရာနိယမ၊ အဒၶါနနိယမ၊ ကာလနိယမ ဣ၀ြံ နိယမမသုန္သာ္မၢးရ၊၊ ေပႝာ၀္နိယမမသုန္သာ္တံဂွ္ နိယမမစပ္ကုဪလၞိဟ္မပၱံကုဪမြဲ ႓ါ စုဪကုဪစုိပ္ အသင္ဃဲဂွ္ တႜပညာအၥာသႜပတ္ ေကာ္စ သခ်ာၤနိယမရ၊၊ သခ်ာၤနိယမမၢးဂွ္ တိတ္ဒွ္ပိသာ္တုန္၊၊

• အပၸကသခ်ာၤ၊
• မဇၨ်ိမသခ်ာၤ၊
• မဟာသခ်ာၤ၊ ၀ြံ ပိသာ္ရ၊၊

အပၸကသခ်ာၤမၢးဂွ္ သုည္မြဲ၊၊ မဇၨ်ိမသခ်ာၤမၢးဂွ္ သုည္႓ါ၊၊ မဟာသခ်ာၤမၢးဂွ္ သုည္ထပွ္ မၢးရ၊၊ ပသာ္အဓိပၸဲါေဍံဂွ္ေရာ၊၊
အပၸကသခ်ာၤမၢးဂွ္...

စွ္မၢး၀ြံဂွ္ ေအက္မြဲ သုည္မြဲ၊ ဒသ ယၞဳေဍံ၊၊	၁၀
ကႜံမၢးဂွ္ ႏူေအက္မြဲ သုည္မြဲ မဂြံယၞဳဒသေတံ ထပ္စုတ္သုည္တၞိမြဲ၊ သတံ မဒွ္ယၞဳေဍံ၊၊	၁၀၀
လၝီမၢးဂွ္ ႏူသတံ သုည္႓ါေတံ ထပ္စုတ္သုည္တၞိမြဲ၊ သဟႆံ မဒွ္ယၞဳေဍံ၊၊	၁၀၀၀

ေလၞင္သာ္၀ြံ သုည္တၞိမြဲမြဲ ယၞဳမြဲမြဲ ေျဒပ္တုိန္အာဂွ္ အပၸကသခ်ာၤမၢးရ၊၊

မဇၨ်ိမသခ်ာၤမၢးဂွ္...

ႏူသဟႆ သုည္ပိမေတံ ထပ္စုတ္သုည္မြဲ၊ ဒသသဟႆ မဒွ္ယၞဳေဍံ၊၊	၁၀၀၀၀
ဂတဂွ္ ထပ္စုတ္သုည္မြဲ၊ လကၡံ မၢးယၞဳ၊၊	၁၀၀၀၀၀
လကၡံမၢး၀ြံဂွ္ ႏူသဟႆသုည္ပိမေတံ သုည္႓ါမ ထပ္စုတ္ပႜန္ ဒွ္သုည္မသုန္မရ၊၊ သုည္႓ါဂွ္ စပ္ကုဪယၞဳလကၡံမြဲ၊၊ ဟုိတ္ဂွ္ရ သုည္႓ါ ယၞဳမြဲ မၢးရ၊၊
ႏူလကၡံ သုည္မသုန္ေတံဂွ္တုန္ ထပ္စုတ္သုည္မြဲ၊ ဒသလကၡံ မၢးရ၊၊	၁၀၀၀၀၀၀
ဂတဂွ္ ထပ္စုတ္သုည္မြဲပႜန္၊ ေကာတိ မၢးရ၊၊	၁၀၀၀၀၀၀၀
ေကာတိ၀ြံ ႏူလကၡံ သုည္မသုန္ေတံ သုည္႓ါမ ညးမထပ္စုတ္တၞိဂွ္ရ စပ္ကုဪယၞဳေကာတိမြဲ၊၊ ဟုိတ္ဂွ္ရ သုည္႓ါ ယၞဳမြဲမၢး၊၊

၀ြံ မဇၨ်ိမသခ်ာၤရ၊၊

တိေဇႝာ္ ၂လက္ေယာဇနာ ၄၀လၝီလဟုတ္ပရဲ အခ၀္မကႜဳင္ပႛဲပိဋကတ္ဂွ္ ဒွ္မဇၨ်ိမသခ်ာၤရ၊၊ မြဲမြဲလဟုတ္မၢးဂွ္ ၂လက္ကုဪ၄၀လၝီေယက္ မိဂၢး၊၊ သာ္၀ြံ သခ်ာၤဂွ္ ၂၄၀၀၀၀၊၊ ဗတ္သဟုီအပၸကသခ်ာၤမၢး သခ်ာၤဒေမႜံပကၠတိလၞဳဟ္၀ြံဂွ္ တိေဇႝာ္ ႓ါကုိတ္ပန္လက္ သၵးဂးရ၊၊ ဒႝဲါဂွ္ အပၸကသခ်ာၤ ဟေသင္၊ မဇၨ်ိမသခ်ာၤေရာင္၊၊ ဟုိတ္ဂွ္ တိေဇႝာ္သတုီ႓ါလက္ပန္ေစွာ္လၝီမၢးေရာင္၊၊ သတုီဍာ္ ၄လက္ကုဪ၈၀လၝီေယာဇနာ၊၊ သတုီက်ာ ၉လက္ကုဪ၆၀လၝီေယာဇနာ၊၊ ဂလာန္တံ၀ြံ မဇၨ်ိမသခ်ာၤမၢးရ၊၊

ဆ၀ြံဟေသင္တုန္၊၊ အယုက္ညးစတုမရာတ္ ၉၀လက္သႝာံမႝိဟ္၊ အယုက္ညးတာ၀တိင္ ၃ကုိတ္ ၆၀လက္သႝာံမႝိဟ္၊ အယုက္ညးသြ၀္ယာမာ ၁၄ကုိတ္ ၄၀လက္သႝာံမႝိဟ္၊ အယုက္ညးတုႆိတာ ၅၇ကုိတ္ ၆၀လက္သႝာံမႝိဟ္၊ အယုက္ညးနိမၼာရ၀တှ ၂ကႜံ ၃၀ကုိတ္ ၄၀လက္သႝာံမႝိဟ္၊ အယုက္ညးပရနိမိတၱ၀သ၀တှ ၉၂၁ကုိတ္ ၆၀လက္သႝာံမႝိဟ္၊၊ ဂလာန္တံ၀ြံ မဇၨ်ိမသခ်ာၤေရာင္ဂွ္ တႜပညာတံ ဗစာရဏာေကတ္ရ၊၊

(( မဟာသခ်ာၤမၢးဂွ္ ပသာ္မဒွ္ပႜန္ေရာ၊၊ မင္စၞှဗွ္ညိ၊ အဲ သခ်ဴကုဪပႜန္၊၊ ))

နိယမ ၅ သာ္

အဲဟဂြံခ်ဴပတုိန္ထ႓းကုဪပ႐ူပရာမြဲမြဲသာ္ဂွ္ ဒွ္အာဗႝတ္ဂပ္မလံတုဲရ၊၊ ပႛဲမတုဲကႜဳင္ေတံ ဗ်တၱိဒစိတ္သာ္ အတုိင္မကႜဳင္ႏူကုဪသႜပတ္မန္ဂွ္ အဲ ခ်ဴလ၀္ကုဪတုဲရ၊၊ ဗ်တၱိဒစိတ္သာ္ဂွ္ ဒွ္ဒတုဲဖုဪသြက္ဂကူမန္ပုဦေဟင္၊၊ ေပႝာ၀္ဗ်တၱိဒစိတ္သာ္ဂွ္ လၞဳဟ္ သၞိက္ဂြံပျပာကတ္ ဗ်တၱိစှေဖာ၀္ ကုေကာန္ဂကူတံတုဲ အဲ ခ်ဴပတုိန္ထ႓းကုဪ ပ႐ူနိယမမသုန္သာ္ အတုိင္မကႜဳင္ႏူသႜပတ္မန္ပႜန္ရ၊၊ နိယမမသုန္သာ္၀ြံ ဒွ္နဲေတၞာ္ဂႝန္မန္ေႀတံ၊၊ ယၞဳသႜပတ္ဏံ ေတၞင္မံင္ညိ၊၊ နိယမဟုီဂွ္ တုိင္ပုဦမမိင္ဒၞံင္ဂလာန္မဟုီဂးဒၞံင္ပႛဲေခတ္လၞဳဟ္ဏံရ ဟေသင္၊၊ ဗှဇနိယမ၊ စိတၱနိယမ၊ သဘာ၀နိယမ ဓ၀္နိယမ ဂလာန္မဖွ္သာ္၀ြံ တႜပညာပုဦတံ မဟုီခ်ဴဒၞံင္ဂွ္ ဂြံမိင္ ဂြံဗွ္ေကတ္ကုီရ၊၊ ဆဂး နိယမ အဲသၞိက္ဂြံခ်ဴထ႓းကုဪပႛဲဗႜံက္ကမ္နိရာဲဏံဂွ္ ဗုီဂွ္ဟေသင္၊၊ နိယမ မေကာ္စ နဲေတၞာ္ဂႝန္မန္ေႀတံ မိက္ဂး၊၊ နိယမဂွ္ ႏြံမသုန္သာ္ရ၊၊ ညးေဍံဂွ္ေရာ ...

1. သခ်ာၤနိယမ၊
2. သမိတနိယမ၊
3. ဘာရာနိယမ၊
4. အဒၶါနနိယမ၊
5. ကာလနိယမ၊ ဣ၀ြံ နိယမ မသုန္သာ္ရ၊၊

အဓိပၸဲါနိယမတံဂွ္ ပသာ္မဒွ္အုိတ္ဂွ္ေရာ...

• ဂႝန္မစၞတ္ေကတ္လၞိဟ္ႏူမြဲ မသၥဳိပ္အာ အသင္ဃဲဂွ္ ညးမၢး သခ်ာၤနိယမရ၊၊
• စၞတ္ေကတ္လၞိဟ္မေႀသာံႏူမြဲဒေကာင္ ဒုဪမစုိပ္မေႀသာံမြဲေကႝဟ္၊ ဒုဪမေႀသာံမြဲဇရာံဂွ္ ညးမၢး သမိတနိယမရ၊၊
• စၞတ္သဇုိင္ႏူျပမ ႏူလေပင္႓ဲ မး ဒေက၀္ ဒုဪမစုိပ္ဘရာဂွ္ ညးမၢး ဘာရာနိယမရ၊၊
• စၞတ္အဓာန္ ႏူေသာ္ေကၱာ၀္ၿဒာဲ ေလၞင္င္မင္လံ ဖႝင္ ဇုက္ ဂါံ ဒုဪေယာဇနာဂွ္ ညးမၢး အဒၶါနနိယမရ၊၊
• စၞတ္ႏူကာလ သၿမိပ္မတ္ ျပာန္ ဗိဇၨနာ ပါတ္ နာဍှ ဒုဪမစုိပ္သႝာံဂွ္ ညးမၢး ကာလနိယမရ၊၊ ၀ြံ ေလၞင္အဓိပၸဲါနိယမ ဗြဲကမႝန္ရ၊၊ ဗြဲတရးဂွ္ လၞဳဟ္ အဲ ဟြံခ်ဴကုဪဏီရ၊ အာဂတဏံ အဲ သခ်ဴကုဪပႜန္၊၊ အခင္ရလႝဳဟ္ဒၞံင္ဂွ္ ရဲတံ တီေကတ္ပႛဲစုိတ္တြဳဪရ၊၊

ေလၞင္တ၀ွ္စှဒစိတ္သာ္ တုဲဆ၀ြံရ

ဗ်တၱိဒစိတ္သာ္ (၀ါ) စှဒစိတ္သာ္ အတုိင္မဂြံညာတ္ေကတ္ ႏူသႜပတ္ဗ်တၱိဒစိတ္သာ္ဂွ္ အဲ ခ်ဴပတုိန္ထ႓းဏာကုဪ ဗြဲမဒးရးတုဲရ၊၊ ဗ်တၱိ (၀ါ) စှဒစိတ္သာ္၀ြံ မြဲေလွ္ပႜန္ အဲ ႐ုိဟ္ထ႓းကုဪ ဗြဲခေမႝာန္ရ၊၊ ညးေဍံဂွ္ေရာ...

၁၊၊ စှခႜ
၂၊၊ စှေရင္
၃၊၊ စှကႜး
၄၊၊ စှစုီ
၅၊၊ စှစပ္
၆၊၊ စှေဖာ၀္
၇၊၊ စှေခန္
၈၊၊ စှေစာန္
၉၊၊ စှေပႜပ္
.... ဣ၀ြံ စှဒစိတ္သာ္မၢးေရာင္၊၊

အဓိပၸဲါစှဒစိတ္သာ္ အဲ ထမံက္ထ႓းကုဪမြဲ၀ါပႜန္ရ၊၊
၁၊၊ ဟုိတ္ေဍံမႝဳံကာယတဂၢစုိတ္တႝံ မဒွ္ဗဟူသုတ ဗဟူသဒၵ ဗဟူတိကၡ ဗဟူသိပၸ ေဍံမဍဳိက္ေပင္တၜနဂုန္ပန္သာ္၀ြံဂွ္ စှခႜ အစာမကုဪယၞဳေရာင္၊၊
၂၊၊ ဟုိတ္ေဍံမဂယုိင္လမ်ဳီ ပုိန္ဟာန္ဍိက္ျဒပ္ရတ္ေႀသာံသၝဳဂႜၜေျပင္ မဟဂြံတၜ ပႛဲသေကံတဲသၾတဳစိ စှေရင္ အစာမကုဪယၞဳေရာင္၊၊
၃၊၊ ဟုိတ္ေဍံမႝဳံပညာမဇိပ္ကႜိပ္ မျဂင္တီဥပၸဲါစႝာဲနဲယစုိတ္ညးသုီဖအုိတ္ မဗႜးတိတ္ႏူစၞိန္ျပမာန္သၾတဳစိ စှကႜး အစာမကုဪယၞဳေရာင္၊၊
၄၊၊ ဟုိတ္ေဍံမေလပ္ေကင္ကာမေလာန္ မဒွ္အေရွာဲဗဗုဪမတ္ညး မႝဳံဂလာန္မဍဳက္မၵဟ္ေပၱဟ္ျဇဟာန္ညးစိ စှစုီ အစာမကုဪယၞဳေရာင္၊၊
၅၊၊ ဟုိတ္ေဍံမႝဳံညာန္မေလပ္ဒေဒွ္ဒယွ္ ကုညးမညန္မေငၝာဲ မေလပ္ဒိပ္ဒဲါကုဪျဇဟာန္သၞိန္ ကုညးအုိတ္သုီစိ စှစပ္ အစာမကုဪယၞဳေရာင္၊၊
၆၊၊ ဟုိတ္ေဍံမေလပ္ခ်ပ္ဂႝန္ ပႛဲေတၞာ္အေတာ္အဆမျပဟ္ေျပဟ္ မတုဲခ၀္လ၀္ဂႜိင္ေငၝာဲ မေလပ္တန္ပၞ၀္ဟုဲဇုိတ္ မေလပ္ဗစာရဏာေကတ္ဟုိတ္ဖုဪစိ စှေဖာ၀္ အစာမကုဪယၞဳေရာင္၊၊
၇၊၊ ဟုိတ္ေဍံမႝဳံညာန္မဂႜဳိင္ လြှရိယမေလပ္ဇေနာ္ပၞ၀္ ဂယုိင္လမ်ဳီပႛဲလုိက္စိ စှေခန္ အစာမကုဪယၞဳေရာင္၊၊
၈၊၊ ဟုိတ္ေဍံမဂၛိဂၛာတ္မပတုိန္က်ာ္ႀသှလအာ မဖ်ဳိက္စကၡဳ၀ိညာန္အုိတ္သုီစိ စှေစာန္ အစာမကုဪယၞဳေရာင္၊၊
၉၊၊ ဟုိတ္ေဍံမႝဳံညာန္မေလပ္ဗၵဟ္ဥပၸဲါလွန္ေလွံသုီဖအုိတ္စိ စှေပႜပ္ အစာမကုဪယၞဳေရာင္၊၊ ဣ၀ြံ အဓိပၸဲါစှဒစိတ္သာ္ ဗြဲခေမႝာန္ တုဲဆ၀ြံရ၊၊

ဗ်တၱိဒစိတ္သာ္ ႏြံတၜ ပႛဲခႏၶသႏၳာန္ပူဂုဪဂွ္မၢး ပူဂုဪဂွ္ ဒွ္တႜပညာရ၊၊ ပူဂုဪမႝဳံဗ်တၱိ၀ြံ မၢးတႜပညာရ၊၊ တႜပညာမၢးဂွ္ ဒွ္ပိသာ္တုန္...
၁၊၊ စုဠပ႑ိတ
၂၊၊ မဇၨ်ိမပ႑ိတ
၃၊၊ မဟာပ႑ိတ၊၊

ႀယၜပူဂုဪမြဲ ဂုန္ပႛဲလုိက္ ပႛဲပလုိက္ကုီလ၀္ ဒုဟ္ပႛဲလုိက္ ပႛဲပလုိက္ကုီလ၀္ မတီဒတုဲျမေမာ၀္၊၊ ပ၀မေလြင္ဒွ္ဂုန္ဒုဟ္ပႛဲလုိက္မကတုဪဒွ္ကုဇကုဂွ္ ဟြံတီ၊၊ ပူဂုဪသာ္၀ြံဂွ္ စုဠပ႑ိတမၢးေရာင္၊၊

ႀယၜပူဂုဪမြဲ ဒုဟ္ပႛဲလုိက္ေလ၀္တီ၊ ဂုန္ဒုဟ္ပႛဲပလုိက္ေလ၀္တီ၊ ဒတုဲျမေမာ၀္ပႛဲလုိက္ေလ၀္ ဂႜဲါငၝှ၊ ဒတုဲျမေမာ၀္ပႛဲပလုိက္ေလ၀္ ရာဒနာမိက္၊၊ ဂွ္ပူဂုဪဂွ္ မဇၨ်ိမပ႑ိတမၢးေရာင္၊၊

ႀယၜပူဂုဪမြဲ ဒုဟ္ပႛဲလုိက္ကုီ ပႛဲပလုိက္ကုီ ဂယုိင္လမ်ဳီပႛဲလုိက္ႏြံတၜဒၞံင္ပႛဲေဒါ၀္သံင္သာ သမၼာဇှ၀၊ ပႛဲပလုိက္ေလ၀္ ရာဒနာမိက္တၜကုဪမဂ္ဖုဪ၊၊ ပူဂုဪမဖွ္သာ္၀ြံ မဟာပ႑ိတမၢးေရာင္၊၊

ေလၞင္လက္သန္ဗ်တၱိဒစိတ္သာ္ မကတုဪဒွ္ပႛဲခႏၶပုဦသတ္ဂမႜဳိင္ ညးမႝဳံပညာ တီေကတ္ ဗြဲသြာေဟင္၊၊ ညးမေအာန္ကုပညာ သၞိက္ကုဪတီညိ ဣငၝဳဟ္လ၀္စုိတ္တုဲ မၵးလၞိင္လ၀္တႜပညာတံဂမႜဳိင္ေရာင္၊၊ သႜပတ္ဗ်တၱိဒစိတ္သာ္ တုဲဆ၀ြံရ၊၊

(သကၠရာဇ္ ၁၁၇၆ ၊ ဂိတုဘတ္ ပိမၞံက္၊ တၝဲသုိက္ ပယာံဗႜးဇၞိက္ႀကံင္ ေကႝဟ္တုဲရ၊၊)

ကၞိန္ဍဳင္သဓုီ လုီအာ ဟုိတ္ႏူဓ၀္စှေပႜပ္ အန၀္ရထာ

စှေပႜပ္၀ြံ သၵးေဖက္ဂၞံက္အုိတ္ရ၊၊ ဓ၀္စှေပႜပ္၀ြံမြဲ သၨဳိင္ညးျဂင္တီသန္၊၊ ပ၀မပလုီ ႀတှဇွ္အႏုဘၜရင္သၠံကုီလ၀္၊ ပ၀မပလုီ ဒတုဲျမေမာ၀္ရင္သၠံကုီလ၀္၊ ပ၀မေသၠတ္လမ်ဳီရင္သၠံကုီလ၀္၊ ပ၀မေသၠတ္ဇႝးကုဪရင္သၠံကုီလ၀္၊ ဓ၀္မေလပ္စှကႜးႏြံ မဂြံဗႜးႏူစှေပႜပ္ေရာင္၊၊ ႏူဓ၀္မစှကႜးဟမြဲ ဟြံၾသဟ္ပၱၜလ၀္ဓ၀္သတိမၢး ဒွ္ဒဒုိက္ဗြဲမဂႜဳိင္ရ အၥာသႜပတ္ဗ်တၱိဒစိတ္သာ္ မဟုီဂးလ၀္၊၊ ဟုိတ္ႏူဓ၀္မစှကႜးဟြံမြဲ ဟြံၾသဟ္ပၱၜလ၀္ဓ၀္သတိဂွ္ရ ညးတႝဟ္မစှေပႜပ္ကႜဳင္တုဲ မၵးအာစုိပ္လေလင္ဂွ္ အဲ ခ်ဴဏာ ပ႐ူရာဇာ၀င္မန္ပုဦတမႜာ အတုိင္သႜပတ္ဗ်တၱိဒစိတ္ မဟုီဂးလ၀္ဂွ္ရ၊၊

ပႛဲကၞိန္ဍဳင္သဓုီ သၞိင္မႏုဟ၀္ မပတႜဖံထေဍာင္ကႝိ ပတႜသရာဲ႓ါေကာကုဪေဒံ လအိတ္ႀတှဇွ္ဂလုီေကႜံသၞိင္ကႜံမြဲကႛဳိင္ဗတာင္ မမင္မြဲသတၱံဂမႜဳိင္ရ၊၊ ကၞိန္ဍဳင္သဓုီ ညံင္ကၞိန္ဍဳင္သြ၀္တာ၀တိင္ကုီ၊ ဟုိတ္ႀတှဇွ္မေလာန္ သၞိင္ဗကာံ သၞိက္ပလုီ၊၊ သၞိက္ဗကာံ ဟုိတ္မေလပ္စှေပႜပ္ မေဒပ္စႝာဲဥပၸဲါမဂႜဳိင္ ပလံင္နင္ကြာဲၿဗၜနဂၤလာဂးယၞဳ ပလံင္နင္ကုဪ၊၊

မႏုဟ၀္တုန္ သၞိင္ဗကာံ၀ြံ ဒဒွ္မဒွ္သၾတဳအဓာန္ေလ၀္တီတၜ၊ ဟုိတ္မဟြံေလပ္စှကႜး ဟြံၾသဟ္ပၱၜလ၀္ဓ၀္သတိ ဂြံပတုိန္ပဂႝက်ာ္၊၊ ဂႝက်ာ္ ယာံႏြံပႛဲဇကုတုဲ ညံင္ေၿပံမသုင္သုရာကုီ၊ ညံင္ထုိင္မဗ႟ဴပႛဲရွ္ပကၜကုီ၊ ရာဂႝက်ာ္နဂၤလာမဟုီ မဟဂြံဒစးေကႜံ၊၊ ဒွ္သာ္၀ြံတုဲ သာ္၀ြံ ေဍံဟုီကုဪသၞိင္ရ၊ သၞိင္မဂြံပတႜႀတှဇွ္ဒယွ္သာ္၀ြံ မူဟုိတ္ေရာ၊၊ ဟုိတ္ႏြံပိစြံနာင္၊ ဟုိတ္ဖံထေဍာင္ကႝိ ဟုိတ္သရာဲ႓ါ ဟုိတ္သၞိင္မအဲမင္မြဲသှ၊ ဟုိတ္၀ြံေရာင္ ႀတှဇွ္အဲ ညးဟြံတုပ္မြဲေရာင္၊၊ ဒဒွ္မသၞိင္မမင္မြဲသှ မဟြံကြာ္ပႛဲ၀ဟ္ဂွ္ ေဍံတီတုဲ ေဍံသၢးရ၊၊ လၞဳဟ္ ေဒံတႜအဲ ေကာ္နင္သင္တံဂွ္ ႏြံတၜကုီ၊ တၝဲရစုိတ္ညးေတၞင္တၞဟ္ ညးေသၢာံလ၀္မသၞိင္တုဲ ညးခုိင္အာရဟာ၊ မသၞိင္၀ြံ သၞိင္ေကာ္ပဆုိက္လ၀္ မတန္ပေရာင္၊၊ မိင္တုဲ သၞိင္ေစွ္အာ ကုဪအာေကာ္မသၞိင္ရ၊၊ ဟုိတ္ဒဒွ္ပႛဲ၀ဟ္ မသၞိင္ဟြံကႜဳင္၊၊ ယာံမသၞိင္ဟြံကႜဳင္ ညံင္သၞိင္ဂြံပႝတ္ဂွ္ ေဍံဟုီတုဲ ပႛဲဂွ္ သၞိင္ပႝတ္တုဲ စကာသရာဲ႓ါ၊၊ သရာဲ႓ါ သာ္၀ြံခ်ပ္၊ ဆသၞိင္စကာပုဦ ဟြံဒွ္ဂယုိင္လမ်ဳီမြဲေလွ္ရ ဂးတုဲ ကႝိပ္မသၞိင္ဂွ္ တတ္ဏာရ၊၊

ယာံေဍံညာတ္ကႝိပ္မသၞိင္တုဲ ညံင္သၞိင္ဂြံပႝတ္ကုဪသရာဲ႓ါဂွ္ ေဍံဟုီတုဲ သရာဲ႓ါ ပြမဖႛဳိန္ေကႜံႀတှဇွ္သၞိင္ေရာင္ ေဍံဂးတုဲ သၞိင္ပႝတ္ကုဪသရာဲ႓ါ၊ ကုဪမင္လ၀္သရာဲ႓ါရ၊၊ သာ္၀ြံ ေဍံဂးကုဪသၞိင္ရ၊ မသၞိင္ေလ၀္ဟြံမြဲ၊ သရာဲ႓ါေလ၀္ လုီစုိတ္တုဲရ၊၊ ဆဖံမြဲကုီႏြံ၊ ဖံ၀ြံ ေဍံသြတ္ကႛင္သန္၊ ေဍံဟမာန္သၾတဳ၊၊ ဗတ္ရေဍံေဇႝာ္ညိ ေဍံခုိဟ္ေရာင္၊၊ သၞိင္မိင္တုဲ ကုဪဇေနာ္ေကႜံဖံရ၊၊ အမာတ္ဒၜဗညာတံ ဒုတ္ေဒါတၜေဍံရ၊၊ တီညးမေစာဒနာဗက္ ေဍံေကာ္ဍိက္သၠံေဍံတုဲ ဍဳိက္ဂႜဳင္ ဒၜတုိန္အာရ၊၊ ညးတီ ေဍံမဒၜအာတုဲ ညးကုဪအာဗက္၊ ဂြံနင္ စုိပ္ေသႝဟ္ဍဳင္တုဲ တွ္ေဍံ႓ါလၸာ္ဂွ္ ညးေရက္ေထာံေကႜံရ၊ ဂႝက်ာ္နဂၤလာ ဒးပကာဂစုိတ္ရ၊၊ ထာန္ဂွ္ နင္ေရက္တွ္ ညးမဟုီတၜရ၊၊

သၞိင္ဗကာံ ဟုိတ္မၾသဟ္ပၱၜလ၀္ဓ၀္သတိ မေလပ္စှေပႜပ္မပလုီႀတှဇွ္သၞိင္သဓုီဒုဪမလုီေဟင္၊၊ သရာဲ႓ါတုန္ အဲ သၨက္ဒုင္ဂစုိတ္ ပႛဲဥမင္ႏြံဟာ၊ အဲ သၵၜအာဍဳင္ဗၞာရ ဂးတုဲ ျပာပ္ေဍာတ္ ဒၜတုိန္အာ ဍဳင္ဗကာံရ၊၊ သၞိင္ဗကာံ ဂြံျပာပ္ေဍာတ္တုဲ ဇက္ကႜဳင္ပပႝာန္ကုဪသၞိင္သဓုီရ၊၊ သၞိင္သဓုီေလ၀္ ညာတ္ပႝာန္သၞိင္ဗကာံမစုိပ္ ပၱဳိန္ျပာပ္ေဇႝာ္ဗႜးႏူဥမင္ရ၊၊ သရာဲ႓ါေကာကုဪေဒံ ဟြံသေလွ္ရင္သၠံတုဲ လတူတိ လတူက်ာ ေကတ္ဇမႝးဟြံဂြံတုဲ ေကာ္သၞာန္ရင္သၠံရ၊၊ ဒဒွ္မဒွ္ေကာကုဪေဒံ တီတုဲ ေထာံဂဒံင္သႝာ္ ဗန္ကံယာံကုဪရင္သၠံရ၊၊ တီသရာဲ႓ါမဒွ္ေကာကုဪေဒံတုဲ သၞိင္ဗကာံ ဇက္တုိန္အာရ၊၊

သၞိင္ဗကာံ ဟုိတ္ဓ၀္ေလာဘမေလာန္ သၞိက္လႝိန္ဗပိန္ညး သၞိက္တသုိင္ပုိန္ဟာန္ညးတုဲ ၾသဟ္ပၱၜဒၞံင္ဥပၸဲါစႝာဲလၞဳိန္၊၊ ပသာ္ သရာဲ႓ါ၀ြံ ေသၢာံလုီေရာ ဂးတုဲ ဟုိတ္ျပာပ္ေဇႝာ္ မႏြံပႛဲဍဳင္သဓုီတုဲ ဍဳင္သဓုီ မဟြံေလာပ္ေသၠံတဲပုဦေရာင္ ဂးတုဲ ခ်ပ္ေလသဥပၸဲါယတုဲ ေျပင္လိက္ခႝံကုဪေစွ္ပႜံေပႜာပ္ဍဳင္သဓုီရ၊၊ ပႛဲကာလဂွ္ ပၞင္တရင္တံ ညာတ္၊ ဗၞာ လဖ၀္ေထာံေကႜံဖံရၜလိက္ဂွ္တုဲ ေျဒပ္ဒၜအာရ၊၊ ေဍံတံ လပွ္ဂြံလိက္တုဲ ထ႓းကုဪသၞိင္သဓုီရ၊၊ သၞိင္ ပံက္ဗွ္လိက္ဂွ္ရ၊၊ သာ္၀ြံ ႏြံပႛဲလိက္၊ သၞိင္ျပာပ္ေဇႝာ္မကုဪပုဦေစွ္လၞဳဟ္၀ြံမၢးဂွ္ ပုဦေစွ္ဟမာန္ဏီ၊၊ အစှအေရင္ေဇြာံမ ဟလွဲလးဏီ၊၊ ပႛဲယးသႝာံဂတ ပုဦသေစွ္ရ၊၊ ပႛဲပုဦမသေစွ္၀ြံ မူေဒသ သၠဳဪေဖ်ံဒပ္ေရာ၊၊ ရာဒႝဲါစုိတ္သၞိင္ျပာပ္ မသၠဳဪဒၞံင္ ပုဦသၵးမံင္ရ၊၊ သၞိင္ျပာပ္တုန္ ညံင္ကတၱိက မပလ၀္ကုဪပုဦဂွ္ သၞိင္ျပာပ္ လၸဂတးညိ၊၊ အဲ ေသၢာံဍဳင္သဓုီတုဲ ညံင္ဂႝပ္စုိတ္သၞိင္ျပာပ္ဂွ္ အဲ သဇုိန္ကုဪအုိတ္ရ၊၊ လိက္တ၀ွ္သာ္၀ြံ သၞိင္သဓုီမိင္တုဲ ပႝတ္ဇေမႝာ္ ကၱဳဪဒွ္ရ၊၊ ေကတ္ဇကုသၞိင္ျပာပ္ေတံ ဟဂြံစၞှစၞတ္ဗုိန္တုဲ ဟုိတ္ပုဦမမင္လ၀္သၞိင္ေတံ သၞိင္ေတံ လုီစုိတ္ကုဪပုဦတုဲ ဒက္ကတၱိကကုဪညးေရာင္ တန္ဒွ္ရ ဂးတုဲ ကုဪေကာ္သၞိင္ျပာပ္၊၊ သၞိင္ျပာပ္တုန္ ဟုိတ္လဟုီဇကု မုတ္ဇကု ဟမြဲစၞတ္ သာ္၀ြံသၢးရ၊၊ မုတ္ပ၀အဲေလ၀္ ဟမြဲ၊ အဲ မၵးခ်ဳိတ္၀ြံ သကၠဳသၞိဟ္ေရာင္၊၊ ဟုိတ္ႏူလႝီသတ္ဂမႜဳိင္ သၞိက္ကၱဳဪဒွ္တုဲ အမွဳတံ၀ြံ မကၱဳဪဒွ္ကုဪအဲေရာင္၊ အဲခ်ဳိတ္တုဲ ကႛဳိပ္အဲ လ၀္ေဒါ၀္ဍဳင္၊ ဇုိင္အဲ လ၀္တရင္ပန္ဒုိဟ္၊ လ၀္သာ္၀ြံတုဲ သၾတဳၿဒဳိဟ္ဟြံမာန္ရ၊၊ ဟြံလ၀္သာ္၀ြံရသၵဟ္ ဍဳင္သဓုီ သၵဟ္လႝီညးဂမႜဳိင္ရ ဂးတုဲ ဗာတ္ဇခါတ္ အာဂစုိတ္ေကႜံရ၊၊

ညံင္ဂကန္သၞိင္ျပာပ္ဂွ္ ညးစှေရင္လ၀္ရ၊၊ ဒဒွ္သၞိင္ျပာပ္ဟြံမြဲ သၞိက္ဗကာံ တီေကတ္သက္သၞိဟ္တုဲ ဇက္ေစွ္ကႜဳင္ဗတုိက္ဍဳင္သဓုီရ၊၊ ဗတုိက္ဟြံမာန္ ေပက္တိတ္အာ ဂႜဳိင္င္ကုဪ၀ါဂွ္ဒွ္တုဲ သၞိင္ျပာပ္ေဍာတ္ ဗၥာရဏာရ၊ ဟုိတ္သႏြံရ ဂးတုဲ ေပႜံလုပ္အာဍဳင္ ဂႜဲါဒမံင္ဗာဲဇကုရ၊၊ ဂြံဗာဲဇကုတုဲ သၞာန္ဗာဲဇကုရ၊၊ မူဒႝဲါ မလ၀္ဇုတ္ေကာအဲ၀ြံေရာ၊၊ ဗာဲပညဳင္ကုဪ၊ တီဒမံင္ဇုတ္ေကာဇကုတုဲ ဂြံဇုတ္ဂွ္ စုတ္ပၱိတ္ကုဪထုိင္ယာတ္ရ၊၊ စမာဲပၱိတ္နင္တုဲ ဗတုိက္ဍဳင္သဓုီရ၊၊ ဟုပ္ဒြါန္တုိန္ ဍဳင္ေပက္အာ၊၊ ႏူဂွ္ ဍဳင္သဓုီလုီအာရ၊ ဒကုတ္အာရာဇာ၀င္ရ၊၊ ဂမွှဗမႝးသေမၝဟ္ေသထှတံ ဗႜးတုိန္အာဍဳင္ဗကာံအုိတ္ရ၊၊

ေလၞင္ဒဒွ္လႝီဍဳင္သဓုီသာ္ဂွ္ မဂြံတီေကတ္တုဲ ဓ၀္မေလပ္စှေပႜပ္ မၾသဟ္ပၱၜလ၀္ဓ၀္သတိ ဥပၸဲါစႝာဲ တသုိင္ေကတ္ပုိန္ဟာန္ ယႆပတ္ညး တၞာစှေပႜပ္ဟြံမြဲရ၊၊ ႚကရာတ္ကုဪႚကရာတ္ မပလုီရင္သၠံ၊ ေဟာရာကုဪေဟာရာ၊ ညးဗႝိက္ကုဪညးဗႝိက္၊ တႜကြတ္ကုဪတႜကြတ္ မပလုီရင္သၠံ၊ ဓ၀္မေလပ္စှေပႜပ္၀ြံ ညံင္ဂ်ိၿဇဳံကုီ၊ ဓ၀္မစှကႜး ညံင္အစာလၞာဲကုီ၊ အစာလၞာဲမဆုိက္ဗၵက္ ပႛဲဂဥဳဲမန္ယန္ မဗက္ေဖ်ံဂ်ိမာန္ေရာင္၊၊ ဟြံဆုိက္ဗၵက္ အာစုိပ္ဂစုိတ္ေဟင္၊၊ ဟုိတ္ဒွ္ဣငၝဳဟ္ရ စှေပႜပ္ ညးမၢးေရာင္၊၊

ဗ်တၱိစှေပႜပ္

ပႛဲစှဒစိတ္သာ္ တုိင္လဟုီသႜပတ္ဗ်တၱိဒစိတ္မဟုီလ၀္ဂွ္ ဗ်တၱိစှေပႜပ္၀ြံ ဇိပ္ဂႜိပ္ေလာန္ကႛင္၊ ညးမႝဳံညာန္ပညာမေအာန္တံ သၨဳိင္ေသၢာံတီေကတ္မာန္၊၊ စှေပႜပ္မၢးဂွ္ ပသာ္မဒွ္ေရာ၊၊ ဟုိတ္ေဍံမႝဳံညာန္မေလပ္ဗၵဟ္ဥပၸဲါလွန္ေလွံသုီဖအုိတ္ဂွ္ စှေပႜပ္ အၥာသႜပတ္ဗ်တၱိ မကုဪယၞဳေရာင္၊၊ မန္ပုဦ ဟုိတ္ႏူဗမာတံ စှေပႜပ္တုဲ မၵးေထာံေကႜံကၞိန္ဍဳင္တုဲရ၊၊ ပႛဲအခိင္လၞဳဟ္၀ြံေလ၀္ ဗမာတံ စှေပႜပ္ဒၞံင္ဏီ၊၊ စှေရင္ဒးေရာင္ ေသၢာံပဲါဗေလတ္ ဘဲအႏၱရာဲသႝတံမာန္၊၊ သႝတံ စှေပႜပ္တုဲ ဇကု စှေရင္ဟြံဒး ယ၀္သၵဟ္ လေလင္ဇေမႝာ္ သၵးကၱဳဪဒွ္ကုဇကုေရာင္ဂွ္ အၥာသႜပတ္ဗ်တၱိဒစိတ္ မဟုီဗကန္လ၀္ ဂႜဳိင္င္ကုဪ၀ါရ၊၊

စှေပႜပ္၀ြံ မႝဳံဥပမာသာ္လုဪေရာ၊ ညံင္ရၜဗတာဲကုီရ၊၊ သဘၜဗတာဲမၢးဂွ္ ေပႝာ၀္သတ္ဇုိင္ပန္ဂမႜဳိင္ မပဒတၜပႛဲၿဂဳိပ္ေဇႝာ္ဂွ္ မေလပ္ေဒပ္ဂလာန္ တၞာဗတာဲ ဟြံမြဲရ၊၊ ယာံညးသၵးေပၱဟ္ဂလာန္ေဍံမၢး ညးဂွ္ သၵဟ္လေမာင္သန္၊၊ သတ္ဇုိင္ပန္အေၿပာံ လ၀္ကုဪဒွ္ရ၊ ဒုဪသၞိင္ဇာဒိသုိင္ကုီ ႓ုိန္မဒွ္ဇမႝးနာဲသတ္ဇုိင္ပန္ဂမႜဳိင္ကုီ ေပၱဟ္ဂလာန္ေဍံတုဲ မၵးေလင္ကုီ၊၊ ပသာ္မဒွ္ေလင္ဂွ္ေရာ၊၊

ပႛဲကာလအတိက္ေတံ ပႛဲစ႓ုဲမုဟ္ၿဂဳိပ္မြဲ ဗတာဲမြဲ ဂေငၝင္ကႜဳင္ ဂႜဲါငၝှစ ပႛဲထာန္ဂွ္ တႝံဗှမြဲတႝံ ႏြံေဒါ၀္ဒၿမဳီတႝံတာ၊၊ သတ္ဗှဂွ္ ကႜဳင္စုိပ္ပရိပါကေဍံတုဲ တလဟ္ႏူကႝာင္ ဒတုံဒးထာင္တာဇမၠဟ္၊၊ ဂၿမိင္ထာင္တာဂွ္ ေဍံမိင္၊ ေဍံလကုိတ္တုဲ သုီကုဪဗေဟက္ဇေမႝာ္ ေျဒပ္ဒၜအာရ၊၊ ပႛဲမေျဒပ္ဒၜအာဂွ္ ဒတုံေစွ္ ပႛဲကမႜဳိင္ဒၞိဟ္ တုိန္ဟြံမာန္၊၊

ညာတ္ေဍံမဒတုံေစွ္ပႛဲကမႜဳိင္ဒၞိဟ္တုဲ သတ္ဇုိင္ပန္ဂမႜဳိင္ ကႜဳင္သၞာန္ေဍံရ၊ မူမႝးမဒွ္ေရာ၊ ေဍံတံညးဂမႜဳိင္သၞာန္ရ၊၊ ညာတ္ညးကႜဳင္သၞာန္တုဲ သာ္၀ြံ ဗတာဲသၢးရ၊ ယြံမႝးတံ အကာသခ်ှတၜ မႝးတံ ဟြံညာတ္ဟာ၊ လၞဳဟ္ အကာသ ေသၵာံေစွ္ကႜဳင္ရဟာ၊ ေဍံေသၵာံေစွ္မၢး ပုဦညးဂမႜဳိင္ သၵးပကာဂစုိတ္အုိတ္၊ ဟုိတ္ဂွ္ အဲေဖက္ဂစုိတ္တုဲ အဲေစွ္ေအာပ္ဒၞံင္ ဂတာကမႜဳိင္ေရာင္၊၊ မိင္ဗတာဲဟုီတုဲ သတ္ဂမႜဳိင္ တုိန္ငၝှရံင္မြဲအကာသရ၊၊ ညာတ္မတ္ၿဗဲခ်ှ ညံင္အကၠရမေသၵာံေစွ္ကႜဳင္ကုဪညးဂမႜဳိင္ ဗေဟက္ကၱဳဪဒွ္၊ လလၜလမ်ဳီ ဂးတုဲ ဆင္ေစွ္အာကမႜဳိင္ဂွ္ရ၊၊ နနဲသာ္၀ြံ အဲကႜဳင္ဆင္ေစွ္ ညးကႜဳင္ဆင္ေစွ္ကမႜဳိင္၊ ကမႜဳိင္ဂွ္ေပင္အုိတ္အာတုဲ ေျဒပ္ဂႜဲါငၝှကမႜဳိင္ဒၞိဟ္ အလုံၿဂဳိပ္ဂွ္ ထဥတမၛ၀္တၜရ၊၊ ကႜံင္မံင္တၜရ၊၊

ပႛဲမကၿမၜတၜဂွ္ သၞိင္ဇာဒိသုိင္ မိင္တုဲဒၞံင္ဟြံမာန္၊ ဂါံတိတ္ႏူဂုိဟ္တၞံထ၀္ ညာတ္သတ္ဂမႜဳိင္ရ၊၊ ယြံမႝးတံ မူဟုိတ္မႝးတံမလ႐ု ဂအ၀္တၜ၀ြံေရာ၊၊ ယြံတႜအဲ အကာသ၀ြံ ေသၵာံေစွ္ကႜဳင္ရ၊ ပုဦသၨက္ဒၞံင္ဟြံမြဲတုဲ မေျဒပ္ဂႜဲါငၝှကမႜဳိင္ကၞာတုဲ ပုဦညးဂမႜဳိင္ ထဥတမၛ၀္ေရာင္ သတ္ဂမႜဳိင္ဂး၊၊ ညးဂွ္ မဟုီကႜာေရာ သၞိင္ဇာဒိသုိင္ ဂးတုဲ ဂႜဲါစၞတ္ရ၊၊ ခါမသၞာန္ဂႜဲါအာ ဒွ္ဂလာန္ဗတာဲတႝံညးဂး၊၊ သၞိင္ဇာဒိသုိင္ တီေကတ္တုဲ ကုဪအာေကာ္ဗတာဲရ၊၊ ေဗွ္ တန္ပဒဒုိက္စုိတ္ကုဪျပ၀ါအဲဟာ ဂးတုဲ ကုဪစန္လ၀္ဇုိင္တဲဗတာဲရ၊၊

ဗတာဲတုန္ေလ၀္ ညံင္ဒဒွ္ဇကုမလကုိတ္ဒတုံေစွ္ကမႜဳိင္တုဲ တႝဟ္နသၞိက္တုိန္ႏူကမႜဳိင္ဂွ္ မေပႜာပ္စုိတ္ညးတုဲ ညးမဆင္ေစွ္၊ ေဍံမဂြံတုိန္လတူညးတုဲ မဂြံတုိန္ႏူကမႜဳိင္ေရာင္၊၊ ဂလာန္ယုတၱိႏြံတၜသာ္၀ြံ ဟြံဟုီ၊ သာ္၀ြံ ဗတာဲသၢးကုဪဇာဒိသုိင္ရ၊၊ အဲ ညာတ္သၾတဳတႜအဲမကႜဳင္စုိပ္ အဲဍိက္ တႝဟ္နသၸဂုန္ကုဪတႜအဲေရာင္၊၊ ယြံတႜအဲသၞိင္ဇာဒိသုိင္ ႐ုပ္ညးသအာင္မြဲ ညံင္အေယာင္အလာတႜအဲရ တႝဟ္နေဍံသၞိက္ဂြံဂုိဟ္တၞံထ၀္တႜအဲ ေဍံမသၞိက္ဂြံစၞိန္ျပမာန္ ပႛဲၿဂဳိပ္၀ြံေဟင္ ေဍံဂးတုဲ ေဍံဂေငၝင္ကႜဳင္စုိပ္ ဒမံင္ေဒသမဖွ္သာ္ဂွ္ အဲ ညာတ္တုဲ အဲသၞိက္ပၱီတႜအဲတုဲ အဲမေျဒပ္ကႜဳင္သုီျဒဟတ္၊၊ ပႛဲဂွ္ အဲ ဒတုံေစွ္ပႛဲကမႜဳိင္ေရာင္အၜ၊၊ ညာတ္အဲ မဒတုံေစွ္ပႛဲကမႜဳိင္ဂွ္ ေဍံတံ ဆင္ေစွ္ကႜဳင္ကမႜဳိင္ကၞာကုီေရာင္အၜ၊ ဗတာဲ ဂး၊၊

သၞိင္ဇာဒိသုိင္ကုီေလ၀္ ဇကုမြဲမဒွ္နာဲသတ္ဇုိင္ပန္ဂမႜဳိင္ ပႛဲၿဂဳိပ္ဂွ္ ဟုိတ္မဒွ္သတ္ဇမႝး မိင္သၾတဳညးမၢး ပႛဲခဏဂွ္ ကေတာ၀္႓ါဒုိဟ္ ဒေက၀္တုိန္ ညံင္ညးမစူပႝာ္ပသဲဇေမၠက္ကုီ ေဒါသကၱဳဪဒွ္တုဲ ရၜ၀ြံသၢးရ၊၊ မူဒႝဲါထာန္ သၾတဳအဲမတၜေရာ၊ ေဗွ္အာထ႓းကုဪအဲျပဟ္၊ ေဗွ္ထ႓းဟြံဒး ဇကုေဗွ္ခ်ဳိတ္ရ ဂးတုဲ သွ္ဗလးေကႜံဗတာဲတုဲ ကုဪအာထ႓းရ၊၊

ဗတာဲတုန္ ဗႜးႏူဒြက္တုဲ ေဍံျပာပ္အာဇေရင္ကမႜဳိင္မြဲမႝဳံကုဍာ္လမ်ဳင္မသၨဳိဟ္ေလာန္ဂွ္တုဲ၊ ပႛဲကမႜဳိင္၀ြံ ေဍံေစွ္အာ၊ သာ္၀ြံ ဗတာဲထ႓းကုဪသၞိင္ဇာဒိသုိင္ရ၊၊ ပႛဲကမႜဳိင္၀ြံ သၾတဳတႜအဲႏြံရ ေဍံဂးတုဲ သၞိင္ဇာဒိသုိင္တုန္ေလ၀္ သုီဓ၀္ေဒါသမေလာန္ ေပါဟ္ဗတ လြိင္ပတုိန္လတူစႝိန္စးဒုဪကုဪကတက္တုဲ ယုဪပတုိန္ဒရံင္ လပံက္ေကႜံဂတုိပ္႓ါဒုိဟ္ နရမွ်ာင္မတုပ္တၜရၜဂဂုဪဂတးမပန္ေကႜံ ျဒင္တၞံသတုီေယာဇနာကုီ ဂမ္အတ္ဒၞံင္တုဲေလာပ္စမှဍာ္ကမႜဳိင္ရ၊၊ ခါမညာတ္႐ုပ္ပႛဲကမႜဳိင္ ႐ုပ္ပုင္သမူဇကုဂွ္ ညံင္အလကၤာရ သၾတဳဇကုကုီ ဂစာန္ျဒဟ္ရ၊၊ ညာတ္႐ုပ္ပုင္သမူဇကုပႛဲဍာ္ ညံင္အကၠရမဂစာန္ျဒဟ္ကုီ ညာတ္တုဲ ေဒါသကႛင္အာ၊၊ ဇႝတ္မဂစာန္ျဒဟ္ဂႜဳိင္တၜ ၾသင္ကမႜဳိင္ လာ္ေစွ္၊ ဇာဒိသုိင္ ဒတုံေစွ္ ဒးပကာဂစုိတ္ေဟင္၊၊

သတ္ဇုိင္ပန္အေၿပာံ လ၀္ကုဪရ၊ သၞိင္ဇာဒိသုိင္ ႓ုိန္ဒွ္နာဲသတ္ဇုိင္ပန္ဂမႜဳိင္ကုီေလ၀္ ေပၱဟ္ဂလာန္ဗတာဲ ဒးပကာဂစုိတ္ေဟင္ မိဂၢး၊၊ ဣ၀ြံ သတ္ဇုိင္ပန္မေလပ္ေဒပ္စႝာဲညံင္ဗတာဲကုီ မၢးေရာင္၊၊ ညံင္သာ္ဂွ္ကုီရ ႀယၜပူဂုဪမြဲ မေလပ္ေဒပ္ဂလာန္မစှေပႜပ္၊ ပူဂုဪဒွ္သမႜဳီအ႐ုိင္တံ ဟြံတီတုဲ ညံင္လဟုီပူဂုဪစႝာဲဂွ္ ဒးေဒၢတ္ဗက္အာတုဲ အာစုိပ္လေလင္ေဟင္ မိဂၢး၊၊

ပုံအဂုီဗတာဲ မေဒပ္ဂလာန္မစှေပႜပ္၊ သၞိင္ဇာဒိသုိင္ ေပၱဟ္ဒးေဒၢတ္ဗက္အာတုဲ မၵးအာစိုပ္လေလင္ တုဲဆ၀ြံရ၊၊ ဂတ၀ြံတုန္ အဲ သခ်ဴပတုိန္ထ႓းကုဪ ပုံအဂုီတႝဟ္ပႜန္ရ၊၊ ကႜဳင္ပံက္ဗွ္ပႜန္ညိ ကမ္နိရာဲ ဆ၀္ပၝဳဟ္ဏာရ၊၊

ဗ်တၱိစှေစာန္

စှေစာန္မၢးဂွ္ ဟုိတ္ေဍံမဂၛိဂၛာတ္မပတုိန္က်ာ္ႀသှလအာ မဖ်ဳိက္စကၡဳ၀ိညာန္အုိႆုီစိ စှေစာန္ အၥာသႜပတ္ဗ်တၱိဒစိတ္ မကုဪလ၀္ယၞဳေဍံရ၊၊ စှေစာန္၀ြံ မုပမာမြဲမတုပ္ဂွ္ေရာ၊၊ ညံင္ဂႜးအကာသကုီ၊ ညံင္ေဍာင္ပၠၜပႛဲလစဆဒၵန္ကုီ၊၊ သဘၜဂႜးအကာသမၢးဂွ္ ပႛဲကာလသန္ဇွ်ာပိ အရံင္ပိသာ္ေဟင္ ကၱဳဪဒွ္ရ၊၊ ညးမၢးကာလသန္ဇွ်ာပိဂွ္ေရာ၊ (၁) ကာလသန္ဇွ်ာဂယး၊ (၂) ကာလသန္ဇွ်ာသၞ၀္တၝဲ၊ (၃) ကာလသန္ဇွ်ာသၢာတၝဲ၊ ဣ၀ြံ ကာလသန္ဇွ်ာပိရ၊၊

ပႛဲကာလသန္ဇွ်ာဂယး အရွဳိန္ပန္သာ္မတြံဂးသာ္ၾသန္ သာ္ထ၀္ သာ္သႜဳဲ သာ္သႜာ္၊ ၀ြံေလၞင္ေလၞင္မစှေစာန္လ၀္ မဗစှကႏွ မခႜင္ဗ႟င္ဒၞံင္၊ ဒွ္ဗဗုဪမတ္ဇန္ဂမႜဳိင္ေဟင္၊၊ ပႛဲကာလသန္ဇွ်ာသၞ၀္တၝဲ မတ္သႝကၱဳဪဗၵဟ္ဂႜံအနာ၀တတ္ နအရံင္သာ္တႝဟ္ဟ္ သာ္သႜဳဲ သာ္သႜာ္ သာ္ၾသန္ သာ္ထ၀္ သာ္ဍဳီေျဗ၀္ မစှေစာန္ဂႜံအကာသ၊ သဂပ္၀္ဗုဪေဒၝါ၀္ ဖ်ဳိက္တၜမတ္မွာဇန္တံဂမႜဳိင္ကုီ၊၊ ကာလသန္ဇွ်ာသၢာတၝဲ ပႛဲကာလအကာသမခႜင္ဗ႟င္တၜ နလ်းသၞန္သႝံင္ မဂၛိဂၛာတ္႐ုပ္ကႜံဒစာံ မတ႟န္ေတ႟ာဲတၜ ေကုာံသၞန္သႝံင္နက္သတ္ဂမႜဳိင္ မတ၀ှဗ၀ုိင္ဒၞံင္သၞိင္ဂိတုတႜလြှမာန္ကၞဳစက္ မႝိက္အေကာပ္ၾသန္ ဇြက္စိင္ဗတာင္အရံင္ထာင္သြာ မရာင္ဆာဲတၜ ပႛဲဂႜံအကာသ ရၜမဖ်ဳိက္တၜဂေဍာင္မတ္သတ္တံဂမႜဳိင္ကုီ၊၊

ညံင္ေဍာင္ပၠၜပႛဲလစဆဒၵန္မၢးဂွ္ ပသာ္ေရာ၊၊ လစဆဒၵန္တုန္ ၿဂဳိပ္ဒကွ္မသုန္ အရံင္ေဍာင္ပၠၜမသုန္သာ္၊ ၿဂဳိပ္ဥပုဪပိ အရံင္ေဍာင္ပၠၜပိသာ္၊ ၿဂဳိပ္ပၠၜ႓ါသာ္ ေဍာင္ပၠၜ႓ါသာ္၊ ကၱဳဪဗၵဟ္တုဲ တ၀ှဗ၀ုိင္တၜေဟင္၊၊ မညန္ကုဪၾသင္ကၞာဂွ္တုန္ ၿဂဳိပ္လစံင္ ၿဂဳိပ္လေသင္ ၿဂဳိပ္လဒုံေဒြင္သၠံက္ တ၀ှဗ၀ုိင္အာတၜရ၊၊ ပႛဲၾသင္လစတုန္ ပၠၜေၾသာပ္ေမလံင္ မႜဳဪစိန္ မႜဳဪကြ စတၱမူ ခ်ဳီ အတ္တရှ ဗြဲေလၞင္င္ၿဂဳိပ္ ေဍံတ၀ှဗ၀ုိင္တၜလစဆဒၵန္ရ၊၊ ၿဂဳိပ္ပၠၜေကွ္ အဂႝာင္ ဇုက္ဂႝဳ ဗ၀း ေလၞင္င္ၿဂဳိပ္ ေဍံတ၀ှဗ၀ုိင္တိတ္အာရ၊၊

ဣသိမပတႜဇွ်ာန္တံ ပႛဲကာလသရဒပိဂိတုဂွ္ ကလာင္အာၿဂဳိပ္ေဟမ၀န္ လတူအကာသ တန္ဒၞံင္တုဲ ဗုဪတၜၿဂဳိပ္ဒကွ္သြာရ၊၊ အစှေရင္ေဍာင္ပၠၜမတႝဟ္ဟ္သာ္ စၜေဖ်ာန္ထ႓းကုဪလုိက္တံဂမႜဳိင္တုဲ ညးမႝဳံညာန္မေလပ္စှေစာန္တံ အရံင္ဂဥဳဲဗတာင္ပိသာ္ ဗေကတ္ပိသာ္ အရံင္သာ္ထ၀္ပိသာ္ ခႝံတုဲ ဍာ္ဂဥဳဲတံဂွ္ ခ်ဴပတိတ္စုတ္လ၀္ ပၠၜႀသၜပုံဇ၀္တ၀္သႜတုဲ ႐ုပ္ရၜမဂႜဳိင္ကုဪသာ္ ဂၛိဂၛာတ္လ၀္နကုဪမုဟ္အခ၀္၊ နကုဪ႐ုပ္ဒစိတ္သာ္ မႝဳံအရံင္တႝဟ္ဟ္သာ္ ပ၀မဂၛိဂၛာတ္ကုီလ၀္၊ နထာင္ပၠၜမႝဳံသာ္တႝဟ္ဟ္ ပ၀မတပ္ဗၢပ္ဂၛိဂၛာတ္ကုီလ၀္၊ နေတာ၀္သုတ္မႝဳံအရံင္သာ္တႝဟ္ဟ္ ပ၀မသဍိင္ဂဒံင္ကုီလ၀္၊ ပူဂုဪမေလပ္ခႝံေျပင္ဖ်ှ မၾသဟ္ပၱၜလ၀္ဓ၀္သတိ မေလပ္ဂၛိဂၛာတ္ပတိုန္အေယာအငၝင္ ဗဒုင္ဗဗုဪစကၡဳ၀ိညာန္ ညးဂမႜဳိင္ညာတ္တုဲ ဂပ္ေဂါ၀္လွိင္စုိတ္ပူမွ္၊ ဂပ္ေဂါ၀္သၵဳင္ဗဇၜညး၊ ဂပ္ေဂါ၀္သၵဳင္အထုိင္အသးညး သႛဳိက္မႜဳိက္ညး၊၊ ပူဂုဪသာ္၀ြံ ညံင္မပၠင္ရင္လ၀္ ဂဥဳဲဒိပ္ရာသှဂြဳိင္ကုီ ရာထာန္မဂတအာ မဂြံဒုင္ဗဇၜညးေဟင္၊၊ ပူဂုဪမႝဳံညာန္မဖွ္သာ္၀ြံ စှေစာန္ အစာသႜပတ္မၢးေရာင္၊၊

စှေခန္ေဟန္ဆာဲ ဂႜဲါဗြ၀္ပုိန္ျဒပ္ညိ

အဆက္ေဍံ ႏူကုဪဗ်တၱိစှေခန္ဂွ္ရ၊၊ ေလၞင္ပုံအဂုီမစပ္ကုဪဗ်တၱိစှေခန္ဂွ္ ေသွ္ဒၞံင္မြဲဏီတုဲ အဲ ထပ္ခ်ဴထ႓းကုဪပႜန္ရ၊၊ မေ၀ါဟာမန္ (စှေခန္)ဏံ မြဲေလွ္ဟြံေကင္မိင္၊ (စှ)ဂွ္ တီရ၊ (ေခန္)ဂွ္ရေလ၀္ မိက္ဂြံေၾကပ္ဒၞံင္ညိ၊၊ (စှေခန္) ႓ါမ ပံင္ပေကႜံမြဲဂလာန္၊ အုဪေလ၀္... ညးဟုီ(စှေခန္)ေတွ္ အဲေလ၀္ ဟုီ(စှေခန္)ကုီရ၊၊ အတုိင္သႜပတ္ဗ်တၱိဒစိတ္ မဟုီလ၀္ ယ၀္သၵးပျပာကတ္ကုဪမၢး ပ၀မေကႜာန္ပေကာံပေက၀္ ေဟန္ဆာဲ ဂႜဲါသၝှ ဗြ၀္ပုိန္ဟာန္၊ ဗြ၀္ပုိန္ဟာန္မပေကာံပေက၀္လ၀္တံဂွ္ ပ၀မေဇႝာ္ပၞ၀္ဂလုိင္ပတုိန္၊ ဣဂွ္ မန္တံဟုီစ (စှေခန္)ရ၊၊ ပ၀မတီနဲကဲၿမၜသာ္၀ြံဂွ္ အၥာသႜပတ္ ခုတ္လ၀္ယၞဳ (ဗ်တၱိစှေခန္)၊၊ ပူဂုဪမဂြံပတႜဗ်တၱိစှေခန္၀ြံေလ၀္ ညးေကာ္စတႜပညာမြဲကုီ၊ တႜပညာဗ်တၱိစှေခန္ မိက္သၢး၊၊

ဣ၀ြံေလ၀္ ႏြံဂလာန္မြဲ မစပ္ကုဪစှေခန္ပႜန္တုန္၊၊ ပႛဲကာလအတိက္ေတံ သၞတ္ၿဗၜမြဲ တႜသၝိေဍံ ဂႜဲါသၝှဗႝိက္အရင္ဍဳိက္က႟င္ရ၊၊ လုကၜပိသႝာံပိအခါ အာဒၞံင္တုဲ ဒးကာလမုသုံ အႀကဳိက္တႜသၝိေဍံ စုိပ္ႏူက႟င္ရ၊၊ စုိပ္တုဲ ခါမညာတ္ သၞာန္သၞဳက္စၞှစၞတ္မြဲ တမ္ပရဲဟုတ္အာ၊၊ သၞတ္ၿဗၜဂွ္ ဟြံမိပ္စုိတ္၊ ေဍံဗ်ိပႜဳတ္တၜတႜသၝိေဍံရ၊၊ ပသာ္ႀတဳံေရာ၊ မအန္ကုဪညာန္ပညာေရာ၊ လုကၜပိသႝာံ မအာဗႝိက္က႟င္ တမ္ပရဲဟြံဂြံ၊၊ အဲမဒွ္ၿဗၜ၀ြံ ဗႝတ္ဂသာပ္ဒကုတ္သၝဳကုီ သၸတမ္တုဲ ဗႝတ္လုကၜပိသႝာံ တေလ၀္တနင္တုဲ စိင္ျဒင္မြဲ အဲေသၢာံရာန္၊၊ သာ္၀ြံ ေဍံႀကဳီတၜကုဪတႜသၝိေဍံရ၊၊ တႜသၝိေဍံ မိင္ေဍံမဟုီဂႜဳိင္၀ါ၊ ဂသာပ္ဒကုတ္သၝဳဂွ္ ကုဪကုေဍံတုဲ ကုဪေဍံတေလ၀္တနင္သြံရာန္ရ၊၊ သၞတ္ၿဗၜဂွ္တုန္ ကသပ္ဂႝန္စလှစလးမစုိန္သၠဳီတၜ တႝဟ္နေသၠတ္ဇႝးကုဪႀတဳံတႜသၝိေဍံတုဲ မွတ္ပလြှ ဗြဲမေလာန္ရ၊၊ ဗႝတ္မစှေခန္ေဟန္ဆာဲ မၾသဟ္ပၱၜလ၀္ဓ၀္သတိတုဲ ဟဂြံဟုိတ္မာဲ ဇၞာပ္ကာလ မေဇႝာ္ပၞ၀္၀ှပရာတၜဂွ္ စုိပ္ပိသႝာံတုဲ ငၝဳဟ္စိင္ျဒင္မြဲ ရာန္နင္တုဲ ထ႓းကုဪတႜသၝိေဍံရ၊၊ ဟုိတ္မႝဳံညာန္မစှေခန္ မၾသဟ္ပၱၜလ၀္ဓ၀္သတိ မစှေခန္ ဒုဪမဂြံဇႝးကုဪႀတဳံတႜသၝိေဍံေဟင္၊၊ ဣ၀ြံေလ၀္ ဓ၀္မေလပ္စှေခန္ရမိဂၢး၊၊

ကုညးမသကၠဳညာန္မစှေခန္တံဂွ္ ပေတွ္ကံကုသုဪသက္က္တုဲ ဗြ၀္ပုိန္ဟာန္ျဒပ္ရတ္တံဂွ္ ေဍံကၱဳဪဒွ္ကႜဳင္ ဟြံေသင္၊၊ ညးမႝဳံကုဪညာန္မစှေခန္ မၾသဟ္ပၱၜလ၀္ဓ၀္သတိတံဂွ္ စၞဟ္မဂႜဲါငၝှပုိန္ဟာန္ျဒပ္ရတ္ မေသၢာံဒွ္ ဒတုဲစုိတ္ေဟင္၊၊ ဟုိတ္ႏူညာန္မစှေခန္ဟြံမြဲတုဲ ဗႝတ္ပိသႝာံ ႓ုိန္ပလြှေလ၀္ (ဗုီပုံအဂုီလတူဂွ္) ဂြံပရဲ လၸဟုီဏီ၊ တမ္အရင္ဂွ္ သၵးဟုံေလင္အာရ၊၊ မန္တံေလ၀္ ဂႜဲါဗြ၀္ပုိန္ျဒပ္မၢး ကုဪဂြံပတႜညာန္မစှေခန္ညိ၊၊ ဟြံမြဲဂွ္ ညံင္ေသၢာံႏြံ ဂးတုဲ မန္တံ တိတ္အာေကႜာန္စ ဍဳင္သအာင္တိဍာ္႓ှျခာ အၾကာဒဒုိက္ပ႐ုိက္နာနာ၊၊ ဗြ၀္ပုိန္ျဒပ္ဗႝတ္ညိည မဂႜဲါေပၠာံပေက၀္လ၀္ သုီလေမာင္မေဇႝာ္ျဇဟတ္ဂွ္ လၸကုဪေဆာံေလင္အာအုိတ္ညိ၊၊ လၸကုဪဒွ္ဗုီဂလာန္မန္မဟုီစ ... ေကႜာန္ဗုီၾကဳက္၊ ပႝဳက္ဗုီဂလာ၊ ေပႜင္ဗုီမန္ဗၞာ ... ညိဂွ္ အဲ မိက္ဂြံတန္ေဒါံေကႜံဆ၀ြံကႜာရ၊၊

ဗ်တၱိစှေခန္

ပႛဲမသက္သၞိင္တ၀ွ္ဗ်တၱိစှစပ္တုဲ အဲ ခ်ဴပတုိန္ထ႓းကုဪ ေလၞင္ပ႐ူဗ်တၱိစှေခန္ရ၊၊ ဗ်တၱိစှေခန္မၢးဂွ္ ပသာ္ေရာ၊၊ ညံင္စၞျဒဳန္ကုီရ၊၊ သဘၜစၞျဒဳန္မၢးဂွ္ တိမႝဳံဗႝတ္တၞာေကႝာန္သၝဳကုီ ဇႝတ္ေဍံမဒယုိန္နင္ မကႜဳင္ဗ၀္လ၀္ဂွ္ ဒုဪကုဪမဒွ္အာ တၞာတုံနေဟင္၊၊ ညံင္သာ္ဂွ္ကုီရ ႀယၜပူဂုဪမြဲ ႀသဟ္ပၱၜလ၀္ ဓ၀္သတိမေလၞာ၀္ဗ်တၱိတုဲ ပ၀မေထာံေကႜံဓ၀္ပမာဒ၊ ပ၀မဟဂြံေထာံေကႜံဓ၀္သတိတုဲ မမွတ္ပလြှ ပႛဲဂယုိင္လမ်ဳီ မဟဂြံ၀ုိတ္ကာလ၊ ပ၀မတီဗႝတ္ ပႛဲ၀ပ္စပ္စဟာပ္၊ ပ၀မတီဗႝတ္ ပႛဲဂ႐ုိင္ပေ၀င္၊ ပ၀မတီဗႝတ္ ပႛဲဂညိဂညာတ္၊ ပ၀မေလပ္သီသန္ၿမိျမန္၊ ပ၀မဂုိင္လ၀္လပွ္ေဒပ္၊ ပ၀မဆ၀္လ၀္ေကာန္စၜဍိက္သၠံတ၀ှ၀ါရ၊၊ ပူဂုဪမဖွ္သာ္၀ြံဂွ္ မဗဒုိက္ဇကုလၞဳိန္၊ မေထာံေကႜံဓ၀္ပမာဒ၊ ဟြံလႝဳဟ္ဒကုဲ မမွတ္ပလြှပရာ ဂယုိင္လမ်ဳီ ညံင္ဍာ္ပႛဲႏုင္ ပေက၀္တုဲမဒွ္ကၞဟ္လၞာႏုင္ကုီ၊ ပူဂုဪမႝဳံဂုန္သာ္၀ြံ အစာသႜပတ္ဗ်တၱိဒစိတ္သာ္ ညာတ္တုဲ စှေခန္ မကုဪလ၀္ယၞဳေရာင္၊၊

စပ္ကုဪဗ်တၱိစှေခန္၀ြံတုဲ လၜထ႓းကုဪပုံအဂုီမြဲရ၊၊ ပႛဲအတိက္ေတံ ႚကရာတ္မြဲပသၞိင္ မင္မြဲသတ္တံဂမႜဳိင္ ဗဗြဲဓ၀္ေဟင္၊၊ ႏြံကာလမြဲတၝဲ ပႛဲဗႝိပ္ကႛဳိပ္နက္သတ္ ေကုာံမံင္မဂႝက်ာ္ အမာတ္ဒၜဗညာ ေသာနာပတိဂမႜဳိင္ တြှဗြဳိင္ေကတ္တုဲ သၞိင္တိတ္ေ၀င္ဥဒ်ာန္ရ၊၊ တိတ္စုိပ္ဥဒ်ာန္တုဲ ဗႜဳိပ္ဟုံလွာဲ႓းဂၛိဂၛာတ္ၿဗံက္ျဗ ေ၀င္ၿဂဳိင္တၜရ၊၊ ပႛဲမဒ႐ုီစဟာပ္ေ၀င္ၿဂဳိင္တၜဂွ္ ညာတ္ေကတ္တုဲ ကုဗုဪလဗးဂမႜဳိင္ စဟာပ္အမာဲစႝအုိတ္သုီဂွ္ ရၜ၀ြံ ဂႝက်ာ္ေဇႝာ္သၢးရ၊၊ ယြံမႝးတံညးဂမႜဳိင္ ပုင္၀ြံမြဲ မဒွ္အဟာမၿပဲေရာင္၊ ပုင္၀ြံ မူႏူေဍံမကၱဳဪဒွ္ေရာ၊၊ ညးဂမႜဳိင္မိင္တုဲရၜ၀ြံသၢးရ၊၊ ညးလၝဳဪဂး ပုင္၀ြံ ေဍံမကၱဳဪဒွ္ႏူထးထ၀္ထးၾသန္ေရာင္၊၊ ညးလၝဳဪဂး ပုင္၀ြံ ကၱဳဪဒွ္ႏူထမွာဲေရာင္၊၊ ညးလၝဳဪဂး ပုင္၀ြံ ကၱဳဪဒွ္ ႏူဇရာံဖလူေရာင္၊၊ ဂလာန္ၿမၜသာ္၀ြံ ေဍံဟုီဒ႐ုီစန္စာတၜအုိတ္ရ၊၊ ညးမြဲတီစၞတ္ဂလာန္ဂွ္ ဟြံမြဲ၊ ဂလာန္ဂွ္ဟြံတုဲ၊ ဂႝက်ာ္ေဇႝာ္သၞာန္သၞိင္ရ၊၊ ယြံမရာတ္ ပုင္၀ြံ ညးဂမႜဳိင္မဂြံပအဟာေဍံ၊ မူႏူေဍံမကၱဳဪဒွ္ေရာအၜ၊၊ မိင္တုဲ ရၜ၀ြံ သၞိင္သၢးရ၊၊ ယြံဂႝက်ာ္ ပုင္၀ြံ ကၱဳဪဒွ္ ႏူဗၝတမ္သၝဳေရာင္၊၊ ဗၝမၢးဂွ္ ပသာ္ေဍံ မဒွ္ေရာ၊ ပုဦသၛာတ္ညိ၊၊ သၞိင္မိင္ဂႝက်ာ္ဟုီတုဲ သၞိင္စကာသႝာဲဒၜ ကုဪအာေကတ္နင္တမ္သၝဳ ထ႓းကုဪဂႝက်ာ္တံရ၊၊ ညာတ္တုဲ တမ္သၝဳ၀ြံ မူႏူေဍံမကၱဳဪဒွ္ေရာ၊ သၞာန္ပႜန္တုန္ ကၱဳဪဒွ္ႏူေႀသာံေရာင္ သၞိင္ဂး၊၊ ေႀသာံဂွ္ ပုဦဍိက္သၛာတ္ညိ၊ ေဍံတံဂးပႜန္တုန္ သၞိင္စကာသႝာဲဒၜ ကုဪအာေကတ္ေႀသာံ ထ႓းကုဪဂႝက်ာ္တံရ၊၊ ေႀသာံ၀ြံ ေဍံကၱဳဪဒွ္အမာဲရဟာ၊၊ တႝံေဍံ တုဪ၀ှပရာတုဲ မဂြံသတ္ေဍံေရာင္ သၞိင္ဂး၊၊ တႝံေဍံဂွ္ ပုဦဍိက္သၛာတ္ညိ ေဍံတံဂးတုန္၊ မိင္တုဲ သၞိင္ကုဪအာေကတ္နင္ တႝံေႀသာံ ထ႓းကုဪတုန္၊၊ ဇၞာပ္မံင္မဂႝက်ာ္တံဂမႜဳိင္ တႝံေႀသာံမြဲမြဲတႝဳင္ သၞိင္ပရံကုဪဗုဪရ၊၊ ညာတ္ဗုဪေဒၝါ၀္တုဲ ညးဂမႜဳိင္ ေထာံေကႜံရ၊၊

ၿဗၜမံင္မမြဲ ညာတ္တႝံေႀသာံဂွ္တုဲ တႝံေႀသာံဂွ္ တႝဟ္နသၞိက္ဗုဪေဒၝါ၀္သတ္တမ္ေဍံ ဂးတုဲ စကာဍိက္ကေမႜာန္ဇကုတုဲ အာတုဪ၀ှဗရဲဖဍာ္လ၀္ရ၊၊ စုိပ္ကာလပရိပါကေဍံတုဲ ေဍံကၱဳဪဒွ္သတ္ ႀကံင္ဍဳဟ္အာရ၊၊ သတ္ေႀသာံဂွ္ ဂြံတုဲ ဟြံကုဪျပဟ္လလုဲ ကုဪပလွ္ဗၵဟ္လ၀္မတုဲ ကုဪတုဪ၀ှလ၀္တုန္၊၊ နဲ၀ြံ ႐ုိဟ္သႝာံ ကုဪတုဪ၀ှလ၀္တုဲ ဒုဪမဂြံစုတ္လ၀္ကုဪဒြဳိင္ေသြ၀္ေဟင္၊၊

ႏြံကာလမြဲတၝဲ သၞိင္ကုဪတုိက္ကႝာဒယုိင္လၝီတုဲ ကၿမၜတၜမသၠဳဪဒါန္ရ၊၊ ပႛဲကာလဂွ္ ၿဗၜမံင္မဂွ္ သၞိက္ကုဪဒါန္ ဂေကာံသၞိင္တုဲ ေႀသာံတၞိဇကုဂွ္ ကုဪကႏွံသၝဳပေ၀ါတ္၊ စှေရင္လ၀္တုဲ အာေလၝာ၀္ပၱီသၞိင္ရ၊၊ ယြံမရာတ္ ဂေကာံမရာတ္ အဲသၞိက္ဂြံပကုသုဪညိကုီ၊၊ သၞိင္မိင္တုဲ သာ္၀ြံ သၞိင္သၞာန္ရ၊၊ မူဂွ္ ၀တွဳမြဲမြဲ သၠဳဪဒါန္ဂေကာံအဲေရာ၊၊ သၝဳပေ၀ါတ္အဲဍိက္မတုဪ၀ှ နတဲအဲဍိက္ဂွ္ အဲဍိက္ သၞိက္ဖ်ိန္ပိ႑ပါတ္တုဲ သၠဳဪဒါန္ဂေကာံမရာတ္ညိ၊၊ ဂြံရ သၞိင္ဂးတုဲ သာ္၀ြံ သၞိင္သၞာန္ရ၊၊ ပသာ္သၝဳပေ၀ါတ္ မတုဪမၢး၀ြံေရာ၊၊ ယြံမရာတ္ မတုဲေတံ တႝံေႀသာံမရာတ္ေကတ္နင္ မပရံကုဪဗုဪညးဂမႜဳိင္ဗုဪဂွ္ တႝံေႀသာံမြဲတႝဳင္ဂွ္ အဲတုဪလ၀္တုဲ စုိပ္ကာလလၞဳဟ္၀ြံ ဒုဪမေပင္ဒြဳိင္ေသြ၀္ေဟင္၊ ဂွ္ေႀသာံဂွ္ အဲသၞိက္ဂြံပကုသုဪ ဂေကာံမရာတ္ အဲမၢးေရာင္၊၊ မိင္တုဲ သၞိင္ပတၜအသ၀္ ထုိင္သး ဗြဲမေလာန္၊၊ ၿဗၜမံင္မေဍာတ္၀ြံ ေလပ္ေဇႝာ္ပၞ၀္ပုိန္ဟာန္ ဂယုိင္လမ်ဳီဒွ္သန္၊၊ ေဍံမေလပ္စှေခန္ေဟန္ဆာဲ ဒွ္သန္၊၊ ေဍံ၀ြံ ႀကဳိက္ကုဪပလ၀္ဒမံင္ဂႝက်ာ္ရ ဂးတုဲ ဗလုိပ္ဖုံ ပေသက္ပသ၀္ပတုိန္ ဒမံင္ဂႝက်ာ္ေဇႝာ္ရေဟင္ မိဂၢး၊၊

ဗ်တၱိစှေခန္၀ြံ ညးမဂႜဲါသၝှဗြ၀္ပုိန္ဟာန္ျဒပ္ကသပ္တံဂွ္ ေသၢာံပတႜမၢး ဒတုဲျမေမာ၀္ဇေမႝာ္ေဟင္ မဂြံစသုိင္၊၊ ေကႜာန္ဗုီၾကဳက္ ပႝဳက္ဗုီဂလာဂွ္ သၞိက္ကုဪဒွ္၊ ေပႜင္ဗုီမန္ဗၞာဂွ္ ဟြံမိက္ကုဪဒွ္ညိရ၊၊ ေကႜာန္ဂြံမြဲမး ေပႜင္ေထာံမြဲဒေက၀္ဂွ္ ညးဟြံဂးစှေခန္၊၊ ပူဂုဪမပတႜစှေခန္တံ သာ္ဂွ္ဟြံေသင္၊ ညးတံ မွတ္ဂႜဲါသၝှပုိန္ဟာန္တုဲ ေဇႝာ္ပၞ၀္ဂလုိင္ပတုိန္ဗြ၀္ျဒပ္တံဂွ္တံဂွ္၊၊ ဂး ... ဂး ... လၸဟုီဂႜဳိင္ရ၊ တၝဲဏံ ေကတ္ဆ႓ုိတ္ဏံကႜာရ၊၊ စပ္ကုဪဗ်တၱိစှေခန္၀ြံတုဲ ပုံအဂုဪတႝဟ္မြဲ ႏြံတၜဏီ၊ ပုံဂွ္ အဲသခ်ဴထ႓းကုဪပႜန္၊ ကႜဳင္ပံက္ဗွ္ ဗႜံက္ကမ္နိရာဲပႜန္ဏး၊၊

စှစပ္ ကသပ္ဍဳိက္ေပင္

ဗ်တၱိစှစပ္၀ြံ ႏူဒိတၳှအင္ကလိတ္ ၁၉၊ ဂိတုေဖျဗဴ၀ါရှေတံရ အဲ ဟဂြံခ်ဴပတုိန္ထ႓းကုဪတႜပညာမန္ပုဦတံ လံအာဗႝတ္မြဲဂိတုျပင္အာရ၊၊ တၝဲ၀ြံ စုိတ္တမၝအ္ဒွ္ကႜဳင္ညိတုဲ ဆက္ခ်ဴအာပႜန္ရ၊၊ ဗ်တၱိစှစပ္၀ြံ ဟုီဗတ္အင္ကလိတ္မၢး Skillfulness at making friends and communication ၊၊ လဟုီအေရ၀္ေခတ္လၞဳဟ္မၢး ပ၀ဒြက္မိတ္ဂႜဲါရဲ၊ ပ၀ဒေဒွ္ဒယွ္ဍဳက္ေက၀္ ကုညးမြဲသအာင္ မေထက္ကုဪဒွ္မိတ္တံဂွ္ ဒွ္ဗ်တၱိစှစပ္ရ၊၊ ဟုိတ္ဂွ္ရ တႜအဲ ယ၀္ေသၢာံပတႜဗ်တၱိစှစပ္မၢး ကသပ္တႜအဲ ေသၢာံဍဳိက္ေပင္ေရာင္ တႜပညာမန္တံ မဟုီလ၀္၊၊ အဲ ဟုီဟြံေသင္၊၊ ပႛဲမဒက္မိတ္ဂႜဲါရဲ ပဒေဒွ္ဒယွ္ကုဪညးမေထက္ကုဪဒွ္မိတ္တုဲ ကသပ္ဇကု မေသၢာံဍဳိက္ေပင္စုိပ္ဒတုဲဂွ္ လၜထ႓းကုဪပုံအဂုီမြဲရ၊၊

ေလၞင္ပုံအဂုီဂွ္ သာ္၀ြံ အၥာသႜပတ္ဗ်တၱိ ခ်ဴလ၀္၊၊ မႝိဟ္လ၀္ကုဪဒွ္ရ ႓ုိန္သတ္တိရစၧာန္ကုီေလ၀္ ဟုိတ္မေလပ္စှစပ္ ပတုန္ဖအာ နကုဪရွ္သာဂလာန္သုဘာသုိတ္၊ ဟုိတ္ႏူမေလပ္ဒေဒွ္ဒယွ္ ဆာန္ကၞိန္တုဲ အတုိင္ဒတုဲစုိတ္မခ်ပ္ဂွ္ ညးဒးမွတ္ပၱိတ္ကုဪျဒဟတ္ကုဪဇကု ေဟင္၊၊ ညးမဒွ္သာ္ဂွ္ေရာ၊၊ ပႛဲအတိက္ေတံ ဂေစံတႝတ္႓ါ ႀတဳံကုဪၿဗၜ ဒက္လ၀္သေပဲါ ပႛဲဗုိင္လာဲတုဲ ကတုဪဗၵဟ္ေကာန္ ဒမံင္တၜရ၊၊ ႏြံကာလမြဲတၝဲ စိင္ဇၞဴမြြဲ အလုိက္မဂႜဲါစ အာတၜဂွ္ သပူဒးစုတ္ သေပဲါဂေစံတႝတ္ဂွ္တုဲ ေကာန္ေဍံ ဒးပကာဂစုိတ္ေဟင္၊၊ ဂေစံတႝတ္ဂွ္ ညာတ္ေကတ္တုဲ၊ ပသာ္ပ၀စိင္၀ြံေရာ၊ ေကာန္ပုဦ ေဍံတန္ဂစုိတ္ႏြံဟာ ဂးတုဲ ပတြဳဪႏူဂွ္ ဒက္လ၀္၀ဲအဃာတကရ၊၊ စိင္ဂွ္ ေဍံဟဂြံခ်ဳိတ္ ပုဦသၨက္ဟဲစုိတ္ႏြံဟာ ဂးတုဲ ဂေစံတႝတ္႓ါႀတဳံကုဪၿဗၜ အာပသဟာဲကုဪဂဍာ္ဂႝံင္ရ၊၊ ေကႜာန္႓ုိတ္သှကႜှဗတံတၝဲ၊ သၞိင္ဂဍာ္ဂႝံင္ ညာတ္တုဲသႛဳိက္မႜဳိက္တၜ ဂေစံတႝတ္႓ါေဟင္၊၊ ယြံဂေစံတႝတ္ မူဟုိတ္မႝးတံ မကႜဳင္ေကႜာန္႓ုိတ္ကုဪအဲေရာ၊၊ ယြံတႜအဲ သၞိင္ဂဍာ္ဂႝံင္ စိင္ျဒင္မြဲမဖွ္သာ္ဂွ္ ပဒတၜထာန္ဂွ္ ေကာန္ပုဦသုီသေပဲါ ေဍံေပႜင္ေကႜံ၊၊ တႝဟ္နသေပႜင္ေဍံ ပုဦဟသၞဟ္ရထတုဲ ပုဦမကႜဳင္စုိပ္နာဲပုဦေရာင္၊၊ တႜအဲတံမႏြံကုဪလြဟ္စမၜမေသၠက္၊ တႜအဲတံမႏြံျဒဟတ္မျပဟ္ေျပဟ္၊၊ ဂေဍာင္မတ္စိင္ဂွ္ သုီ႓ါဒုိဟ္ တႜအဲ႓ံက္ပလုီေကႜံညိ၊၊ မတ္ေဍံမလုီတုဲ ပုဦဟဲစုိတ္ေရာင္၊၊ ဟုိတ္၀ြံ ပုဦမကႜဳင္စုိပ္တႜအဲေရာင္၊၊ သၞိင္ဂဍာ္ဂႝံင္ ဂြံသန္ရ ဂးတုဲ သုီဂဍာ္႓ါႀတဳံကုဪၿဗၜ ပ၀္ေပၝာံဍဳန္လတူကၞံင္စိင္႓ါဒိုဟ္တုဲ နမုဟ္စမၜမေသၠက္ မတုပ္တၜရၜဗႝဳဟ္ႀတိသုလာန္ဂွ္ သုီမတ္စိင္႓ါဒုိဟ္ မြဲဒၿမိပ္ ႓ံက္ပလုီေကႜံတုဲ ဂေစံတႝတ္႓ါ မိပ္စုိတ္စ႐ုိတ္ေဟင္၊၊ စိင္တုန္ေလ၀္ မတ္႓ါဟဂြံညာတ္တုဲ ႀကဳိင္ဂနိင္အာ ဒတုံေစွ္ျဇဟ္ ဒးပကာဂစုိတ္ေဟင္၊၊ ဂေစံတႝတ္႓ါ ဟုိတ္မႏြံညာန္ မေလပ္စှစပ္ မေလပ္ဒေဒွ္ဒယွ္ မေလပ္ဂႜဲါငၝှမိတ္သဟာဲ၊ ႓ုိန္ကာယဗလဇကု မဟတုပ္ကုဪညးကုီရ ညးမသႛဳိက္တုဲ ညံင္ကသပ္စုိတ္ ဇကုဂွ္ ညးမၵးပတိတ္ျဒဟတ္ ႐ုီဗင္ဇကုေဟင္၊၊ ဣ၀ြံ ဂုန္မစှစပ္ရ သၞိက္ဂး၊၊

တႜပညာမန္တံေလ၀္ ဍဳင္မန္ မန္တံ သၞိက္ဂြံကေလင္စၞိန္ျပမာန္ပႜန္ ယ၀္သၵဟ္ ဗ်တၱိစှစပ္၀ြံ ပလ၀္သၠံတဲ ဗုိန္န္ညိ၊၊ အလုပေတွ္ဓတ္ အလတ္ပေတွ္ျဒင္ရဂးတုဲ ဂႝပ္ကသပ္ဇကု မစုိပ္ဒတုဲမာန္ေရာင္ဟြံေသင္၊၊ တႜပညာမန္ပုဦ မအာစုိပ္ပယ်ဳဪတိရး ဒုိဟ္သအာင္တံဂွ္ မွတ္ဂႜဲါငၝှလ၀္မိတ္ မွတ္ပဒေဒွ္ဒယွ္ကုဪညးအုိတ္ညိ၊ ဂွ္ေရာင္ မဂြံဒွ္ဒတုဲျမေမာ၀္ဇကု ဍာံစၞတ္၊၊

ဗ်တၱိစှစပ္

မႝိဟ္ဂွ္ သတၱိဗ်တၱိခုိဟ္၊ ဂလာန္ၿမၜသာ္၀ြံ မဂြံမိင္ဒၞံင္တြဳဪကုီရ။ မႝိဟ္သတၱိခုိဟ္ ဗ်တၱိခုိဟ္မၢးဂွ္ မႝိဟ္မႝဳံကုဪစုိတ္မၿဒိဳဟ္တၜဂွ္ မိက္သၢးဟာ။ ပုဦႏူအ၀ဲမေဍာတ္သြတ္ေတံ မေကင္ဟုီဂးတၜကုီ၊ မဏံ သတၱိခုိဟ္ေကြံေကြံ၊ မုေဍံ ဟြံေဖက္၊ လဟုီေကာန္ငၝာ္သာ္ဂွ္ ေဍံတံမဟုီဂးတၜ ရင္သၠံ။ ျပ၀မသကၠဳဗေဟက္ဂၞံက္ဂွ္ သတၱိေရာင္ ႏူအ၀ဲမေဍာတ္သြတ္ေတံရ မေပႜာပ္လ၀္စုိတ္သာ္ဂွ္။ ေဇႝာ္တုိန္ညိတုဲ၊ ရဲအဲဏံ သတၱိဗ်တၱိခုိဟ္ေကြံေကြံ၊ ရၜဂွ္ ဟုီထုိင္သးတၜသၠံရဲဇကု။ ႏူကုဪသတၱိမြဲမဂွ္ ဗ်တၱိမြဲမ မဂြံတီပႜန္တုဲ မုကေလာန္ေကင္ကာ ေကႜာန္န္ ခါမခ်ပ္ဂႝန္စင္ျခင္ရင္သၠံမၢး သတၱိဗ်တၱိႏြံယ၀္သၵဟ္ အရာကေလာန္ ဟြံအာစုိပ္ဒတုဲဂွ္ ဟြံမြဲ၊ သာ္ဂွ္ မဟုီဂးဒၞံင္လၞဳိန္။ ဟုီတုဲဂွ္တုဲအာ။ မုမြဲမဒွ္သတၱိ၊ မုဒွ္မဒွ္ဗ်တၱိဂွ္ ညးမြဲဟြံလၝတ္ စုဪကုဪမတီေကတ္။ လၝဳဪဂွ္ ဂးတၜသာ္၀ြံ၊ သတၱိဂွ္ ဂံင္သၠာ၊ ဗ်တၱိဂွ္ စှကႜး။ ဂံင္သၠာဂွ္ သတၱိရဟာ။ စှကႜးဂွ္ ဗ်တၱိရဟာ။ စှကႜးဂွ္ ဒွ္ဗ်တၱိဖအုိတ္ရဟြံေသင္ဏီ။ ေပႝာ၀္ဗ်တၱိဒစိတ္သာ္ဂွ္ စှကႜး၀ြံ ဒွ္ဗ်တၱိမြဲညိကုီ။ ဗ်တၱိဂွ္ ဟုီစ `စှကႜး´မြဲဓ၀္ဟြံဂြံ။ ဟုိတ္ဂွ္ရ ညံင္ေသၢာံတီေကတ္သတၱိ ဗ်တၱိ ကႛဳိက္က္ေပင္င္ဂွ္ သႜပတ္ဗ်တၱိဒစိတ္သာ္ တႜပညာမန္ဒယွ္ မခ်ဴဆန္လ၀္ဂွ္ အဲ ခ်ဴပတုိန္ထ႓းဏာ ပႛဲမုက္လိက္ဏံရ။ ဆက္ဗွ္အာဂတေတံညိ။

စှဒစိတ္သာ္ သုီဖအုိတ္ဂွ္ ညးေကာ္ခၜစ ဗ်တၱိရ။ စှခႜ စှေရင္ စှကႜး စှေဖာ၀္ စှစုီ စှမသုန္သာ္၀ြံ အဲ ခ်ဴပတုိန္ကုဪလ၀္တုဲရ။ လၞဳဟ္ စုိပ္ကႜဳင္အလန္စှစပ္ မရႏုက္ကုဪႀတၜရ။ စှစပ္မၢးဂွ္ ပသာ္မဒွ္ေရာ။ ညံင္ဇ႓ုိန္ၾသာန္ကုီ တႜပညာမန္တံ မဟုီပၱဳပ္လ၀္။ သဘၜဇ႓ုိတ္ဆုၾသာန္မၢးဂွ္ ရာေဍံမစုိပ္ညးတုဲ ေဍံခႝံကုဪဗႏၶမိတ္ေဟင္၊ သဗၺကေလာန္ေကင္ကာ အေပါတ္လကၤာရအုိႆုီ ေဍံ ခႝံဗၵဟ္ကုဪအေယာင္အငၝင္ညး သုီဖအုိတ္ေဟင္။ ပၞာညံင္သာ္ဂွ္ရ ႀယၜပူဂုဪမြဲ မႏြံညာန္မစှစပ္ မဂႜဲါသၝှဒတုဲျမေမာ၀္ဇကု၊ အုိတ္ညးမတၜပႛဲအိန္ေခန္ ဇေရင္ဒကၜမေသၝာဲမညန္၊ ပ၀မေလပ္သၞဲသရန္ မဆာန္ကၞိန္ဒေဒွ္ဒယွ္၊ ပ၀မပရံဗဒုင္စႝဖာပ္၊ ပ၀မက႐ုိင္ဗုိင္သြက္ ဇၞာပ္ကိစၥေကင္ကာညးမကၱဳဪဒွ္ ညံင္ကုဪကာဇကုကုီ၊ အဇွ်ာသယကုညး ေသၝ၀္တုဲဟဂြံရံင္ဗုဪရံင္မြဲ ညးဟြံေသင္ကုကေလာတံဂွ္ ညံင္ကေလာကုီ၊ ဂလာန္သုဘာသုိတ္ သံင္၀ါသ ပတၜလၞဳိန္၊ ပႛဲတႜအ၀ုဪအသှတုန္ စၞာဲဇမိန္ပဏၰာကာရ ဆမႀကဳိက္ကုညး အဇွ်ာသယေသၝ၀္ေကတ္တုဲ ပယတ္လၞဳိန္ ေစွ္တုိန္ေလာပ္ကြာဲလဗာဲ ေအာပ္မာ သှကႜှတၜညး၊ အမွဳစရင္ေကင္ကာမကၱဳဪဒွ္ ပၱိတ္ျဒဟတ္အေစာံဇကု မဟဂြံလႝဳဟ္ဒကုဲတုဲ မာတ္မကႜဳင္အာ ကြာဲလဗာဲ မဂႜဳိင္ကု၀ါဂွ္ဒွ္တုဲ မူကိစၥမႝးေရာ ညးမၵးဂႜံက္သၞာန္ဇကု၊ ပႛဲကြတ္လၝတ္အုိႆုီတုန္ ပဏၰကာရမႀကဳိက္ကုဪဇကု ပလ၀္ဂုန္ဓနာတ္ ကုဪညးတုဲ တြာ္တုိက္ဍဳိက္ဂႜဳင္ စမွ္ဍဳင္ကြာန္ မစုိပ္အာတံဂွ္ ညးဟြံေသင္ကုကေလာဒညာတ္ကုီေလ၀္ ပရင္ဗစန္မႀကဳိက္ႀကဳိက္ ဟဂြံဂုိဟ္ ပလ၀္တုဲ ဒေဒွ္ဒယွ္ ပလ၀္မာင္စှမာင္ႏွာကုဪညး၊ နဂလာန္သုဘာသုိတ္ မတြံဂးဍာ္အၿမဳိတ္ ဖ်ဳင္လ၀္ကေတာ၀္ညး၊ စၞဟ္မကႜဳင္အာ ညးညာတ္မုက္မိင္ပါင္ ေမတၱာညး ကၱဳဪဒွ္ရ၊ ယာံရက႐ုဏာညးကၱဳဪဒွ္တုဲ ရာပမိက္ညးမြဲ မသၝှဂႜဲါတုဲ ညးဟြံဗၵန္ဇကုရ၊ ဒုဪကုဪေလာကဓ၀္မြဲမြဲ မကတုဪဒွ္ကုဪဇကုကုီေလ၀္ ဇၞာပ္ကာလ ညးမၵး႐ုီဗင္ေဆာံမေဟင္။ နဲသာ္၀ြံ တၞံဍဳင္ကြာန္ မအာစုိပ္ဂွ္ ပ၀မဂြံပလ၀္ဒေဒွ္ဒယွ္ ဆာန္ကၞိန္ကေလာဒညာတ္တံဂွ္ ညံင္အကာရမဖ်ိန္လ၀္ပုင္ဂြှဍာ္လုဪ သၠ၀္သၱိက္ကုီ၊ ပူဂုဪမႝဳံကုဪဓ၀္သတိ မစှပ်းလ၀္ဗ်တၱိၿမၜ၀ြံဂွ္ မေလပ္တုဲခ၀္လ၀္ဂႜဳိင္ မညာတ္ဒတုဲျမေမာ၀္ဇကုၿမၜသာ္၀ြံဂွ္ အစာတႜပညာတံ ညာတ္တုဲ စှစပ္ အစာတံမကုဪယၞဳေရာင္။

(ေလၞင္ပုံအဂုီ ေသၢာံသမၱီေကတ္ ပႛဲဗ်တၱိစှစပ္၀ြံဂွ္ အဲ သခ်ဴပႜန္။ လၞဳဟ္ တန္ဆ၀ြံကႜာရ။)